تكفون لاتخلوني ابي اعرف من انا( الحلقه الخامسة)

[إشراقـ أمل ـة]

محمد اعتمد على نفسك وشوف القسم اللي يحبه ( من أنا ) أكثر وروح دور عليه لما تتعب ..:مزون:

بس ضيفنا أو ضيفتنا مررررررررررررة دمه / دمها خفيف مررررررررة

ضحكت من قلب لما جاوبت على أسئلتي

بس ماشاء الله ذكي / ذكيه :واو:


طيب أخمن


سعود ..

[乂 مـحـمـد 乂]

لا حووول يا اشراقه ليش كذا

يا ساتر الكلام اخذ وعطى :زعلان:


ولا يهمك اعتمد على نفسي

[لــيــل]

آآدمي :مزون:

طيب حدّد لو سمحت بالضبط وبدون مراوغة هل هي صورة


( طفل _ رجل " امير _ ملك - رجل آخر " - امرأة )

[乂 مـحـمـد 乂]

زي ما ذكرت من قبل اتوقع يا خالد او طلال ويمكن يكون سعود

[إشراقـ أمل ـة]

خلاص يامحمد أنا حاسة إن الفوز من نصيبك ..

طيب نقووول ...

محمد بن ضاوي

[همس الغصون]

امكن دفا المشاعر

[لــيــل]

ماااااااااااااااااااااااا ااااااااااااااااااااااااا اازن وعندي احساس اكيد انه هو

[乂 مـحـمـد 乂]

والله مدري

الله يسمع منك

ايه هذا الكلام الي يفتح النفس

مهول كلام مرت الابو الي اول

ههههههههههههههههههههههههه ههههههههههه

فرق وربي فرق





ولا زالت الشبهات تحوم حول خالد وطلال وسعود

[ندى الحروف]

كل ذا حايس باسئلتي الله يعينوووه :مزون:

[لــيــل]

رغم ان سعود مختفي اليوم وهذا الشيء غريب جداً انه ماحضر اليوم بس نقول


يمكن لانه خميس :مزون: ....

[من أنا ؟]

بحط اسئلتي و امري على الله لاني بنخمد :مزون:

يـلا بسم الله ..

حطيها وروحي خليني اسهر عليها :مزون:

- اذا كان عندك فرح اخوك او اختك او احد يقرب لك و حضرته ,, تدخل قاعة الحريم و لا الرجال ؟؟ ( لا تقول وحده منهم!! حدد من وين لو سمحت :مزون: )

من باب المطبخ

- تغير توقيعك دايم او لاع ؟ و وش فيه ( رجل - امرأة - ورد - كلم - فلاش - طفل ؟ )

مو دايم 000 وتبين اللي فيه زمان ولا الحين :مزون:

- تسمع اغاني ؟ ( ان كان نعم لميـن اكثر شي ؟ )

احيانا ( خلف مرني اربع بنات :مزون:)

- تكتب ردودك و مواضيعك بلون معـين ؟

سبقت الاجابه عليه

- تسمع او تقرأ او تكتب شعر ؟! و ان كنتي تعرف لـ وحده فيهـم اذكرها :مزون:

كلها

- مع او ضد قيادة المرأة للسياره ؟

ضدها لين تقوم ناقة صالح

- انت عضـو ,, لكن هل لك منصـب هون ؟! ( مشرف - مراقب " اي كان النوع " - اداري - مشرف سابق - مراقب سابق ) ؟
( برضـه حدد اياهم ..! ,, و ان كنت عضـوه الخيـارات نفسـها )

ياشيخه ليه التفرقه كلنا سواسيه كأسنان المشط :زعلان:

- تحب اقسام المرأة ؟

اذا كنت محتاج طبخه ( بالذات برمضان يعني بازوره قريب ):مزون:

- تحب القسم الرياضي ؟ و اي واحد فيهم ؟

لا

- برأيك من اصعب خيانة الحبيب و لا الصديق ؟

كلها اخس من بعض 00 بس اذا لازم اختار ( الصديق ) < نفسي اعرف وش علاقة هالسؤال بمعرفتك لي :خخخخ:

- تعرف تصمم ( فوتوشوب - اميج ردي - سويتش - اي شي :مزون: ) ؟

ولا شي

- اكثر منتدى تكتب فيه مواضيع ؟

مافي منتدى معين اي موضوع يعجبني اشوف المكان المناسب له

- اكثر منتدى تشارك فيه ؟

مافي شي معين احب اتجول

- اكثر منتدى تحبه ؟

مثل الجواب السابق

- - تشارك بالغربله ؟ و كثير و لا وسط و لا نادرا ؟

احيانا حسب مزاجي اذا رايق كثير واذا مكربن مااشارك

- انـت مسجلـ بغرابيل من اي عام بالميلادي ؟؟؟
( معليش حدد العام و الشهر لو تقدر )

اقول مااذكر شي تقول حدد السنه والشهر :زعلان: باقي تقولين اليوم والساعه

- انتـ ساكنـ بوحده من هذول ( جده - مكه - الرياض - الشرقيه - المدينه - القصيم ) ؟؟
( حـدد برضـه )

ولا وحده

-

آخر الفيه وصلت لها هون بغرابيل .. كم ؟

ادعولي الله يتمم الثانيه على خير :مزون:

- انا و انت نتقابل بالمواضيـع ؟!

احيانا

- انت عندي بالايميـل ؟؟ :مزون:

من سوء حظي لا هههههههههههههههه بس اذا تبين اصير عندك مافي مشكله

- انت طالبـ او موظف او و لا وحده منهم ؟

طلب العلم من المهد الى اللحد

- تكتب خواطر ؟ و قد نزلت بغرابيل ؟

لي محاولات 00 ومانزلت

- كم سنه صار لك بعالم النت ؟

خمس سنوات

- وش مشروبك المفضل ؟

حليب النياق

- وش لونك المفضل ؟

الابيض

- وش مسلسلك المفضل ؟

مافي

- وش برنامجك المفضل ؟

اي برنامج هادف وممتع مثلا 99 دقيقه يعجبني

- تزور منتدى المطبخ وتشارك فيه ؟

زرته بس ماشاركت فيه

- قد مـره غيـرت النك نيـم تبعـك ( سواءً تغيير للأسم او بس زخرفته ) ؟!

لا

- كيف عرفت منتدى غرابيل ؟

من صديق

- تستخدم النقاط او علامات التعجب بكتاباتك او ردودك او لاع و ان كان الجواب نعم فـأي وحده تستخدمها ..؟!

حسب النص

- انت سريع بالكتابه ؟

مش كثير

- لهجتك مايله للحضري و لا البدوي ؟

مكس

- لك مشاركات بالتعليمي ؟

سبقت الاجابه في رد اشراقه

- لك في الكوره ؟! تشجع اي نادي
الهلال / الاهلي / الاتحاد / النصر / الشباب / و لا شي تاني غير المذكوريين ؟!
( اذكره :مزون: )

مالي فيها

-

تعرف باللغه العنقليزيه ؟
و إذا تعرف ترجم هالكلام بدون لا احد و لا شي يساعدك ..

( Out of my mind
Nothing makes sense anymore
I want you back in my life
That's all I'm breathing for )

مااعرف كثير بس ممكن لو استعنت بالعم قوقل اترجمها كلها :مزون:

- تشوف افلام اجنبيه اكثر و لا مصريه و لا ما تشوف ؟
( و وش فيلمك المفضل ؟! )

أجنبيه وفيه كثير تعجبني

- وين سافرت داخل المملكه ؟

- وين سافرت خارج المملكه ؟

داخلها كذا مدينه وخارجها ماسافرت

- وش نوع جوالك ؟

نوكيا ان 72

- من هو العضـو الهكر و الشـاطر بالبرامج عندنا ؟

فارس غرابيل :مزون:

- من هي مس الـوان ؟

المصرقعه فوشي

- اخذت او حتآخذ بعثه لبرا ؟ ( يعني تكمل دراستك بالخارج )

ياليت ادعو لي

- من هي المراقبه السابقه لـ منتديات الكمبيـوتر ؟

ريف العين ماعرف غيرها

- ( ناعمه ) كـانت مشرفه على ايه قبل لا تصير مراقبه ؟

مدري

- ( سعود ) ببدايتـه بغرابيل كان مشرف على اي قسم ؟

مدري بس شكله كذا الغربله :مزون:

- عندك دش ؟ و اذا ايـه وش عندكم اقمار صناعيه ؟
- مركبين شوتايم ؟

عندي نايل وعرب شوتايم مافي

- انت داخل من لاب توب و لا مكتبي ؟

الحين مكتبي بس مو دائما حسب المكان والزمان

- تشوف نور و لا سنوات الضياع و لا ولا وحده فيهم ؟

احيان اشوفهم واحيان لا

- تعرف تطبخ ؟

ايه ابشرك بالذات القهوه والكبسه :مزون:

- تعرف شارع العزيزية ؟

اللي وين :مزون:

- تستخدم مناديل فاين و لا سمايل ؟ :مزون:

كلينكس

- عندك دي اس ال ؟ و اذا ايـوه وش نوع اشتراكك ؟ وش نوع مودمك ؟

عندي والاشتراك متغير والمودم سبيد تتش

- تعرف للبرامج و لا مو مره ؟

مو مره دئلت

- وش فاكهتك المفضلـه ؟

الجح

- تعرف تفحط ؟

ومن مايعرف يفحط :مزون:

- وش نوع سيارتك ؟

كان هايلكس 76 وبعته يعني الحين بدون على التكاسي دئلت

- كم مره ختمت القرآن ؟

اختمه برمضان احيان مره واحيان مرتين ( الله يعفي عنا )

- وش كان تخصصك بالجامعه ؟ او ما هو تخصصك بالجامعه ؟

علمي

- الساعه كم الحين عندكم ؟

اذا جهازي مضبوط 4 وتسع دقايق

- انت عتيبي ( ان كنت عتيبي هل انت روقي و لا شي ثاني؟ ) و لا دوسري و لا القرني و لا شيء آخر ؟
( حدد ..! )

ياخي انتم ماتبطلون عصبيه دئلت

دعوها فانها منتنه :مزون:

- تستخدم مين اكثر ( ههههههههههه و لا كككككككك و لا خخخخخخخ و لا هع هع هع و لا هاهاها و لا ههههاااااااي ) :نأ:

حسب الغرض من الضحك :مزون:

- وش هي ايقونات الصور اللي تستخدمها هون ؟

مزون < يعني هذي :مزون:

- مين اختارك تكون ضيف بـ ( من انت ؟ ) ؟

لا تسألو عن أشياء ان تبد لكم تسؤكم :مزون:

- كلمة توجهها للمشاهدين ؟ :مزون:

أقول الله يجزاكم خير خفو شوي لاتكونون مثل ندى تسأل اللي له داعي واللي ماله داعي كسرت ظهري ويدي دئلت

[من أنا ؟]

يالله خلاص انا تعبت من الاجابات

نكمل بكره ان شاء الله

ولحد يقول بدري ورانا صلاة جمعه

[لــيــل]

طالما ان الفياتك ماتعدت الثنتين توها فمعناته انك مو مازن....


اجل سماااااا الدوحة.....

[إشراقـ أمل ـة]

الصراحة ضيفنا يكتنفه الغموض ..

ماحدد السنة ولا القسم اللي يشارك فيه أكثر ..

أتوقع ..

عبدالعزيز بس عبدالعزيز مشاركاته فوق الثلاث الاف ..

جاري البحث والتحري ..

[ندى الحروف]

من باب المطبخ

الحريم و لا الرجال ؟

مو دايم 000 وتبين اللي فيه زمان ولا الحين

الحين طبعا :زعلان:

علمي

بالجامعه مو الثانوي ؟ وش تخصصك ؟

ياشيخه ليه التفرقه كلنا سواسيه كأسنان المشط

الحين لو كنت مشرف معناته انك احسن من عضو ؟ و لا لو كنت مراقب معناته احسن من مشرف ؟
اعيد السؤال ..
انت عضـو ,, لكن هل لك منصـب هون ؟! ( مشرف - مراقب " اي كان النوع " - اداري - مشرف سابق - مراقب سابق ) ؟
( برضـه حدد اياهم ..! ,, و ان كنت عضـوه الخيـارات نفسـها )

اقول مااذكر شي تقول حدد السنه والشهر باقي تقولين اليوم والساعه

حــاول :مزون:

أجنبيه وفيه كثير تعجبني

زي ايش ؟

ياخي انتم ماتبطلون عصبيه
دعوها فانها منتنه

الحين اللي يسمعك يقول اني بدويه و افرق :مزون:
مجرد لقب لا يحدد رفعة الانسان او هوانه ..!
و اعيد السؤال ..
- انت عتيبي ( ان كنت عتيبي هل انت روقي و لا شي ثاني؟ ) و لا دوسري و لا القرني و لا شيء آخر ؟
( حدد ..! )

أقول الله يجزاكم خير خفو شوي لاتكونون مثل ندى تسأل اللي له داعي واللي ماله داعي كسرت ظهري ويدي

يعطيك العافيه :نأ:
اللهـم آميـن و زي ما قلت قبل ( التفاصيل هي الاهم )