طوّل غيابك ..

[عبدالله محمد]

أختي الغاليه والعزيزه / سمح المحيا
صــــــــح لســــــــانــــــــك
ولا هنــــــــــــــتي
وأهلا وسهلا فيكي بين أخوانك وأخواتك ونورررررررررررتي المنتدى
قلوبنا رحبت بكي قبل أن ترحب بكي السنتنا
سعدنا كثيرا وكثيرا بإنظمامكي معنا
وسعدنا بمشاركتكي يالغاليه
والله يعطيكي الف عافيه على هالقصيده الرائعه
وننتظر إبداعك القادم
تقبلي خالص تحياتي ،،،،،،،،،
أخوكي: عبدالله محمد

[سمح المحيا]

السلام عليكم

مشعل ابن سعود
ليــن
عبدالله محمد


هلا فيكم والعذر على التأخير بالرد والغايب عذره معه
يفرحني اشوف الترحيب هذا رغم ان لي فتره طويله مسجله بالمنتدى بس احس نفسي امس مشتركه
وماقول غير تسلمون


وصحت أبدانكم جميعا

[أبوعبدالرحمن]

سمح المحيا


حياك الله اختي

واهلا بك وبهذه الموهبة الشعرية العذبة


وننتظر جديدك وتواصلك


تحيتي لك

[عبدالرحمن الرويس]

مساء الخير ياسمح المحيا

البعض يعتقد إنك شاعر ولست شاعرة

والبعض لايدري هل أنتي شاعر أم شاعرة

أقول لك ليش ؟

لأن لقب سمح المحيا يصلح لرجل ولا يصلح لأمرأة

لأن المرأة تكون سمحة المحيا وليس سمح المحيا !!

هذا أول شي 00

ثانياً

عندي كم ملاحظة وهي ليست من باب النقد

ولكن من باب النصح فقط 00

واليوم جيتم بشوقِ يجرح أصيامي
وأذنوب هجّرك كـخلق الله وكثرتها

أنتي فالبيت هذا جمعتي بين المفرد والجمع وهذا خطأ

لأنه المفروض من بداية القصيدة تحددين الصيغة ( مفرد , جمع ) اللي تتكلمين عنها

وتستمرين على نفس الصيغة

مو مرّة تكلمين شخص وبعدين تكلمينه في نفس البيت

كأنه جمع وشوي ترجعين للمفرد 00


00000

ثم تلقى تحنّان مني طول الأعوامي
حبِ وشوقِ عروق القلب ربّتها

انتي تقصدين إن عروق القلب ربّت الحب والشوق

يعني تتكلمين عن الأثنين اللي هم الحب والشوق

فالمفروض تقولين :

حبً وشوقً عروق القلب ربتهم <<< عشان تكون الجملة صحيحة

00000000

وانوح في جملةِ تنصاك يا ألهامي
الحاجه لآ من فقدت تحسّ قيمتها

هنا المعنى واضح في الشطر الثاني لكن التركيبة برضو خطأ

انتي كنتي بتقولين الحاجة لامن فقدتها تحس بقيمتها

ولكن الوزن أجبرك على إنك تحذفين الهاء والألف في كلمة ( فقدتها )

فأصبح الجملة بتركيب خاطئ 00


عالعموم شكرا لك على رحابة صدرك وتقبلك ملاحظاتي

وصدقيني قصيدتك فيها معاني حلووة كثير

أهنيّـك على انتقائها 00


وأيضا
بيت الشعر في توقيعك رائع 00


أخوك
عبدالرحمن الرويس

[النوري]

السلام عليكم

وحبيت اشارك بالقصيده المتواضعه

وياليت استفيد من ارائكم والنقد




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]


ياللي ملكت الغلا بالعلم وأحلامي= لوّلآك روحي أنا يا كيف حالتها

أشتاق والشوق ينقض جرّحي الدامي= والخد ياخذ من الأعيان دمعتها

من غير شوفك ماتدري كيفها أيّامي = أحلام سودا هموم الحب جابتها

طوّل غيابك عليّ عامِ وراء عامي = والروح تبدّى مع النسيّان خطوّتها

واليوم جيتم بشوقِ يجرح أصيامي= وأذنوب هجّرك كـ خلق الله وكثرتها

دامك شكيت المحبه وجيت لي ظامي = تحبي وتبكي عيونك فقد هيبتها

يندب على حظه أبماضية الأيامي=يرجّي وصالي ونفسه دون عزتها

وصدّقت هرجه بـ ذله والتندامي= وحرّك مشاعر عروق القلب كنّتها

ثم قلت تبشر ولك مقدارك السامي = مافات عبره وعينك كفّ عبرتها

لكن حذاري ترد النفس لأوّهامي = فرصه وأبيك أنت تثبت في جدارتها

وإن صار نبي بيوت الحب وأخيامي=أبروض الأحساس نحيّا في حلاوتها

ثم تلقى تحنّان مني طول الأعوامي= حبِ وشوقِ عروق القلب ربّتها

والود والصدق والأخلاص واهيامي=وأشياء فالروح مدري كيف لمّتها

واقسم فوادي عشانك سبّعة أقسامي = قسمين للروح والباقي لطلتها

لآ غبت وهبّت بريحك ريح الأنسامي = أبكي لروحي بفقدك وأنت رغبتها

وانوح في جملةِ تنصاك يا ألهامي = الحاجه لآ من فقدت تحسّ قيمتها

متى على الله أشوفك صدق قدّامي = واذوق طعم الحياه بشوف لذتها





وسلامتكم[/poem]

سمح المحيا


متى على الله أشوفك صدق قدّامي = واذوق طعم الحياه بشوف لذتها


رائعه ...وذوق فوق

بغض النظر عن دقة الوزن.

هنا.نص...معبر....يفيض حنين...

دمت .ودام حسك...

ننتظرك

[احمد مناحي]

سمح المحيا

هلا فيك ومرحبا والحمد لله على السلامه

اما القصيده فهي جميله جدا ومعبره بشكل اكثر من رائع
اما بالنسبه للنقد فانا اضم صوتي لصوت اخوي عبدالرحمن الرويس فهو كفى ووفى

احيي فيك ثقتك في نفسك لطلبك النقد للقصيده وان كان النقد قد جاء متاخر نوعا ما اذا نظرنا الى تاريخ نشر القصيده فاعتقد ان مستواك الان تغير وخبرتك زادت وصقلت موهبتك بشكل اكبر في هذا الغياب

تقبلي مروري

[سمح المحيا]

السلام عليكم

أبوعبدالرحمن
عبدالرحمن الرويس
النوري
احمد مناحي الشمري

صحت ابدانكم

واشكرك اخوي عبدالرحمن على النقد وإن شاء الله اتجنب الاخطاء اما بخصوص الاسم ماشوف فرق فيه عادي
ومن ناحيه ثانيه رحم الله امرء عرف قدر نفسه

اشكركم جميعا على تعليقكم على القصيده وصدقوني ما شاركت الا عشان استفيد
وانا قليل اكتب بس احب افرغ اللي فيني بالشعر واتمنى ماكون متسلطه على الشعر


تسلمون

[مرزوق الغنامي]

ياكامل الاوصاف سمح المحيا------------------يابوخدودن كنهن المرايه


اعتقد ان الاسم واضح وهذا البيت يدل عليه


وهلا ومرحابك ياسمح المحيا


وصح لسانك ولاهنتي


قصيده وافيه وجميله


دمتي ودام ابداعك

[سمح المحيا]

أشكرك يا راع الوفا والحميّا .. أثبت وجودك كلمتك والروايه
وانا على وضعي ولا فيه شيّا .. يزعل وتبقى هالحكايه حكايه
مايزعل الا فقد حي ٍ لـ حيّا .. مدفون بالغربه وروحه معايه
يضيق كوني والفرح ماتهيّا .. والحظ تاركني لعالم شقايه
أدعيه لأجل الوصل لكن عيّا .. ولا مات صبري من غلاه وعنايه
العام عشاق ٍ وعشق ٍ بليّا .. طعم السفر وإلا جروح ٍ هدايه
واليوم سال الدمع وأبكي هنيّا .. لاهو بقدامي ولا هو ورايه

[عبدالهادي الجهني]

[poem=font="Simplified Arabic,4,sienna,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والود والصدق والأخلاص واهيامي = وأشياء فالروح مدري كيف لمّتها[/poem]


،

،

صح لسانك وكلك

رائعة بروعتك

مودتى

،

،

،