جميل ,,,
وعليكم السلام ورحمة الله وبركاته
الف شكر لحضورك وعسى الله يوفقنا للخير
إلى ماذ تميل في الشعر ؟
أميل الى الشعر الصادق خصوصا في غرض الغزل والقصائد الروحانيه
ابيات لغيرك اعجبتك وتمنيت أنها لك ؟
كثير الابيات وماهي ابيات بقد ماهي قصايد
مثل :
سجد قلبي على رمل الضلوع وهزه التنهيد
وانا في قلبي خيام الندم والخوف منصوبة
يارب افهق هلاكي والمنايا والدروب بعيد
مادام المودماني للتراب تقوده دروبه
للرائع نايف صقر
وبعد :
ياوجودي كل ماهب نسناس الشمال
وجد من حده زمانه على اللي مايبيه
الى ان قال
وجد من قفى وهو في رجا كلمة تعال
والتفت من عقب ما اقفى ولحدن لد فيه
البيت هذا عاد قصه لحاله
بيت لسعد بن جدلان يقول :
خلوني اسج عن موضوعه احسن لي
ولا الغلا والله ليبطي وهو غالي
وبعد ايضا :
واللهّ انّي ميسٍ من وصلك الاّ
فزعةٍ من ربنا جلّ وتعالا
وايضا :
والذي ليلة الاسرا عرج بالرسول
ان حبك لحال وحب غيرك لحال
وايضا بيت لزميلنا الشاعر ناصر مطلق البقمي :
والله اني كل ماطالعت وجهي في المرايه
قلت ياوجهي تبسم قال ياناصر فراق
صراحه كثير الابيات اللي تعجبني بس بالامانه اتمنى اني انا اللي كاتبها لاوالله لان كل شاعر له نبضه الخاص وانا ما اكتفي من القصيد لين اقول اللي بخاطري
اجمل ما كتبت ؟
من باب قول الحق والشي اللي احس به
حقيقه فيه بعض الابيات في بعض قصايدي احس اني ابدعتفيها بعد ماكتبتها
مثل :
وانا ماحبه من طرف او طرفين
انا لكل اطرافه محب حاني
وايضا :
من عشق عشق بجنوني من هو بقيس احتذا
ليه يستغرب نهايه ماجت ابما يشتهيه
وايضا :
قلي بربك من هو آنا بحياتك
ولا لا تعلقني على رغبتي فيك
وايضا :
ياهلا باللي يبادلني الشعور
مرهف الاحساس لكه حذر
وايضا :
آه ياحلمن بناني بالوعود اللي نساها
وآه ياحبن توفى في حفل تمايمه
والله الظاهر ان قصيدي كله زين عندي ماخليت شي والقائمه تطول ولكن نكتفي بهذا القدر
اشكرك مره ثانيه اخوي جميل وتسلم على حضورك الاجمل
