المشاركة الأصلية كتبت بواسطة محمد السليس
[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خلاص للشّعر والشعّار مالـي مـزاج=غنيّت لين القريحـه شابـت عيونهـا
كم بنت فكرٍ بعد ما أعقد عليها الزواج=طلقّتها بالثـلاث وساقـت ضعونهـا
أنتجت ديوان .. لكن وش حصيل النتاج=كلام مصفوف .. وبضاعه بكرتونهـا
ماعاد تنسام لو تعرض بسوق الحراج=لوّ أنّها غاليه من طيـب مضمونهـا
و صبيّت دم الذيابه في حلوق النعـاج=وقامت عليّ الوعول تطـوّل قرونهـا
ما أداني البهرجه والدحرجه فـالعجاج=وناس ٍ لحبّ الظهور .. تحزّم بطونهـا
كذاب من قال لي فـالشّعر فلّة حجاج=في خاطري ضيقة ٍ تمشي على هونها
أعالج الوضع وانا اللي بحاجة عـلاج=شيّبت وأحلامي السوداء على لونهـا
يا رب تستر على نفسي من الإحتيـاج=لي رغبة ٍ يستدير الحظ مـن دونهـا [/poem]