الصراحه أنا بقولك موقف صارلي وهو اني مرة رحت المطبخ أبغى اسوي شاهي , وانا فيني نسيان وعجله شوي , المهم اني دخلت المطبخ وأخذت البريق وحطيت فيه سكر وشبيت النار وكنت مستعجل وخليته ورحت , وأخذت حوالي ساعه المهم ذكر علي الشاهي واطلع من غرفتي واروح للمطبخ وكان الباب مسكر فتحته الا والدخان بوجهي واطلع على طول خفت البيت احترق وادخل مع الباب اللي ورى وادخل المطبخ وافتح الدريشه وافتح الباب وانتظر الين راح الدخان , سبحان الله اهلي كانوا طالعين كلهم مافيه أحد بالبيت ولا كان صارت علوم , المهم انتظرت شوي إلين راح الدخان وأجي واطلع بالبريق الا وكله اسود , أثاريني نسيت اصب ماء , يعني سكر بس , البريق صاير أسود محترق السكر , وأخذ بالبريق وأحذفه بالزباله , وأرجع لغرفتي بدون أي شي حامدن ربي على سلامة البيت وسلامتي , قلت خلاص ماعاد ابي شاهي تبت , ولا علمت أمي ولا كان توكلني السكر المحترق (الوجبه الجديدة اللذيذه) والى يومك هذا ماعاد اسوي شي بس اذا لقيت اكل جاهز ولا مستحيل أسوي توووبه
رد مع اقتباس
.gif)
