أحاسيــس الغــلا !!

[شاعرة نجد]

صح الله لسانك شاعرتنا العذبه

ولاهنتي على هالرااائعه


غلاااي’,,

[فخر أهلها]

أحبّك كثر مادنّت رعود وكثـر طيـرٍ طـار
كثر مالاحت بروق الحيـا والخيـر قافيهـا
أحبّك كثر ماهاضت هجوسك بأعذب الأشعار
كثر ماخطّت أقلامـي تعبّـر عـن خوافيهـا
كثر مابيني وبينك من رمال وحصى واشجار
كثر ماسارت اقدام البشر واحفت خطاويهـا
أحبّك حب لو حسه خفوقك في غرامي صـار
رهين الشوق واللّهفة لاجل عيني وراعيهـا


ياسلا ياسلام يافخر اهلها

نص رائع ممتع جميل

صح لسانك ملايين

تحياتي

هلا بك بدر

صح بدنك وقلبك ملايين بعد

حضورك شرف لي

ارق تحيه

[فخر أهلها]

فخر اهلها

هلا بك وغلا

صح لسانك الى رضاك

لازلت اقول انك فخر الشعر النسائي ...

تخاطبين المشاعر والاحاسيس بطريقه لايجيدها الا انتي ..

كلماتك من القلب الى القلب مباشره ...

لو اردت احصاء جماليات القصيده لااحتجت الى الكثير ..

تستحقين التصفيق بلامجامله ...

شاعره رائعه الله لايضرك

تقبلي مروري

الفاضل احمد مناحي
صح بدنك ولاهنت
دائماً مايكون تواجدك حافزاً للتقدم
شهادة اعتز وافخر بها وبتواجدك الراقي دوماً وابداً
شاكره لك مروورك العذب

[محمد مطلك الجربا]

[align=center]فخر اهلها

اختي الكريمه

ماشاء الله

مستوى وقلم انثوي جميل يستحق الوقوف كثيراً

جميل الاحساس عندما يكون عفوي صادق

والاجمل عندما يبوح به كلام انسان حساس يعرف كيف يترجمه على وزن وقافيه

حقيقه


لا تعليق[/align]

[فخر أهلها]

الشاعرة الغارِقة في العذوبة فخر أهلها:

نص لا أملك حياله إلا الصمت
والإبحار بين لآلئه الأكثر من رائعة
لله درك من شاعرة
وصح قلبك وكلك

امل عبدالعزيز

صح بدنك ونبضك

شهادة اعتز بها

ومرورك اسعدني

شاكره تواجدك

[فخر أهلها]

فخر اهلها

مبدعه دوما اختي


وصح قلبك وكلك


ولازلنا ننتظر جديدك قلمك بعد هذا الغياب


تحيتي لكِ

هلا بك ابو عبدالرحمن

صح بدنك وكلك

شاكره مررورك الراقي

[صلاح الأحمدي]

[align=center]صباح الخير جميعاً

اعود اليكم اليوم وبعد الغياب .. بهذه المتواضعه التي اتمنى ان تنال استحسانكم ..[/align]



[poem=font="Simplified Arabic,4,darkred,bold,normal" bkcolor="transparent" bkimage="backgrounds/11.gif" border="double,4,burlywood" type=2 line=0 align=center use=ex num="0,black"]
حبيبي يابعد عمري فداك الشّعر والشّعار=فداك اللي كتب حرفه ولعيونك يجاريها
ألا يامااكثر اشواقي لشوفك والغلا جبار=على قلبي نقش رسمه وبجفوني مواريها
أنا مشتاقه أحكي لك عن أول وآخر الأخبار=عن أيامٍ بلا صوتك تغيب أحلى معانيها
أموت ان قلت وشلونك؟تجاوبني تقول (بخار)=يالبّا كلمتك دايم بنبراتك تحليها
أنا مشتاقه لبسمة شفاهك يوم أجي زوّار=تلحّن لي تراحيبك (هلا بك ) لي تغنيها
أنا وشلون أبوصف لك غرامٍ فيه أنا محتار=أبكتب وادعي المولى حروفي لك يقدّيها
أحاسيس الغلا مثل الحديقة كلها أزهار=وانا باقطف لك من أجمل ورود الحب جوريها
أحبّك كثر مادنّت رعود وكثر طيرٍ طار=كثر مالاحت بروق الحيا والخير قافيها
أحبّك كثر ماهاضت هجوسك بأعذب الأشعار=كثر ماخطّت أقلامي تعبّر عن خوافيها
كثر مابيني وبينك من رمال وحصى واشجار=كثر ماسارت اقدام البشر واحفت خطاويها
أحبّك حب لو حسه خفوقك في غرامي صار=رهين الشوق واللّهفة لاجل عيني وراعيها
وانا مابيك تجرحني وصرحك بالهوى ينهار =أبي من لمسة يدينك جروح القلب تشفيها
أبي تعرف بإن الحب ماله فالبلد سمسار=إذا بعت بهواك قلوب تركض له وتشريها
أبيك تقدّر إحساسي تصون وتحفظ الأسرار=طقوس الحب في روحك تعلمني مباديها
أبي أضما غرامك لو يجيني كنه الأنهار=الين أسمع (أحبّك ) من شفاهك وارتوي فيها
أبي ضمّة غلا منها أهيم وأنتشي واختار=وجودي في حياتك واهجر العالم واجافيها
أبي تشعر بنبضاتي بلا اشعّة ولا منظار=عيوني في عيونك تسرد القصّة وتحكيها
وأبي حبّة جبين اللّي ليامنّه وعد مابار=يصون عهوده بروحه ولايمكن يخليها
وأبيك الفرحة بعمري مدام ان الفلك دوار=سرق من عيني البسمة يكحّلها ويعميها
ياليتك حولي قريّب لو إنّك ياحبيبي جار=لاجل عيني بشوفك ياحبيب الرّوح أبرضيها
أنا بامشي في حبّي لك ولو طوّل بي المشوار=وعد منّي مشاوير الغلا لاجلك ابمشيها
أحبّك إيه أحبّك ثمّ أحبّك زيدها تكرار=أبي يطرب لها سمعك وتطرب بك قوافيها
كتبت حروفي أوصف لك ولكن خلها تذكار=مدامي ماأشوف اني وصفت اللّي أبي فيها [/poem]

؛

يسلَم بيَانك وبنَانك ، ابدَعت ..

فَخْر أَهَلْهَا
صَحّ لسَانَك وقَلبَك مَددّ ، ويسلَم بُوحَك ونَبض رُوحَك ، لاَهِنت.
؛
،، وَتَحِيَّة ،،
؛

[فخر أهلها]

صح قلبك وكلك


وسلمت اناملك

تحيتي لك

طلال سويعد

صح بدنك ولاهنت

شاكره مروورك الكريم

[نايف السليطي]

فخر أهلها

اسمحي لي ان اسميك فخر الشعر

تسلمين وصح لسانك

[خــــالـــــد]

[align=center]
فخر أهلها
ـــــــــــــــــــــــــ ــــــ
صحِ لسانك أختي

وتسلمين على القصيدة

روووعة

لاهنتِ
ـــــــــــــــــــــــــ ــــــ
أخوكـ/خالد
[/align]

[سعد المورقي]

صح لسانك

رووعه يافخر اهلها

كروعتك

دمتي وتقبلي مروري

[دمعة حياه]

مشاعر تستحق الاشادة

سلمت تلك الانامل


دمعة حياااااااه

[فخر أهلها]

.


فخر اهلها


الله يعطيك العافيه



لاهنتي ابيات جميله



صح لسانك ودمتي بخير




محمد بن نايف

هلا يامحمد

صح بدنك ولاهنت

شاكره مروورك الكريم

[إشراقـ أمل ـة]

فخر أهلها

رائعة رائعة أنت يافخر أهلها ...

أبيات تقطر عذوبة ، وجمالا يأخذ الألباب ..

لله درك على القصيدة الممتعة بحق ..

صح لسانك يالغالية ..

ودي

[يوسف عبدالله الغنامي]

خر أهلها



صح لسانك وعلا شانك


مبدعه ورائعه


لله درك من شاعره جزله