(( منبع الامتاع )) العالمي

[متعب الحشيان]

أخوي الغالي / أصغر نصراوي

تبقى كبير في قلوبنا .. أسعدني تواجدك العذب ..


لكل نصراوي ونقي كل ودي ..


متعب

[متعب الحشيان]

أخوي الغالي / الصويب

حييت أكثر مما تتخيّل ... لتواجدك الانتصار لما أكتب ..



لكل نصراوي ونقي كل ودي ..



متعب

[عـادل التميمي]

متعب بن حشيان أنت إلي والله يا زينك ساكت وإلا ذا موضوع ينطرح من الأساس

ياخي سبحان الله بعض الأحيان أحس إنك تشعر بنقص ما أدري ليه

تعرف المثل إلي يقول شين وقوي عين ؟؟؟

تراه ينطبق عليك تماماً

ألحين جالسين نسايرك ونجاملك وأنت مصدق نفسك ؟؟

أقول أركد وركز شوي ترى أنت تمجد فريق ( كان أسمة نصر ) لا ومن زين الطبايع جاي تبي تبهرنا بمجموعة الطرائف إلي أنت كاتبها عن فريقك

أقول حبيبي إذا جبتوا كاس تعال تغزل في فريقك لين تتعب

وأهل العقول في راحة

[الجنتل]

[align=center]متعب الحشيان

لك حق تفتخر ياعم من اللي يشجع النصر ذا الايام ولايفتخر

بصراحـــــــــــه اعجبني مقالك 00

تسلم والله يعطيك العــــــــــــــــافيه0[/align]

[متعب الحشيان]

الغريب .. بطل ألفاظك السوقيه والا أعدوك الربع .. خابرك عاقل .. وبعدين ليش تشارك فالموضوع


وانت مالك لاناقه ولاجمل فيه ... وجاي تزبد كني ذابح واحد من أهلك ..


لكن ماأقول لك ألا أهل العقول في راحه ..


لكل نصراوي ونقي كل ودي ..


متعب

[متعب الحشيان]

أخوي الغالي / الجنتل

أسعدني تواجدك العذب المشرق هنا ..


لك مني كل الود ..

متعب


متعب

[عـادل التميمي]

يا حليلك يا متعب

تصدق إني أكتشفت إنك ما تعرف تفرق حتى في المعاني

حدك النصر ويخب عليك أجل ألفاظ سوقية ؟؟

ياحليلك والله شكلك متعلم كلمتين وغاثنا فيهم

طيب يا مثقف ومؤدب ممكن توضح ردك العالمي ( يا زينك ساكت )

مشكلة إذا كان معنا واحد متخلف ويبغى يسوي نفسة فاهم ( وين تنصرف هذي ) ؟؟؟

من جد أهل العقول في راحة

[عـادل التميمي]

ومداخلة سريعة :

عندما يكتب شخص موضوع في منتدى يجب علية أن يتقبل الطرف الأخر وليس إجبارة على مدحة ( حتى لو كان الموضوع لا يستحق حتى القراءة )

ولكن من باب الإحترام والإبتعاد عن العنصرية بين الأعضاء يجب أن نشارك الكل وليس التقوقع على البعض دون البعض

وإذا أردت يا متعب بأن لا يقراء لك أي هلالي ( فالله لا يهينك رح لمنتدى النصر ) وكتب هناك ما تريدة لأنه لن يعارضك أحد .

ولكن تريد الكتابة هنا وتريد ( الكل ) يكبر راسك فهذي صعبة شوي وأنا أخوك .

وصدقني بأني أحد المتابعين لـ متعب ولست متعصب مثلة لدرجة بأن كل ردودة لكل نصراوي نقي !!

و أكتب في عنوان موضوعك ( لا يدخل الهلاليين ) وصدقني لن أدخل


تحياتي للجميع وإحترامي


الغريب

[متعب الحشيان]

الغريب .. ألادب رمزي وديدني .. أما انت فلك ماانت عليه ..

وبعدين من أنت حتى توجهني أين أكتب وكيف أكتب ..


لكن بكل أختصار أقولك ألكلمتين اللي غاثتك ( أهل العقول في راحه ) ..


لكل نصراوي ونقي كل ودي ..


متعب

[عـادل التميمي]

يقول متعب :

الغريب .. ألادب رمزي وديدني .. أما انت فلك ماانت عليه ..

وبعدين من أنت حتى توجهني أين أكتب وكيف أكتب ..


-----------------------------

أجل الأدب رمزك وديدنك هاه ( كثر منها )

قبل ما أنسى على البركة الكلمة الجديدة ( ديدني ) شد حيلك ولا تغيب عن المدرسة كثر عشان تمتعنا بـ طرائفك ( كـ العادة )

----------------------------

أتمنى أن تكون أنت أخر من يتكلم عن الأدب أو الأخلاق

ياخي شف ردك وأحلب لبن

ردودك سامجة مثلك وإلا ( يا زينك ساكت هذا رد ) ؟؟؟

مع العلم بأني ما أخطيت عليك ومشكلتي بأني هلالي فقط

أمحق ديدان هههههههههههههههههههههههه

من جد أسمحلي أقول

والله ما ينشره عليك يا أهل العقول في راحة

[متعب الحشيان]

الغريب .. فعلاً انت غريب .. ماد بوزك شبرين وهو مايحتاج مد ..


على كل حال ارجع وأقول ( أهل العقول في راحه ) ..


لكل نصراوي ونقي كل ودي ..


متعب

[عـادل التميمي]

ما قلت لك يا متعب لا تغيب عن المدرسة ؟؟؟

ياخي أنت تعرف وش معنى طرح موضوع ومناقشة الكل ؟؟

المشكلة بأنك تجمع بين العته والثقة التي ليست في محلها


للأسف الرد عليك غلط من الأساس