من كثر ماسمعت والناس قسمين
واكثرهم اهل الخير من فضل ربي
وياللي تعرفون الكرام العفيفين
راع الشهامة والكرم مايسبي
انشهد انه من اهل الخير والدين
راعي صلاح وخير في كل دربي
ماهو سوات اهل النميمة الخبيثين
اللي لهم لعنه ونار(ن) تشبي
يااصحاب العقول الفاهمة يافهيمين
نكره اهل النمات من كل قلبي
ناس(ن)على درب السفاهه ضارين
مكروه ماتلقى له احد(ن) يحبي
الرجل من ياقف على العسر واللين
ودون القطير مكمل(ن) كل نبي
ويحمي قطيره من الردى والشين
ويكمل حقوق الرب دائم يلبي
واختامها صلوا معي يامصلين
على رسول مغفور (ن)له كل ذنبي
[/align]
رد مع اقتباس
