بسم الله المعبود علام الاسرار
ربٍ خلق هالارض وارسى الجبالي
بسمه بديت القاف يوم شفت الشرار
يخربون الدار شرق وشمالي
تخسون يالارهاب ماهانت الدار
دار السعود اهل اليدين الطوالي
مانقبل التخريب من بعد الاعمار
في ديرةً ربي عطاها الجمالي
هي ديرة ال سعود خير كل الديار
دار الكرم والجود دار الرجالي
حنا السعوديين لاشبت النار
حنا هل الوقفات ليا جاء مجالي
حنا حمات الدار ليا صار ماصار
نحمي وطنا بامر رب الجلالي
ياخاينين العهد والوعد والجار
اخسو خسيتم يارخوم العيالي
شرذمهٍ عنوانها الخزي والعار
اهل الغدر والكيد اهل الضلالي
مصيرهم الموت والحرق بالنار
ونهاية الغدار دوم الزوالي
مع تحيات الشاعر ** جميل هلال العتيبي