بكيت وكم من غيري بكى وسالت عيونه دموع
اسى محمول في ماها خسارة تنكتب عنوان
بكينا مثل اطفال ابيتامى ضارعنهم جوع
نشف ريقي وريق اهلي وبلادي ريقها عطشان
محلنا والمحل قاسي على بلادي بكل ربوع
محيدثنا وفلج هالعين غدوا اطفالنا اليتمان
زمان بلادي ما يرجع ولاظنيت له مرجوع
زمن اهلي زمن ناسي صبح كنه خبر كان
ابوقف وقفة الشاعر بعنوان القصيدة طلوع
وبكتب واقعي المحزن بديرة ثوبها الحرمان
يبس نخلي واشجاري غصب عنه انحنى بخضوع
يبس كل العشب الاخضر صبح اصفر مثل بركان
جفاف الارض يعنيلي جفاف الدم بالموجوع
وبدون الدم وش تسوى حياته مالها حسبان
الهي نطلبك غيث المطر ندريه مامقطوع
ومنك رحمة تنزل وسجدنا طوع يا سبحان
بنا الزين وبنا الشين وبنا الصاحي وبنا الملسوع
وبنا الشاكروبنا الجاحد وبنا انسان وبنا شيطان
وفينا من زكر ربه وفينا من نسى المشروع
ولاكن فينا من يرجي رحمتك غيث يا رحمن
تموت بلادي مع دمي صبح من داخلي منزوع
تموت اسبقعا في موتي اذا هالموت فينا حان