لله دركم ياهداج ويااسامي
والحقيقه هذا ليس ابداع
بل قمـــــة الابداع
مستخف دمي اليوم من قدي قابلت اسامه
تحياتي
عواد
شـــــاعر
لله دركم ياهداج ويااسامي
والحقيقه هذا ليس ابداع
بل قمـــــة الابداع
مستخف دمي اليوم من قدي قابلت اسامه
تحياتي
عواد
مشرف منتدى المحاورة
عواد العلي
الابداع وجودك
ومشكووووووور
على الاطراء
لك تحياتي
هداج تيماء 000
ياعرب وشلون بعض الناس جا عنده حصااانه
لابـسً طاقيـة الاخفـاء ولانقـدر نشوفـه
كيـف جاته..؟فبركـه والا كسبهـا بالميانـه
من يجيب المسألـه ياجعـل مافيهـا كلوفـه
اسامي 000
والله انّا مانلوم اللي تخفى مـع خوانـه
الكريم ليا قضى ماله تعذر من ضيوفـه
اخذ علم الرجل يا هداج من منطق لسانه
دامك تظنه على راس الجبل ولّا يحوفـه
هداج تيماء 000
مانلومه مار كيف يمرنـا راكـب حصانـه
فالعدد موجود والـرادار مايلقـط حروفـه
خل عنك الضيف والموضوع يبغى له ذهانه
واحسب التعداد فالاحصاء ودقق في وصوفه
اسامي 000
لاتسرع فالحِكم والمتهم مـن دون إدانـه
انت ماتدري عَن الرجّال ويشنهي ظروفـه
راحت الديره حدج من عقب عصر البرتكانه
والسبب فاللي يحج البيت لكـن مايطوفـه
هداج تيماء 000
يا اسامي صاحبي واحد من اصحاب البطانه
المهلهل من غلاه اعطاه واحد من سيوفـه
كلما لديت صوب مدحرجيـن الاسطوانـه
زارني طيف الاماني والتوجـد والحسوفـه
اسامي 000
صاحبك مثل القمر لابد مايرجع مكانـه
والقمر لابد يظهر عقب ماطوّل خسوفه
العراق اصبح دمار ولاش به واحد تكانه
مار ياجعل التعب وجهودنا فيه مخلوفه
هداج تيماء 000
لا يطوّل غيبته وتصيـر مـن بعـده خيانـه
ما يفيده كان فات الفوت لو صفّـق كفوفـه
الحصان اللي على الغارب رمى الفارس عنانه
مظهره مستور لكن البلا فـي وسـط جوفـه
اسامي 000
الامانه في يدين اللـي يحفظـون الامانـه
وصاحبك لو غاب يمكن ناوي يسوي بروفه
فالبلد مية ولد وانتـه تـراك اكبـر عيانـه
والزمان اقشر و لا ندري وش تْخبّي صروفه
هداج تيماء 000
لوتزيد الحنظله ويقـل نبـت القحويانـه
راحت العربان عن دراك ومرعاها عيوفه
والبلد فيه النشاما وانت ريس برلمانـه
العلوم تجيبها والمدعي تعـرف شفوفـه
صح السانك ياهداج 000
وصح السانك يا اسامي 00
<<<< اتروح وترجع معجبتها المحاوره
مشرف منتدى المحاورة
الفريده
الله يعطيتس العافيه على هذا المجهود
ولي شرف اعجابك بهذه المحاورة
وعساتس سالمه وغانمه
يا مال الغنيمه
لكي خالص الشكر والتقدير وعميق الامتنان
الفريده
مشكوره على نقلها بهذه الطريقه المختصره
فعلا ً محاوره عليها الكلام و شعّار ماعليهم كلام .. :)
اسامي و هداج ..
من افضل الشعراء هنا ونفتخر في وجودهم بيننا وانا اول المعجبين بما تجود به قريحتهم :)
صحّ السنتكم و بارك الله فيكم ابدعتوا و امتعتوا
شكرا ً لكم .. :)
اخوكم ومحبكم في الله
برج المملكه
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا اللي مع اهل العرف و الشعر و الابداع=إليّ منزله تشهد عليها مواضيعي
عليّه طرت من عقب ماذعذع الذعذاع=وقلت اختصرها في مربّع تواقيعي[/poem]
عواد العلي
يامرحبتين .. وحياك الله
الابداع لايكتمل الا بحضورك ياغالي
لاهنت على تشريفك
========
الفريده
مرحبتين
يعطيك العافيه على الترتيب ولاهنتي
شكراً على حضورك
========
برج المملكه
يالله حيه .. انت حي ولا ميت ؟
ياكثر تغليك يبن الحلال :)
لاهنت وصح بدنك وشهادتك اعتز فيها يابعدي
مشرف منتدى المحاورة
البرج الشامخ
صح بدنك يا شاعرنا ومشرفنا الموقر
لك من الود اجزله ومن الموده اصدقها
واحبك الله الذي تحبنا فيه
مشكوووور على المرور
وهذا التعليق الوافي
ولك تحياتي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس