اللي يخاويني على الطيب حياه ...!!!!

[ناصر الجلاه]

..

شاعرة نجد

..


صح بدنكـ يالغااليه .. الابدااع مروركـ الكريــم والجزاله من أصلكـ

اسعدني تصفحكـ ياشاعرة نجد

سلمتي ولاهنتي

..

[ابو اريام جده]

صح لسانك اخوي علي كفيت ووفيت ولامنك قصور



القصيدة رائعة من البداية الى النهاية

اتمنى لك التوفيق
وتقبل مروري

[محمد الروقي]

صح لساااااااااانك والعذر والسموحه

غصب عنا الغياب اقبل عذري وسجل احترامي وتقديري

[صلاح الأحمدي]

..

السلام عليكم ورحمة الله وبركاته


هذه القصيده نتواصل بها فالمنتدى الشامخ بأهله ,,

:icon_conf:icon_conf



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابداء وبسم اللي يشرف بمبداه=اللي خلق كل الأوادم من الطين

الواحد اللي فالزمن نطلب رضاه=مادامنا بالعمر باقين حيين

حنا فقارى دوم والرب مغناه=غني عنا لو ملكنا ملايين

إن كان مانرجيه وندور رضاه=عز الله إنا كلبونا مساكين

يالله جنت خلد ياطيب الجاه= مع الصحابه والرسل والنبين

اكتب وأوضح كل شيٍ درسناه=من آلف وأربع لين تسعه وعشرين

يقول من ميز حياته بدنياه=رجلٍ حكيم وشاعرٍ بالبراهين

إن الزمان أقصاه مايشبه أدناه=وإن العمر محدود لوهو بعد حين

لوفيه مخلوقٍ تعمر ذكرناه=مار الحقيقه يوم والناس ماشين

دنياك هاذي وضعها قد فهمناه=مابين حلو ومر والشين والزين

عشنا وشفنا وكل دربٍ مشيناه=مع كل خلق الله وحتى الموالين

شيٍ ربينا به وشيٍ عرفناه=من ناسٍ أكبر سن منا فهيمين

اللي يخاويني على الطيب حياه=يأخذ مواجيبه على الرأس والعين

إن مدلي بالكف يرجعله املاه=على الوفا عشنا وبنموت وافين

ومن صد قلنا يالعله مقفاه=مانطرده لونشكي الفقر والدين

الطيب الطيب ومبداي مبداه=إن كانها بالعسر وإن جات باللين

وألا الردي معثور والكل يشناه=وإليا مشى دربه من الشين للشين

مابين هالأثنين خصلت مساواه=مادام للميزان فالوقت كفين

ألا إن كان الذيب عود كما الشاه=والحر الأشقر عيشته بالمراحين

كذا بقول إن الزمن ثار فخباه=علمٍ له الصاحين ترجع مجانين

قولٍ بدعته ياهل العرف واحماه=واعيد ماقلته بوحده وثنتين

اللي يخاويني على الطيب حياه=يأخذ مواجيبه على الرأس والعين[/poem][/frame]

؛

الله الله ،، ما شاء الله
الله عليك يا ناصر
عز الله هذي القصايد اللي تنحفظ وتدرس
يسلم راسك وفكرك وبيانك وبنانك ، جَزْل ، لاهنت


[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black"]
الطيـب الطيـب ومبـداي مبـداه=إن كانها بالعسر وإن جات بالليـن
وألا الردي معثور والكـل يشنـاه=وإليا مشى دربه من الشين للشين
مابين هالأثنين خصلـت مسـاواه=مـادام للميـزان فالوقـت كفيـن
ألا إن كان الذيب عود كما الشـاه=والحر الأشقر عيشتـه بالمراحيـن
كذا بقول إن الزمـن ثـار فخبـاه=علمٍ له الصاحين ترجـع مجانيـن [/poem]

[align=left]هذه ل التأمل[/align]


الغَالي نَاصر الجَلاَه
صَحّ لسَانَك وقَلبَك مَددّ ، ويسلَم بُوحَك ونَبض رُوحَك ، لاَهِنت.

؛
،، وَتَحِيَّة ،،
؛

[عبدالله الرياحي]

اللي يخاويني على الطيـب حيـاه
يأخذ مواجيبه على الرأس والعيـن


كفوووو والله ان خوتك تشرف ياالذيب

وصح لسانك مليار وتكرار

كفيت ووفيت

جزل ومتمكن على لعب القاف

وشهادتي فيك مجرورحه

لاكن الله لايضرك ويعطيك العافيه في هذه القصيده تنفسناالشعرالحقيقي

ودمت كماتحب

[خــــالـــــد]

[align=center]
ناصر الجلاه
ـــــــــــــــــــــــــ ــــــ
يعطيك العافية

وصح لسانك ملايين

لاهنت يا ناصر

مبدع كـ العادة !
ـــــــــــــــــــــــــ ــــــ
أخوكـ/خالد
[/align]

[صهيل الصمت]

ناصر الجلاه


استمعت بها من أول نبضه الى آخر حرف


سلم لنا بنانك وقلبك



أرق التحايا

[ناصر الجلاه]

..

ابوعبدالرحمن

..


صح بدنكــ يالغااالي اسعدني تصفحكـ الكريـــم

لاهنت

..

[ناصر الجلاه]

..

سعود المسعد

..


صح بدنكـ ياسعود .. الابدااع مروركـ الكريــم

لاهنت

..

[ناصر الجلاه]

..

محمد قبلان العتيبي

..

اسمكــ فالصفحه يشرفني ياوااااافي

لاهنت

..

[ناصر الجلاه]

..

ابواريام جده

..

صح بدنكـ يالغااالي الابدااع تصفحكـ

لاهنت

..

[ناصر الجلاه]

..

محمد الروقي

..

معذور يابن روق .. وصح بدنكـ مروركـ يكفيني

لاهنت

..

[ناصر الجلاه]

..

صلاح الأحمدي

..

صح بدنكـ ياصلاح .. اطرائكـ جميــل ومروركـ كريــم

لاهنت

..