%الضيق%

[فالح المصعوك الغنّامي]

يالله ياللـي فـي يديـك الحـال واستقامتـه
نفسي تتيه وترتجـي مـن لايخيـب ظنّهـا
انت العظيم اللي رخا عبدك لوجهـك هامتـه
ياخالق(ن) كل الخلايـق انسهـا مـع جنّهـا
الموت للأنسـان يعلـن عـن قيـام قيامتـه
وانـا تقـوم قيامتـي بالضيقـه اللـي كنّهـا
تفطر على قلبي بعد دهر(ن) طويل(ن) صامته
والله لتبطي بـي جروحـي ماتعافـى منّهـا

الله يفرّج ضيقة كل مسلم

الأخ الشاعر فالح الغنامي

صح لسانك مليوووون على هالقصيده الأكثر من رائعه والمتميّزه ببحرها وقافيتها وفكرتها

لاهنت

تحيتي لك

الاخت وجدان .. الساعه المباركه حضورك هنا ياخيّتي

آمين الله يفرج هم كل مسلم..وسلمك الله وصح بدنتس

احتراماتي

[فالح المصعوك الغنّامي]

العبره الي تاصل الحلق وتحير
ياقربها لوقيلـــي ياعوينـــي

صــــح السانك ملايين على الجزاله النادره


تقبل مروري اخوك سلطان البلوي

سلطان البلوي اشكر لك حضورك واضافتك الجميله ببيت الشاعر

محمد بن فطيس..وصح بدنك يالغالي ومرورك شرف لي طال عمرك

احتراماتي ومووودتي

[فالح المصعوك الغنّامي]

اسهر ويرميني ظـلام الليـل فـي دوامتـه
وتسيل دمعاتي علـى خـدي ولاادري عنّهـا

،

،

كايفة وجزلة ومعبرة

صح لسانك الى ابعد حد


تقبل مرورى

الكايف والله حضورك يابعدي

صح بدنك الى ابعد حدود رضاك<<على قولة محمد الروقي

وانت لاترضى خلها تطول<<ايضاً على قولة محمد الروقي

ههههههه احتراماتي ومووودتي طال عمرك

[فالح المصعوك الغنّامي]

الموت للأنسـان يعلـن عـن قيـام قيامتـه
وانـا تقـوم قيامتـي بالضيقـه اللـي كنّهـا
تفطر على قلبي بعد دهر(ن) طويل(ن) صامته
والله لتبطي بـي جروحـي ماتعافـى منّهـا


الله الله

اخوي فالح الغنامي

صح لسانك ولاهنت يالجزل على ماكتبت واسعدتنا قصيدتك الرائعه

والله يبعد عنك وعن كل مسلم الضيقه ويكفينا شرها


تقبل الود :

خوك: محمد العتيبي

اخوي الغالي محمد العتيبي حياك الله يابن العم

وصح بدنك..آمين طال عمرك الله يبعد الضيق عن كل مسلم

احتراماتي ومووودتي

[فالح المصعوك الغنّامي]

الرائع فالح المصعوك

صح لسانك

قصيدة رااائعة

كايفة وجزلة ومعبرة

الله لايهينك يالقرم

مودتي

طلال سويعد

هلا ومرحبا يالغالي

صح بدنك طال عمرك وشهادتك اعتز بها

احتراماتي ومووودتي

[فالح المصعوك الغنّامي]

فالح الغنامي
.
ياشيخ والله انك مبدددع
صح لسانك إلى يوم القيامه ولاهنت
قصيده مرسومه رسم لله درك
.
تقبل تحيتي وتقديري

ناصر بن مطلق

شهاده افتخر بها من شاعر بحجمك طال عمرك

صح بدنك الى ماقلت ومرورك شرف يالغالي

احتراماتي ومووودتي

[فالح المصعوك الغنّامي]

.
.
صح لسااااانك
وأبعد الله عنك كل ضيقه
.
تقبل مروري
أختكـ ...
.

آمين ياخيتي الله يبعدها عن كل مسلم

وصح بدنك ومرورك يشرفنا

احتراماتي وتقديري

[منصور الثبيتي]

الله الله الله انت بتذاكر من ورايه والا ايه .

الله لايضرك يا بن عسكر عساك من عالي لاعلى ودوم في رقي ونجاح فالح من خلال متابعتي

لقصائدك اشعر ان في كل قصيده تكبر رجاحة عقل وحكمة واحساس مرهف الله لا يحرمنا من

تواجدك معنا نحن نإنتظار كل ما تكتب دخيلك لا تبطي .

[محمد نايف العتيبي]

الله الله

الشاعر القدير : فالح الغنامي

صح لساااااااااانك ولاهنت


وجزله من شاعر جزل


تقبل الود :



محمد بن نايف

[أمل عبدالعزيز]

,
,


العذب النقي فالح المصعوك :


يالله ياللـي فـي يديـك الحـال واستقامتـه
نفسي تتيه وترتجـي مـن لايخيـب ظنّهـا
انت العظيم اللي رخا عبدك لوجهـك هامتـه
ياخالق(ن) كل الخلايـق انسهـا مـع جنّهـا
الموت للأنسـان يعلـن عـن قيـام قيامتـه
وانـا تقـوم قيامتـي بالضيقـه اللـي كنّهـا
تفطر على قلبي بعد دهر(ن) طويل(ن) صامته
والله لتبطي بـي جروحـي ماتعافـى منّهـا .
.
.

لله درك ودر قلبك وشعرك
بصدق هنا عذوبة
ومعاني نقية
ونسأل الله أن يفرج عن كل مسلم ومسلمة.
.

ودام نزف قلمك بهكذا جمال يافالح....
.

[خالد0الروقي]

صح لسانك مليار ياولد العم
وابيك تعذرني انت والاعضاء الموجودين اذا
قدمت استقالتى
بعد قصيدتك
سعني دريت انى مانى شاعر
000000 كلمت شاعر قليله في حقك000000
000 0 00انت محتكر الشعر00000

[يوسف عبدالله الغنامي]

فالح المصعوك


صح لسانك وأعتلا شانك


قصيده جزززززززززززززززززززله


شاعر ماعليك كلام يابن العم


مبدع مبدع ولله درك


تقبل مني كل الود والتقدير

[بدر ناصر المورقي]

السلام عليكم ورحمة الله وبركاته

ابعد الله عنكم الهم والغم والضيق وغدر الرفيق..

[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
الضيق ناتج عن تعاسه والحزن علامته=واصدق تعابيره دموع(ن) من عيون تدنّها
والليل جزء(ن) من حياة الناس واللي نامته=ناس(ن) خليّه ماتشيل همومها وتكنّها
والونّه اللي تنزوي خوف العيون الشامته=اسري بها مع ضيقتي يم الخلا واونّها
ماظنّ ابالغ لو اقول ان الصخور الصامته=تسمع ونين الصدْر وترد الونين بحنّها
اسهر ويرميني ظلام الليل في دوامته=وتسيل دمعاتي على خدي ولاادري عنّها
واحتار في نفسي تروم ولالقت مارامته=واقول هذا حظها..او انّها؟او انّها؟
مدري ولكن مايبي قلبي سوى سلامته=من حرب(ن)همومي على قلبي دوام تشنّها
يالله ياللي في يديك الحال واستقامته=نفسي تتيه وترتجي من لايخيب ظنّها
انت العظيم اللي رخا عبدك لوجهك هامته=ياخالق(ن) كل الخلايق انسها مع جنّها
الموت للأنسان يعلن عن قيام قيامته=وانا تقوم قيامتي بالضيقه اللي كنّها
تفطر على قلبي بعد دهر(ن) طويل(ن) صامته=والله لتبطي بي جروحي ماتعافى منّها
الليل وعيون(ن) حزينه ساهره مانامته=يارب تفرج همّها وعين(ن) تنامه هنّها[/poem]

فالح المصعوك
والله انها جزله وانت جزل مايحتاج
والبيت هذا عجيب

ماظنّ ابالغ لو اقول ان الصخـور الصامتـه
تسمع ونين الصـدْر وتـرد الونيـن بحنّهـا

اجدت التصوير يابطل
تحياتي
بدر العتيبي