اخي وابن عمي
محمد مسعد الروقي
ابتدت القصيدة كمروبعة وصار الوسط منها كهلالي وانتهت كمروبعة
لتوضيح مابين الاقواس ومنكم نستفيد يالغلا وصح لساااااااااااااانك وتحياتي وهات خشمك
ياصاحبي ماهقيت انـك تسويهـا
بعـد عطيتـك حياتـي يامعنيهـا
صديت عني وخنت العهد ((ياخايـن))
وانا حشا ماهقيت انـك تسويهـا
انا حشا ماهقيت انك تخاصمنـي
وتروح وتصد ماحتـى تكلمنـي
وش الذي حاصل لك ويش علمني
والصد والبعد قلي ويش داعيهـا
كان الغلط حاصلن مني على عيني
اجيك فالحال وارضيك وتراضيني
وكان الغلط منك قلي ويش بيديني
ماتبكي العين غير فـراق غاليهـا
وان كان مابه غلط منك ولا منـي
مافيه داعي تخاصمني((( وتزعلنـي )))
وان كان منتب معبرني وحاشمني
النار ماتحرق الا رجـل واطيهـا
وان كان تبغى فراقي يابعد حالي
حيل الله اقوى بعدكم ويش يبقالي
روح وخل المولع يشكي الصالي
وايامنـا الماضيـه لابـد تنسيهـا
وانكان قصدك تغلا تختبر حبـك
يحقلك مير يالمجمول خف ربـك
انا ترانـي ورب البيـت ماكبـك
لين(ن) روحي تروح يـم واليهـا
مابين الاقواس هو ماحيرني وتقبل
تحيات ابن البادية
رد مع اقتباس
-new.gif)
