اللي يبي كسرتـي مـا جابتـه أمّـه
مـا دام شمّـر تغنـي كـل أبياتـي
ما يستحي سئ السيـرة علـى دمّـه
ألين أصـرّح باسمـه فـي عباراتـي
الذنب ذنبي !! قصيدي يعجـب الأمّـه
مفروض أسكت وأطوّل بس في سكاتي
ذا منطقه يوم دسّ الراس فـي كمّـه
يطّـق عرقـه ولا يقـدر لدمعـاتـي
همّـي التميّـز ولكـنّ الـردي همّـه
يموت شعري وتنسى الناس كلماتـي
ولا شفتوا الناس وسط ( النت ) ملتمّه
أنا السبـب والعـرب للنايفـه تاتـي
بآخر علومي جميـع الخلـق مهتمّـه
تحركاتي ,,, وأخباري ,,, ووقفاتـي
ربي وهبني الشعر مدحه علـى ذمّـه
وأصبح لي الشعر حزني وابتساماتـي
أضمّ زهر الشعـر وأغليـه وأشمّـه
من صغر سنّي وحب الشعر في ذاتـي
خذيت تاج الفخر لأنـي علـى القمّـه
وغيري يدوّر علـى لحظـة نهاياتـي
بواصل أشعاري اللـي تبـري الذمّـه
واهدي جماهيـري الكبـرى تحياتـي