"" شـــــاب عـــــــــانس "" ... ارجو التفااااعل ...

[الأميره]

يعطيك العافية ع الطرح

اخي والله انت طرحت موضوع متشعب من جميع النواحي

من ناحية الفتاة ومتطلباتها

والشاب وشروطة

والحفلة والهدايا والي منه

والبيت وتجيزة

والمهر وهدايا فترة الملكة والخرجات والفواتير

وشهر العسل وماادراك

صراحة الله يعين الشباب

ويعيننا عنسنا والحمدلله على كل حال

الله يسهل لنا ولكم كل عسير

[خــــالـــــد]

[align=center]
حياك يالغالي ,,

موضوعك حلو جداً

للأسف يا أخي لم يضرنا سوى المجاملات والبهرجات والزخارف التي لا داعي لها .. فمن حق الفتاة ان يطلب لها مهراً عالياً حتى تتزخرف وتلبس ديكوراتها (( نصها ما تلبس إلا مرة قدام الناس )) .. وتكمل بقية الظواهر لـ الناس حتى ترضيهم وكأن الزواج أصبح إرضاء لـ الآخرين ,,
ولهم وجهة نظر أخرى .. للأسف أن بعض الشباب (( وهم كثرة للأسف الله لا يكثرهم هههه )) لا يحسّ بـ قيمة الفتاة ذات المهر الرخيص وربما يستهتر بها أو لا يعطيها حقّها ولا أهميتها ولا يلقي لها اهتمامه, وفي أقرب خطأ منها ربما يطلقها ويأتِ بـ غيرها لأن المهر أصبح سهل الدفع ..

عن نفسي أتمنى أتمنى أتمنى أن يتم التسهيل على الزوج في دفع المهر لأن نفعه هي نفعة لـ الزوجة من خلال تسيير حياتهم اليومية ومعيشتهم بشكل عام .. ولـمن يريد ضمان انضباط الزوج بـ زوجته يشترط دفع مؤخر في حال الطلاق .. !! أعتقد بأن هذا حل عادل لـ الطرفين

والله يزوج كل شاب , وكل عزباء .. !!
ويعدد ... ولا خلاص ما راح أكمل هههه
[/align]

[قيـس]

[align=center]
للأسف أن بعض الشباب (( وهم كثرة للأسف الله لا يكثرهم هههه )) لا يحسّ بـ قيمة الفتاة ذات المهر الرخيص وربما يستهتر بها أو لا يعطيها حقّها ولا أهميتها ولا يلقي لها اهتمامه, وفي أقرب خطأ منها ربما يطلقها ويأتِ بـ غيرها لأن المهر أصبح سهل الدفع ..
[/align]

صادق ياخالد ..فيه قصه يرويها لي احد الزملاء ويحلف أنها حقيقيه وصايره بديرتهم ..يقول شايب عنده بنات ثلاث وهو كبير بالسن وخايف يموت وهن ماتزوجن المهم نذر نذر أن لو جاه واحد يخطب وحده من بناته ماياخذ منه مهر غير ريال واحد..المهم جاه سعيد الحظ >>أيوالله ياحظه بس طلع نذل ىمايقدّر النعمه قليل الأصل..المهم جاه واحد وخطب وحده من بناته ووافقت البنت ويوم جابو المملك حلف الشايب مايكتبون بعقد الزواج غير ريال واحد وفائاً لنذره طبعاً

هههههههه تدري وش قال النذل للبنت بعد ماتزوجوا قالها تراني آخذك بقيمة بيبسي لاتطولين لسانك وتصجينا عاد البنت يوم قام يكررها أنحاشت لبيت أبوها ..معها حق وش يصبرها على الأهانه صباح مساء

[align=center]
والله يزوج كل شاب , وكل عزباء .. !!
ويعدد ... ولا خلاص ما راح أكمل هههه
[/align]

لايالخواف ههههههههه.. قلها ونقول آمين يمكن ربي يستجيب وتطق الثانيه

[لذيــــــــــذ]

الاميره ...

صادقه ...

وكل الحاجات اللي ذكرتيها كماليات ... اصبحت من الضروريات ...

وفعلاً ... الموضوع متشعب ...

ولكن نطمع بالقليل من الآراء والشرح ...

تحيتي ...

[لذيــــــــــذ]

خاااااااالد ...

الله يحلي ايامك ... ويحييك ...

وصدقت ... البعض منهم نذل ما يقدر البنت ولا اهلها ...

رغم انهم قدروا ظروفه ... يحسبها سلعه !!!!!!!!!

ومثل ما قلت يسترخص مهرها ويطلقها ويدور وحده مثلها ...

الله يرزقك بأربع كل وحده تقول انت الغالي :مزون:

تحيتي ...

[لذيــــــــــذ]

قيـــــس ... انيـــــــــ الذكريات ــــــــــن ...

يعطيكم العافيه على مداخلاتكم ...

شرفتوا ...

تحيتي ...

[soso]

اخوووي لـــــــــذيذ ... طرحك جدا مميزا ورائع

ورايي خير الامور اوسطها

يعني يكون المهر 40 50 زين ومناسب والا كم تبون ....؟ احسه مناسب وبالذهب بعد والبنت اذا تبي زواج

تحطه هي واهلها الله لايهينها هو وش ذنبه المسيكين يخسر كل هالخساير كفايه المهر والسكن وشهر

العسل وش يبدي ذا والا ذا ولا تلقونها اغلبها ديووون ..

وبالنسبه لي ما احب الفخفخه الزايده للي ما عنده شي اما اللي مغنيه ربي وش وراه خله ينبسط ويبسط

زوجته ..

هذي وجهة نظري ..

تحياتي للجميع ..

سوسو..

[جريح الوقت]

الشباب من وين لاقينها بس ...!!
من كل جهة ياراجل صدمة ...!!

وبحسبة متوسط تكلفة الزواج أتوقع التالي :
مهر 40.000 + 10.0000<< !!!
أثاث35.000
قصر وعشاء لـ 400 شخص تقريبا 65.000
أجار شقة (( أصبح لايقل عن )) 20.000

هذا يالربع للزواج السادة على قولتهم واحسبوها كم تطلع ..!!؟
170.000 ريال وانت تضحكـ وتمشي على قربيعتكـ خخخخخخخخخخخخ
وإلا بحححححححححححححا مافيه زواج ...
طيب واللي توه متوظف من وين له ياحسرة ..؟!؟
واللي توظف وقال أنا لازم أول شئ أأمن مستقبلي وحط مستقبله بالأسهم وأبد تدبلت له وأمن مستقبل زيييييييييييييييين بس تحت وصار على قولتهم معلللق .. خخخخخخخخخ
عشان كذا انا أقولكم ياشباب بلازواج بلا بطيخ بلا هم وخلوها تصدي << هههههههههههه مايقصد شئ أبد هع هع
وإلا أقولكم عشان أسد نفسكم عن الزواج مرة وحدة :
طيب إذا تعبت يالضعيف (( مايقصد أحد :) )) وجمعت هالدراهم (( وقدّر الله عليكـ )) وتزوجت وبالأخير طلعت ماتسوى إش حتسوي ..؟!؟؟!؟
أكيد راح تدور (( افرست )) اللي كنت تسمع فيها طبعا إنها أقصر قمة خخخخ من شان ولا شئ بس ودكـ تصير فوق السحاب لو مرة << عشان مايبغاكـ تنتحر خخخخخخخخخ

أقول الله يهدي أول شئ الحكومة وتمسكـ التجار وتبهذلهم وتشرشح فيهم وتخليهم يتبرعون بشقة لكل عزوبي مو ياكلون العزوبي حسبي الله عليهم .. << مانبغى إلا أرض ويعجلون بالقرض .. هنا معليش بسوي لجريدة عكاظ طالعوا السؤال اليومي لهم كم وصل عدد الأيام وأخينا مدير عام بنكـ التسليف نايم ومطنش ..!! قهررررررر
ثاني شئ أجار قصورالأفراح والحفلات الكاملة ...!!! حرااااااااااااام والله حراااااام بليلة وحدة لا يقل عن 65000 ريال ..!! وعاد تبدأ المستويات من هنا وحدث ولا حرج .. إحنا مانقول نبغى شئ بلاش ..!!
لأن مافيه شئ بلاش إلا الهوى خخخخخخ (( لاحظ الهوى وليس الهواء يعني مو بصل خخخخ )) وشبعنا منه لكن نبغى شئ معقول ..!!
يعني بإستطاعة الشخص ... مو لازم ينجبر على الدين وإلا على ((القروبات)) الخيرية ..!! 50 عروس وعروسة وبملعب كورة هههههههههه أحسهم رايحين مباراة مو زواج ..!!!

المهم ياطويل العمر يالزيز يارايق أنا أشوف إن (( العرس )) ماهو (( زيييييييين )) والعنوسة أحسن هههههههههه
تدري ليش لأن الواحد يفكر الف مليون تفكير عشان يقدم على هالمغامرة اللي مايدري وش تاليتها ..!!

من بداية الإختيار للبنت وأهلها والله يستر وتحط يدكـ على قلبكـ وتسمي على نفسكـ وتدعي ربكـ ليل نهار ... إلى نهايتها هالديون والحاااااااااااااااااالة ...
والله لو راتبكـ اللي هو ... رايح فيها يعني رايح فيها ...

بس ربكـ كريم ...

والف شكر لكـ وعذرا على هالشخبطة ..

××××××
هامش المفرادات : <<<< وينكـ ياين ضاوي ..!! وإلا بو عبدالرحمن ههههههه
..

[لذيــــــــــذ]

سوسو ...

لا فض فوك ...

ولا عدمت حضورك ...

ووجهة نظر احترمها ... وأؤيدها ...

تحيتي ...

[لذيــــــــــذ]

جريح الوقت ...

الا تسوى بنت الرجال ... وما من خساره فيها ...
اهم شي توفيق رب العالمين ...

يسلمووووووو ... على التشريف ...

تحيتي ...

[المحبة لرسول الله]

بسم الله الرحمن الرحيم

بدايتن انا اشوف ان المهور بدت تقل عن السابق

وبصراحة ما ادري عند كل القبايل او بس قبيلتنا

كان في البدايه يعني قبل 20 سنه استحاله تقل عن 60 الف
اللي ب70 الف او 80 الف هذا زمان قبل الموضه والذهب والطقاقات والكماليات وغيرررررررررررررررها

اما الحين والحمد لله تقلص المبلغ الى ان وصل 30 او 40 الف

واهم شيء يطلب من العريس بعد المهر سكن للعروس مستقل لو كان غرفتين ودورة مياه (اكرمكم الله)


ولا تنسون ان العروس تشتري الذهب من مهرها وغير الملابس وغير حق الكوافير والنقش والعطورات وبعض الاهل يشترون لبناتهم اما غرفه النوم او بعض المواعين من نفس المهر
وش صفى من المهر اللي تقولوا عليه

وانا ما اتكلم من عندي لا هذا من واقعي ومن اللي حوالي

[خفايا دنيتي]

[align=center]
موضوع يستاهل النقاش اخوي لذيذ
بس عندي تعليق مو كل اولياء امور البنات هم اللي يحكمون ويطلبون المهر
والحين الاغلب تكون المهور المعتاده زي دايم عندنا حنا في القبايل
اما اللي يزيدون بالمهر ماعندهم سالفه اهم شي الستر والحياه السعيده للطرفين
[/align]

[لذيــــــــــذ]

المحبه لرسول الله ...
صدقتي ...
والتوسط زين ...
يسلموووووو ... على المداخله ...
تحيتي ...

[لذيــــــــــذ]

خفايا دنيتي ...
صدقتي ... والله يعزكم ...
الاسبوع الماضي واحد من عيال عمي راح يخطب ...
قال له ابوها ... مهرها مثل مهر خواتها 100 ألف !!!!!!!!!!!
طلع وتركه هو وبنته ...
يسلمووووو ...
تحيتي ...

[أميرة الفراشه]

مشكووووور اخوي لذيذ على الموضوع المهم

بصراحه انا معارضه على غلاء المهور اللي مالو داعي

وحنا عندنا بين اهل جماعتنا متفقين ان يكون مهر البنت (40) الف ريال

والكل عجبهم الحال

ولكن انا اعرف بعض العائله والله ما تزوج بنتهم الا فوق 100 الف

بس نقول والله ظلم بنته هالشايب اللي راسو يابس

وما نقول الا الله يهدي الجميع ويوفقهم

تقبل ودي قبل ردي