الظلم قوة

[شاعرة نجد]

صح الله لسانك شاعرنا احمد

تسلم طال عمرك على هالجزله

تقديري لك’,,

[فايز آل بذال]

أشهد بأنه أصح من الصحيح

العزيز احمد

رايتك بيضا يالقرم

والله يزينها وانا اخووك

صح كلك يابعدي

[سلطان الـبـلوي]

هذا مصير اللي رضى الذل والهـون
ورجا من اعـداه السنـد والاعانـه

صح السانك وقلبك


لا هنت

[نايف السليطي]

صح لسانك يالغالي
ولاهنت
تقبل مروري

[احمد مناحي]

علي بن مساعد الغامدي

هلا بك وغلا

صح بدنك وطال عمرك

ووجهك ابيض ولي الشرف ان اكسب اعجاب شرواك

لاخليت منك

لك من القلب شكرا

[نايف عبدالله العتيبي]

هلا بك وغلا يالغالي أحمد بن مناحي الشمري

صح لسانك يالقرم وقديمك رائع يارائع

في شوق دائم لبوحك :)

أخوكـ

[وجــــدان]

بسم الله والصلاه والسلام على افضل خلق الله

اعزائي قصيده قديمه كتبتها في عام 2000 بعد الانتفاظه الفلسطينيه....
ربما مؤتمر انابوليس اعادها الى المقدمه في ذاكرتي ....
ربما ياتي من يقول ياخي قديمه والموضوع صار له 8 سنوات اقول والله حنا يالعرب اللي قبل 8 سنوات مثل اللي الان واللي الان مثل بعد ثمان سنوات الا ان يشاء الله ......

اخليكم مع القصيده واتمنى القبول وانشد الرضا ...

الظلم قوة

[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
يالله ياعالم خفى كل مكنون = يامبتلي عبده بقو امتحانه
ياوامر(ن)وامره على الكاف والنون= فيك استعانه طالب الاستعانه
انت الرجا فيك الرجا منك مضمون= ياعون عبدك وان غدر به زمانه
نشكي عليك احوالنا دون من دون = صرنا على تاريخ الامه مهانه
وليا حصل من ينشد العلم وشلون = عندي على مااقول ثبت وبيانه
وشلون يدخل مسجد القدس شارون = يزرا بتاريخه ويهزا بكيانه
القدس تعبث به شياطين صهيون = تدنس ترابه وتنزع امانه
وحنا ثلاث اميه بالاعداد مليون= ولامنا من هزه مرارة اخوانه
نبي الفرج من بوش والبوش ملعون = يحمل بقلبه حقد عرق وديانه
اطلق زمام الامر في يد مجنون= اعطاه ضو اخضر ومده واعانه
يمد له في كل ورطه يد العون = ومعطيه عن كل العواقب حصانه
بوش (ن)لشارون اودع الدرب مامون= وكوفي عنان اطلق لبيرز عنانه
وزيني وسولانا للاحقاد ماعون= وتنت ومتشل ضيعتنا لجانه
على جرايم مجرم الحرب يضفون= ستار الخديعه للجرايم ضمانه
خلوه داين عقب ماهو بمديون = بصبرا وشاتيلا وجنين (ن)وقانه
هذا مصير اللي رضى الذل والهون= ورجا من اعداه السند والاعانه
لزماننا هذا شريعه وقانون = الظلم قوة والتسامح سكانه
واخذ الحقوق بشذرة السيف مرهون = مايستعيد الحق شجب وادانه
لاصار مايصرخ شبا كل مسنون = برقاب بياع الذمم والامانه
وش عاد لو قلتوا هذا طيش وجنون= حلول التحاور لبستنا هوانه
نجلس لطاولة النقاش ويقومون = عنها بمطالب كيد مكر ولعانه
ليا متى ومدور الحق مسجون = يحيا ويموت ولا تعدا مكانه
يا اهل العقول النيره كان تدرون= صد الرجل عن واجباته خيانه
مافيه داعي بالحقايق تمارون = طيب الرجل تسند يمينه لسانه
هذا الصحيح وقولوا اللي تقولون = لاعاش من يرضى حياة الاهانه [/poem]

وسلااااااااااااااامتكم

الأخ الشاعر أحمد مناحي الشمري

ربي يسلم هالفكر وهالمشاعر على هالقصيده الوافيه

صح لسانك مليوووون

لاهنت

تحيتي لك

[طلال سويعد]

بن مناحي

كل المتعه الشعريه مع حروفك

صح لسانك

مدد

مودتي لك

[مانع الوايلي]

الله الله
صح لسانك ياأحمد
مبدع ولي الشرف بالمرور هنا
تحياااااااااتي
مانع الوايلي

[احمد مناحي]

عبدالهادي الجهني

هلا بك وغلا

لي الشرف في مرورك طال عمرك

والله يغير الاحوال الى الافضل ...

لاخليت منك

لك من القلب شكرا

[احمد مناحي]

محمد الدغيري

هلا بك وغلا

صح بدنك وطال عمرك

اسعدني مرورك وشرفني حضورك

لاخليت منك

لك من القلب شكرا

[احمد مناحي]

نياف العتيبي

هلا بك وغلا

استاذي النايف لي الشرف في حضورك مره اخرى ومصدر فخر لي حرصك على الحضور الغير

عادي فاانت استاذي الذي اتعلم منه فنون الشعر ...

لاخلا ولا عدم

لك من القلب شكرا

[احمد مناحي]

مسلط المغيري

هلا بك وغلا

اسعدني مرورك وشرفني حضورك

لاخليت منك

لك من القلب شكرا

[احمد مناحي]

جواهر عبدالله

هلا بك وغلا

صح بدنك وطال عمرك

لاخلا ولا عدم

لكي من القلب شكرا

[احمد مناحي]

ابو عبدالرحمن

هلا بك وغلا

صح بدنك وطال عمرك

لاخليت منك

لك من القلب شكرا