( بـلـوتـوث بـالـكـاتـشـب ) قصيدة اجتماعية فكاهيه يشرفني سماعكم

[مفرح بن مناحي]

مشعل

صحححححح لسانك

استمتعت بسماع القصيدة

لله درّك

وبانتظار جديدك

ولك أطيب تحية

[مشعل الشايقي]

احبابي


على طلبكم يسرني وضع نص القصيدة

كما يشرفني حضوركم


[align=center][move=left]بـلـوتـوث بـالـكـاتـشـب[/move][/align]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دخلت لي سوقٍ ابي اشتري عقال = وشماعٍ احمر له معزة ومرموق
سوقٍ جمع امة محمد على هبال = من كثرهم ماكن براه مخلوق
قمت اتلفت كني السارق الذال = والقلب يركض مثل جربوع ملحوق
حاكيت نفسي هم بني عمٍ وخال = او اني داخل عرس واحسبني في سوق
انحش يامشعل شكل ذا بيت رجال = خابرني بعض الوقت عجلٍ ومطفوق
قلت إلا بقعد والله يدبر الحال = اما غنات الذيب او رحت مطقوق
من عذري كن الناس في عيد شوال = اللي مشخص واللي بزينه يموق
سألت لي واحد بغا يمد لي ريال = وشكيت انا اني لابسٍ ثوب مشقوق
قال أنت صادق بالله ذي كلمه تقال = هذا التطور انت ماتعرف الذوق
قلت ايييييه هذا هو التطور ذا الأشكال = اسف ياخوي ورحت انا لطابقٍ فوق
وياليتني مارحت غزلان تجتال = قطعان تمشي زينهن مابه فروق
وقمت اتفكر الضبى مالها جفال = بين الذيابه تمشي بغنج ورفوق
الوحده كن حجاجها رسمت هلال = من الكحل والرمش غصنٍ به عذوق
واللي شعرها يرتهش مثل شلال = والخد بالحمرة تقل كف مصفوق
ومن الكعب قصارهم صاروا طوال = الا مشت من علوه الراس مفهوق
وحسبي على هاك العبايه كما ظلال = تحسبها تجليده البستها من الضوق
تقسم الأجساد لو كانت نحال = ياجعل صانعها وبايعها للعوق
ويوم اقبلت هاك المزن برقها اشعال = قلت ابعد ابعد المطر يسبقه بروق
قمت اتحرا وقلبي للشوق مدهال = سحاب عجل خافق لماك مشفوق
واثره من المكياج محطوط بخبال = تفضحها ذرعانٍ تلوت بها عروق
قامت تغلا تفتكر خافقي مال = تغنج بعلك وتزوي لها شدوق
قالت وش تطالع وقلت المثل قال = السمكرة ماتخفي للخردة طقوق
افحمتها ومكياجها وكحلها سال = ذاب الصبغ صارت كما قدر محروق
واقفت عساها ماتجي لشاعرٍ فال = يقطعك وجهٍ يجعل الرزق ممحوق
وشفت اللي يتميلح يرزز له جوال = رقمي مميز كل بنتٍ له اتوق
ولبسه من الوانه تقل دفتر اطفال = ونظارة من كبرها كنها طوق
وهذا ايتمسمس مشيته مشيت ابطال = وش غنتره والزير للبنت معشوق
وقصات شعرٍ كنها قفول وحبال = ديك واسد هذا نمر ذاك غرنوق
ونظراتهم نظرت نضولٍ ومحتال = كلٍ عيونه طايره تقول مخنوق
وهذا وضع سكسوكةٍ مثل فنجال = تمس وجهه والزقم كنه البوق
وفزعت انا لواحد عصب راسه بشال = وش بك عسى ماشر وش فيك مفلوق
قال انقلع وش عرفك لبست بدال = ملقوف وش لي بورع مايعرف حقوق
وسمعت انا بلوتوث وخزنت بالبال = بكرا اتفلسف عند ربعي هل النوق
وسئلت انا بلوتوث وش تعني ياعيال = غشوني الله يغشهم اكلة ذوق
اطلبها بالكتشب ترى مالها امثال = واطلب موبايل تنسى قرصان ومرقوق
مانيب جايع بس من شفت البال = ركض للمطعم عسى ماني مسبوق
بلوتوث تكفا مع موبايل على الحال = تكفا ابي الكتشب على الخبزه طبوق
قام ايتحمد قلت وش فيك مهتال = قال انت صاحي ولا في عقلك فتوق
عشا اكتروني محنا يابان ياخال = احنا عرب ناكل ونشري ولا نفوق
قلت اصحا منك وماني من عصر جهال = ياخوك انا امزح جيت ابي بيض مسلوق
وضحك ترنبيلٍ تقل باص شغال = هذا المربط كيف اجل خبل مطلوق
قال البلوتوث بينهم خوش مرسال = خطابه نشميه تجي بعلم موثوق
قلت الا فلونزا وفيروس الأجيال = يعديك من عطسه بلا سلك وطروق
قلت العذر ياناس مانيب دلال = اللي يحرج له على شي مسروق
مع السلامة اشتقت انا لفوحت دلال = حول السمر والرمث في حزت شروق
ونفحات هيل تعطر انفاس فنجال = ونجرٍ لحونه تجعل البن مدقوق[/poem]

[مشاعر حالمه]

قلـت العـذر يـانـاس مانـيـب دلال
اللي يحرج لـه علـى شـي مسـروق
مع السلامة اشتقت انـا لفوحـت دلال
حول السمر والرمث في حزت شـروق
ونفحات هيـل تعطـر انفـاس فنجـال
ونجرٍ لحونـه تجعـل البـن مدقـوق


مشعل الشايقي

ياسلام عليك ايه يارجال الحين صارت القصيده واضحه ..

صح السانك يالقرم ولاهنت ..

رااائعه جداً ..

تحيتي لك / مشـــاعـــر ( عزابوها )

[مشعل الشايقي]

حياك مشاعر


الف شكر لك على حضورك

للمره الثاني الذي شرفني


تحياتي

[خــــالـــــد]

[align=center]
مشعل الشايقي

صححححح لساااااانك

تسلم يالغالي

مميز دوماً في طرحك

لا تحرمنا من جديدك

[/align]

[سـعـد الحويماني]

الادب الساخر اصبح من افضل الاساليب في النقد

مشعل اجدت الوصف وبطريقه رائعه

سجل مروري ومتابعتي

[مشعل الشايقي]

حياك اخي معدي اليامي


تسلم على حضورك الجميل


حضورك يشرف حروفي



تحياتي وتقديري

[محمد الشمراني]

مشعل الشايقي


صح الله السانك


مدد بلا عدد

رائعة لا هنت

تحياتي

وصادق مودتي

[ليــن القســا]

وياليتنـي مارحـت غـزلان تجـتـال
قطعان تمشـي زينهـن مابـه فـروق
وقمت اتفكـر الضبـى مالهـا جفـال
بين الذيابـه تمشـي بغنـج ورفـوق
الوحده كـن حجاجهـا رسمـت هـلال
من الكحل والرمش غصنٍ بـه عـذوق
واللي شعرهـا يرتهـش مثـل شـلال
والخد بالحمـرة تقـل كـف مصفـوق
ومن الكعب قصارهـم صـاروا طـوال
الا مشت من علـوه الـراس مفهـوق
وحسبي على هاك العبايه كمـا ظـلال
تحسبها تجليده البستها مـن الضـوق

باذخة الجمال ..تسمو بدقة الوصف وجمال السرد ..
دمت شاعرنا للمميز العذب ..

[منيرة الحربي]

الشاعر مشعل الشايقي




صح السانك مليون والايكفون





قصيده جزله وفكاهيه من شاعر جزل




ولاكن الله يهداك ليش تسب شبابنا





وتسب المكياج بلعكس المكياج حلو الجميله يزيدها جمال والي ماهي جميله يزينها




وتسب الشباب اللي يحطله سكسوكه بالعكس السكسوكه حلوه وانا احب الرجل يكون في وجهه لحيه





والرجل حلو لما يكون له سكسوكه او لحيه يعني عوارض






ولاكنك ابدعت وامتعت




سلم بوحك وروحك






تحياتي لك

[احمدعايض الشراري]

الف الف تحيه


الشاعر مخايل


ماشاء الله عليك اخي مشعل


ادامك الله جزل وعذب


لك خالص تحياتي

[ملكة]

مشعل الشايقي

[مشعل الشايقي]

حياك اخي خالد


لاهنت يالقرم على الحضور المشرف



تحياتي

[عايدالعنزي]

مشعل الشايقي

صح لسانك

وعلى شانك


ابدعت يامشعل

مزيداً من الابداع


لك

تحياتي

وتقديري

[محمد العجمي]

مشعل

صـــــح اللسانك وصح قلبك

على هذه الرائعه


اجمل التحايااااا