مشاعر حالمه
خطيره هاذي
أول قصيدك رتّبه قاف وحـروف
بعدين علمني الشعر كيف بيتـه
انا قصيدي ماعرف مصدر الخوف
يفزّلي يفزع الـى مـن نخيتـه
تجيني ابياتي على خيل معسـوف
خيّالها فارس ومسمـوع صيتـه
وانتا قصيدك كنّه خبال مصفـوف
والله ماني فاهمـه لـو قريتـه
لنها قصيده مابها وزن معـروف
انت الذي ذنب القصايـد جنيتـه
أمدّ شعري لابغيته على كفـوف
وارميه في وجه العـدوّ لابغيتـه
يعني كذا أبيه صاروخ وسيـوف
يرمي شظايا ويسلخ اللي هجيته
الله يسامح واحدٍ حيـل ملقـوف
اللـي تبلّانـي وانـا مابليـتـه
رتّب قصيدك رتّبه قاف وحـروف
وتعال علّمني الشعر كيف بيتـه
رد مع اقتباس
[/align]
