ستيك بصلصة المشروم

[سـامـيـه]

يعطيك العافيه وتسلم الآيادي

[مازن]

سليمان الذويخ

شكراً عزيزي على هالمعلومات ، ونا كذلك كني سمعت ان حديث نبوي او من هالقبيل

ان افضل اللحم لحم الظهر والله العالم بس ام رعد ماراح تقصر بتجيب العلم الاكيد

معليش ام رعد ان خرجنا المسار بس صدقيني طلعنا بفوائد بسيطة لن تنسى

[غـــربة الــروح]

السلام عليكم ورحمة الله وبركاته

هلا بالجميع

والف شكر لكل من مر من هنا

الله يعطيكم العافية

هلا بمازن

الحمدلله على سلامتك

ليتنا طرحنا الاستيك من زمان عشان تدخل

بالنسبة لاكل ماكدونالدز والله اللي نسويه في البيت الذ والطف واطيب وريحته تجنن

وبالنسبة للاستيك فصدقني الذ واطعم وجربه بتدعي لي

وبالنسبة لافضل اللحم ماشاءالله حكيمنا خبرك وكفى ووفى

وكما قيل اذا وجد الماء بطل التيمم

ومثل ما قال سليمان لحم الظهر ونسميها عندنا ( الفتايل ) ويقولون الذها واطيبها

لكن بالنسبة لي احب الكتف والرقبة وماراح تصدق لو قلت لك اني اموت بالعصعص ( بس في التيوس ) عشان طري


عموما


الناس انواع عندي من اولادي من يحب الموز ( لحم الساق )

فكل واحد له قطعة يحبها

لكن جربه يا مازن وبتدعي لي


اسعدني تواجدك والحمدلله على سلامتك

[ينابيع الأمل]

بوركت جهوكي
وسلمت يمينكي
على كل ما تقدميه من
تميز وابداع

[سليمان الذويخ]

اهلا مازن
سأبحث لك عن تخريج للحديث مختصر

لقيت تخريج يجي له اربع صفحات !!

[أبو أنور]

انا اعرف للسلطة العادية طماط وخيار فقط

[غـــربة الــروح]

السلام عليكم ورحمة الله وبركاته


هلا بالجميع


ينابيع


الف شكر عالمرور


سليمان


الله يقويك


ابو انور


السلطة لها طرق


فيه ناس تحبها مثل ما ذكرت

وفيه ناس تضيف عليها صلصات

وفيه ناس تحب الطماطم والبقدونس والليمون والملح فقط وانا منهم بل من عشاقها

فيه سلطة لذيذة وهي عبارة عن


المكونات العادية

طماطم + خيار + خس + جرجير + بصل اخضر + فلفل رومي + جزر + كرنب + فجل


تقطع بحجم كبير وانا احب اقطعها حلقات


ثم تخلط مع بعض وتضاف لها الصلصة المكونة من


نعناع + ثوم + زيت زيتون + ليمون + ملح + خل ابيض


وتخلط في الخلاط مع بعض وتصب على السلطة


وبالعافية

[غرام المشاعر]