ما وحشنا خافقك ,, ( الله لـــــنا )

[السياسي]

الله الله

تعبير جميل

وسلاسة اجمل

صح لسانك ولا هنت

تحيتي لك

[غلا أبوها]

في غيابك كان ما أثرّت فيك
............... شف خفوقي من غيابك وش جنا

الحزن في كل شيء ٍ يحتريك
............... القصيد ,, وليلنا الساهر ,, وأنا

آه ياشين البعد

صح لسانك آبو عبد الرحمن

ولاهنت

[النااايفة]

والله انك داخل عيوني مليك
............... وسط قلبي منزلك عالي هنا



والله انك داخل عيوني مليك
............... وسط قلبي منزلك عالي هنا



وش هالروعه
روعه روعه روعه

سلمت اليمنى يالصقر

[فخر أهلها]

الله عليك يبو عبدالرحمن

مازالت ابياتك في كل مره تلامس الاحاسيس

حاولت اقتبس كم بيت لقيت ان كل الابيات تستحق الاقتباس

صح لسانك الى رضاك

تحيتي لك

[مفرح بن مناحي]

صح لسانك يا أبو عبدالرحمن

والله لنا

إبداااع

بانتظار جديدك

[أبوعبدالرحمن]

ابتسامة امل

صح بدنك اختي

واسعدني مرورك

[سعود بن عبدالله]

.


في غيابك


في غيابك



في غيابك




في غيابك كل شيء ٍ يحتريك
............... القصيد ,, وليلنا الساهر ,, وأنا

في غيابك ما لقى قلبي شريك
............... لين سموّ خافقي ( قلب العنا )

في غيابك ,, نفتقد لمسة يديك
............... ما وحشنا خافقك ,, ( الله لنا )

في غيابك كلنا قلنا نبيك
............... أنت شفت البعد وش سوّى بنا ؟!!

كلنا يا آسري منك وإليك
............... ما لنا عن ضحكة شفاتك غنى

أنت ما تشتاق للأيام ذيك ؟
............... يوم كل أيامنا فرح وهنا

أنت تامر يا بعد عمري واجيك
............... شفت قلبي لو تأشّر له ,, دنا

قلبي اللي من كثر خوفه عليك
............... لو يشوف الدمع في عينك ,, فنى

والله انك داخل عيوني مليك
............... وسط قلبي منزلك عالي هنا

في غيابك كان ما أثرّت فيك
............... شف خفوقي من غيابك وش جنا

الحزن في كل شيء ٍ يحتريك
............... القصيد ,, وليلنا الساهر ,, وأنا

صح لسانك والله يعطيك العافيه

[الحسن ال منصور]

صح لسانك يبو عبدالرحمن


إبداع ياخذنا إلى حيث يوجد الشعر الحقيقي


لا هنت يامبدع


...