المشاركة الأصلية كتبت بواسطة فايز ماجد
[align=center]بسم الله الرحمن الرحيم
السلام عليكم ورحمة الله وبركاته
مساء الخير
قصيدة بسيطة أتمنى أن تنال الاعجاب والاستحسان[/align]
[align=center]
الثرثرة [/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]
ماعندهن غير الغثا والثرثرة = بمعنى آخر بربرة في بربرة
لاشفت لك رجال راسه عوّره = تأكد ان اللي مطفشته مره
أبي وابي وابي وابي وابي وابي = وابي وابي وابي وابي الى آخره
ألين ماايبيع الحديدة لجلها = طفران كلش من سببها يخسره
او ليه وليه وليه وليه وليه وليه = الين مايطلب طبيب وسستره
بالليل قبل ينام غير اتهاوشه = وان جا يقيّل بس لجة مبزرة
رفلا تعلّك بس ريحة طبخها = كل ماتعنّت جا لمطبخها اكدره
ماهمها الا كيف يطلع شكلها = واتصيح لو ضاعت عليها مسكرة
وأنا وأنا ماغير تمدح زينها = وان شفتها كنك تحلاّ (أوبرة)
امسويه ريجيماً أكيد اخرطي = لانها من يوم اخذها امدوّرة
ولسانها زولاً يباري زولها = أعطيها سر وبالخلايق تشهره
قيل اشعره لو راحت يروح العقل =ما ظنتي برويسها ربع اشعره
خلك عزوبي يابو ماجد واعتبر = نصيحتي مادام ماعندك مره
لا لا تصدق باللي دايم تسمعه =مااعمهن لكن بهالجيل أكثره
قلت الا به عندي عليك ملاحظة = ياخي تصدق أنك أكبر مسخره
عيباً على الرجال يفعل فعلتك = لو هو كبيراً كلن ابيستصغره
أسرار بيتك قل لي ليه اتقولها = هذرت هذراً مابه احدن يهذره
لو حرمتك علة ومابه مثلها = بس اتهامك ماهو لازم تصدره
ترى السياسة حلها وتحلها = والصعب مهما كان فيها تقدره
لها عليك حقوق دايم أدها =وأجبر بخاطرها ومثلك تجبره
لو تدري ابكذبك تراها اتصدقك = قل انتي حلوة لو هي اكبر جيكرة
تعاملك بالمثل والا عند اهلْك = ايّات فعلن زين منها تشكره
وان كان ضاقت يوم خلك جنبها = ماهوب ليلك برا بيتك تسهره
ترا المره تحتاج رجل يعزها = واليا حقرها مهما سوى تحقره
مخلوقةٍ من ضلعن اعوج وانتبه = لاتحاول التعديل ثمّن تكسره
وان شفت منها شي حاول نصحها =واليا تمادت قربها اشوي اهجره
والله ياواحد صار لعبة بيدها = ودك على خده بيدّك تسطره
هذا كلام العقل ..روح امريتّك = قلته ولاني منك ناقص ثرثرة [/poem]
[align=center]
تحياتي للجميع[/align]
...
[align=center]
ههههههههههههههههه
صح لسانك ياابن ماجد
اشوا انك قلت مااعمّ
صباحك ورد
والله يعينكم على العوج
ماسكره....؟
تحيااااااتي لك[/align]
[/align]
رد مع اقتباس
