طاروووق على الحن القديم تفضلوا ...

[جنوبي نجد]

خلك مع الشعار ياصاحبي وترك شواعير * وحسب حساب الوقت لو كان ميلادي وهجري
الله يكافينا وأنا أخوك شر صوير وعوير * الي بلوني في حلالي وفي مالي وشعري

[دامح الزله]

استلم البيت :
الشعرهاجوس شاعر والحلوم إلها تفاسير * يالي تحسب الزمن قدمت قبل البيت عذري
اللي توكل على ربه مايخشى كل شرير * واختامها خابرك ذيبان خلك عند خبري

[دامح الزله]

[align=center]
اشكر جميع الاخوه والأخوات الكرام
على تواجدكم وعذوبة ردودكم
وروعة حضوركم لاعدمناكم
اخي الشاعر :
جنوبي نجد
بيض الله وجهك
تشرفت باللعب معك
تقبل اعذب واصدق التحايا
دامح الزله
[/align]

[عوادالعلي]

جنوبي نجد

يامرحبا في مبتدأ القاف في كل الجماهير * الي لهم كل أحترامي وتقديري وشكري
الله يقدرني على القول والأفعال والخير * هذي مناتي في حياتي لونه طال صبري

دامح الزله

فيك البقا بسمي وعن كل شاعردون تقصير * نبي نشدالقاف ياصاحبي والوقت بدري
اللـي يـقـدم طـيـب يـلـقـى بفعله كـل تـقـدير * ولابان نـورك يالقمر ودنا بالليل نسري


جنوبي نجد

الله يعين الي بدنياه طالت به مشاوير * مايدري إن الوقت ياصاحبي بالعمر يشري
باقي من الأيام ستة ويردن المصادير * من بعد توفيق الولي , جاء بتخطيطي وفكري


دامح الزله


لاتحصرالموضوع والسالفة برموز تشفير* انته وانا ندري وخـل الـعـرب بالعلم تدري
دربك خضر واعد الايام لين اسمع تباشير * ولاتذكرالماضي وحذراعليها البال يطيري

جنوبي نجد

ماهو بلازم نعطي الناس فالموضوع تقرير *خل العرب كلن على مايبي يمشي ويجري
لا واهني الطير فوق السحابة يقدر يطير * وأنا على ظهر السفينه وزاد الشوق قهري



دامح الزله


لاتقصرالنظرة وانا مقتنع من غير تنظير * اطرح قضية تهم المجتمع والحل جذري
خلك مع الصف الاول وانته قايد لطوابير * الشوق ياركباً ضهر السفينة صار بحري


جنوبي نجد


خلك مع الشعار ياصاحبي وترك شواعير * وحسب حساب الوقت لو كان ميلادي وهجري
الله يكافينا وأنا أخوك شر صوير وعوير * الي بلوني في حلالي وفي مالي وشعري




دامح الزله

الشعرهاجوس شاعر والحلوم إلها تفاسير * يالي تحسب الزمن قدمت قبل البيت عذري
اللي توكل على ربه مايخشى كل شرير * واختامها خابرك ذيبان خلك عند خبري

صحت السنتكم ولاهنتو

[جنوبي نجد]

عواد صح بدنك ولاهنت على التنسيق