ولاجار وقتك واصبح الهـم حاديـك
صوم وتحلا بالصبر فيـه مشفـاك
هرج القفا ياصاحبي لا يجـي فيـك
خاف الذي ان شـاء ياكـود يبـلاك
وليا بغيت الهـرج حـاذر معانيـك
ياهـي تهينـك ولاّ زادت مزايـاك
رافق شجاعن في طريقـك يباريـك
لانام جفنك في خطى الدرب يرعـاك
واترك سفيـه القلـب لابـد يذيـك
ولاّ يجيب العار في صيت شـرواك
وبالك تبيع اللي من النـاس شاريـك
اسمع كلامـي يابعـدي لاعدمنـاك
ودار الحنونه دارهـا تفتخـر فيـك
واخدم ابوك اللي على العـز ربـاك
حيثٍ رضا الله من رضاهم يجازيـك
بطفلٍ وليده باخـر العمـر يرفـاك
وحاذر صديقن في حياتـك يوازيـك
لا شاف دينك لأكثـر النـاس وازاك
والضيف لامنه لفـا الـدار باغيـك
حيّه في قولـة ياهـلا فيـك حيـاك
حي الضيوف اللي من الحـي تلفيـك
بحلا تحيّه حيّبـا الضيـف لاجـاك
ولا تنسا حق الجار وان جار هو فيك
راعه وداره لـو قسـا فيـك واذاك
واوف العهد لاوالله النـاس تشكيـك
وتصبح مابين الخلق مخلف وكـلاك
وبالك ردي النفـس مثلـه يرديـك
خلك عزيز النفس والطيـب مرفـاك
وبالك تكبر على المـلا فـي تعليـك
وطبع التغطرس لايجي في حنايـاك
اتبـع اصيلـن بالقضايـا يواسيـك
ولاضاق صدرك بتعس الوقت واساك
وحاذر رجيمن فـي حياتـك يمليـك
وعن ذكر ربك والصـلاواة لهـاك
وليا قواك اطلـب مـن الله يحميـك
ويرعاك من السيد الشياطين لاجـاك
الله الله
صح الله لسانك وسلم بنانك
قصيده راااااااااائعه بروعة حضورك
لاهنت عليها يالشمري
اجمل تحيه لك
العنود
رد مع اقتباس
