لعيون عبدالرحمن بن سعود (( رئيس النصر )) خبر جديد

[عـادل التميمي]

حساسة


عادي وأنا أخوك قولي الحقيقة دائماً مرّة :o

شكلك هلالية وجاية تضحكين عليهم

بس خايفة يجلسون لك :تصفير:

تحياتي لك

أخوك الغريب

[عـادل التميمي]

هلا أخوي يزيد

أسف بس أنا مو معك

كيف تبي مستوى الحكم يتطور وهو يتفرج على المباراة من برا

المفروض تكون فيه دورات خارجية للحكم السعودي

وهذة الدورات تنتهي ببدايتهم في الدوري السعودي

والدوري الخليجي والدوري العربي والأسيوي والأفريقي

يعني الحكم السعودي لازم يتطور مستواة بالإحتكاك مو يتفرج من بعيد

وعشان تنتهي ظاهرة إتهام الحكام بالميول والرشوة

يجب على الإتحاد السعودي فرض عقوبات شديدة في حال إتهام الحكام

أو التشكيك فيهم .


تحياتي لك أخوي يزيد

الغريب

[مفرح بن مناحي]

هلاااااااا أخوي الغالي .. الغريب

الله لا يجيب الحقد بيننا إن شاء الله .. وأنت عزيز وغالي ..

ولكن مو شرط إن لم تكن معي فأنت ضدي ..

نرجع لردودك ..

تقول إن أمر خروج النصر محسوم ومبارياته تحصيل حاصل ..

وسويت عملية حسابية ..

وقلت إن الأهلي بيفوز على كل من (( النصر والهلال والشعلة )) وبيتعادل مع الاتفاق وينهزم من الاتحاد ... يعني بيجمع (( عشر نقاط )) تضاف إى نقاط (( 25 نقطة )) لتصبح = (( 35 نقطة )) ..

ونسيت أو جحدت النصر ... وله مباراتان ...
أمام الأهلي ... وقلت إنه بينهزم .. مع إنه لو فاز النصر .. نعتبر حسبتك كلها غلط

طيبلو فرضنا إنه انهزم من الأهلي ... وفاز على الوحدة .. بيصير عنده (( 36 نقطة ))

برأيك أخوي الغريب ... أكثر 35 نقطة وإلا 36 نقطة ؟!! :بفكر:


=======================

أخي الغريب ... أبيك تقرا كلامك في ردين مختلفين وتشوف التناقض اللي فيها :

كاتب الرسالة الأصلية الغريب
خــــــــالـــــــــــد


تتوقع إن المهنا بيشارك في مباراة النصر فيها طرف ؟؟

يمكن ليه لا ( مع إن المهنا سبق وأن ساعد النصر أمام الهلال )

( اية المباراة إلي يدخل فيها النعيمى ) شوفوها في موضوع مجنونها

تحياتي

لك

الغريب

شف ردك الثاني

7
7
7

كاتب الرسالة الأصلية الغريب

وعشان تنتهي ظاهرة إتهام الحكام بالميول والرشوة

يجب على الإتحاد السعودي فرض عقوبات شديدة في حال إتهام الحكام

أو التشكيك فيهم .
الغريب

تشكك في نزاهة عمر المهنا ... وتقول إنه ساعد النصر على إنه يفوز على الهلال .. (( طبعاااا ساعد يعني تعمد ,, يعني إنه قاااااااصد ,,, يعني تشكيك ))
وتطالب بعد كذا الاتحاد السعودي أن يكون حازم مع كل من يشكك في الحكام !!!
طيب من يحاسب اللي يشككون في الحكام عن طريق النت :بفكر:

تحياتي لك ...

سهم المنايا

[قوت القلوب]

:بفكر: :بفكر: :بفكر: ماحصلي المعرفه
بالتوفيق

[عـادل التميمي]

حبيبي سهم المنايا

أول شيء يجب عليك ( كـ نصراوي )

أن تفرق بين ردي لهلالي وردي لنصراوي

يعني أنا بصراحة ما أبيكم تعيشون على أمل ثم تتحطمون مثل العادة

ثاني شيء ردي على خالد من باب المزح لا أكثر

( خالد فاهمني زين ) :p

على بلاطة عارف إني رافع ضغطكم ( وأنا قلت سالفة المهنا ) :تصفير:

بعدين ( المهنا متهم بالرشوة من قِبل الإدارة النصراوية ) إذا تذكر :تصفير:

طيب نرجع لموضوع الحسابات

أول شيء أبيك تفهم شيء واحد

المربع الذهبي بدون النصر ما يحلى

وصدقني إني أتمنى أشوف الهلال والنصر على النهائي في كل البطولات

مدرجات مليانة والمقاهي مليانة حتى الشوارع مليانة

والفوز له طعم غير طعم البطولة ( أعتقد أنك فاهم قصدي )

أعطيك مثال ثاني

ليش السنة هذي كأس ولي العهد راح يكون قوي والنتيجة ما راح تكون متوقعة

والفارق راح يكون قليل ؟؟

أنا لو كنت أهلاوي وأنت إتحادي ما راح تكون المباراة بيني وبينك من بداية التأهل ؟؟

على العموم إحتمال 50 % يتأهل النصر في حالة تراخي الأهلي

وعل ى فكرة كأس ولي العهد يمكن يكون في مصلحتكم

إذا إنهزم الأهلي ( راح تكون المعنويات في الحضيض )

وإذا إنتصر راح يصابون بالغرور أو ( أية التأهل مضمون )

في هذة الحالة راح تستفيدون وأنا ما قلت إذا مو معاي فأنت ضدي

لأن هذي الكورة وهذي هي الجماهير

وش بعد ؟؟

أية تتوقع إن البيشي بيلعب مع النصر وإلا عن طريق مؤامرة هلالية

يحبس في المنتخب ؟؟


تحياتي لك وصدقني ما توصل للحقد أبداً لأن السالفة مزح وحرق أعصاب مؤقتاً

وبكرة إذا دخل النصر المربع وطلع الهلال

راح تتجمعون هنا وترفعون ضغطي :D :D

يوووووووووووة

الله يعين من ألحين :o

أخوك الغريب

[عـادل التميمي]

قوت القلوب ( يالي مسوية زحمة في توقيعك )

وش إلي ما حصلك المعرفة به

وإلا الدعوة إنك تكوني أكثر من يرد في المنتدى :بفكر:

على العموم لا تخليني أتهور وأتعداك ( مع إنك مسجلة قبل بـ سنتين )

:تصفير:

على العموم فرصة سعيدة

تحياتي

الغريب

[مفرح بن مناحي]

أخوي الغالي الغريب ... بصراحة ما فيه رفعة ضغط ولا شئ ..
وبعدين كيف حكمت إني نصرواي ... ؟!!

أنا لاحظت تناقضك في ردين .... وحبيت أبيّن هالشئ لك ... وأنت رديت بأنك كاتب أحد الردود لخالد :بفكر: لحاله وهو فاهمك ... طيب وش ذنب اللي يقرا ردودك ؟!!

يمكن أجي بكرة وأقووول حاجة متناقضة ... وإذا جيت تحتج على تناقضي أقول أنا كاتب الرد لــ ( أنا منجونها ) لحاله

وبالنسبة إذا كانت إدارة النصر متهمة المهنا بالرشوة .. أنا ما يهمني كلام إدارة النصر .. أنا يهمني كلام كاتب أقرا له هنا .. وأشوف التناقض في كلامه ... يعني يوم أقرا لك كلام عن الروح الرياضية .. هل أنت ما تعني كلامك فعلاا .. أنت تدعو للبعد عن اتهام الحكام .. وتجي وتتهمهم ... لا تعليق :p

وإذا طلع الهلال من المربع .. أو تأهل النصر ... من اللي بيرفع ضغطك .. وهل أنت من الناس اللي يرتفع ضغطها ؟!!
( الله يعينك يا الغريب .. من اليوم الناس بترفع ضغطك على أي شئ خخخخخ )

إن شاء الله يلتقي الهلال والنصر في المربع .. لأني بكوووون مبسوط سواء فاز النصر أو انهزم ... أما أنت باين عليك معصب قبل ما يتأهل فريقك ؟!

كلمة للغريب لحاله ( علشان ما يجي واحد مثلي ويقول ليه التناقض ) ... قريت تصريحات حكامنا بعد ما قرروا اختيار الحكم الأجنبي لتحكيم المباريات الحاسمة ؟!!

تحياتي لك وعلى ريحة البطولات نلتقي ...

سهم المنايا

[عـادل التميمي]

يالله سهم المنايا


طيب وأنا أخوك أول شيء أغسل يدك من البطولات

حبيبي يقول عبدالرحمن بن سعود في تصريح له

يا تشوفون لنا حل مع الحكام وإلا نحل نادي النصر

( يعني ما راح تتغير الإدارة لو تطيرون ) :بفكر:

بالنسبة لحكامنا ( وهذا إلي أنت خاتم به ردك )

أسمح لي أن أقول لك لا لم أقراء جريدة ( من ثلاث أسابيع )

ولكن دعنا نتفق قبل أن نختلف

هل لحكامنا رأي أو قرار خارج الملعب ؟؟ :تصفير:

----------

بالنسبة لرفع الضغط :D الله يكفينا الشر والله يستر

ذا الكورة مات بسببها ناس ( قضاء وقدر )

يعني لا تستبعد شيء وأنا أخوك

بالنسبة لميولك ( بصراحة شكلك نصراوي )

صعبة تكون إتحادي أو أهلاوي وأنت في الرياض :تصفير:

( أمزح لاحد يفهم غلط )

تقول في ردك الأخير ( مع إنه مو شرط )

إن شاء الله يلتقي الهلال والنصر في المربع .. لأني بكوووون مبسوط سواء فاز النصر أو انهزم ... أما أنت باين عليك معصب قبل ما يتأهل فريقك ؟

--


وسالفة الإتهام أنا ما أتهمت أحد ( من يقول )

أنا مجرد نقلت خبر ( أعلن في أحد الأيام عن طريق وسائل الإعلام )

يا أخي العزيز تخيل قلت إن إدارة النصر بتتغير ( مع العلم بأن الخبر معلن )

هل يعتبر كلامي تصريح أو رأي شخصي ؟؟

ما أتفق معك في هذة الحالة .


وعلى فكرة أنا لازلت أطالب الحكام السعوديين برفع قضايا في حال الإتهام

وتحويل القضية للقضاء الشرعي .

<===== طالب قانون ;)

---


أما على ريحة البطولات نلتقي فهذي صعبة شوي

حبيبي يا تشجع إتحاد أو الهلال أو الأهلي

حتى المنتخب ما أنصحك فية ( لأنه مرحلة تطوير وبناء )

أما النصر إنسى موضوعة إلا إذا تبي تروح تشتري مباراة الهلال والنصر

عام 1416 وما قبل ( خصوصاً إذا كان ماجد ومحيسن والهريفي ) موجودين

فعز الله إنك تبي تنبسط أخر إنبساط .

تحياتي لك

أخوك الغريب

[ياسر عبدالعزيز]

هلال نصر *****هلال نصر*** هلال نصر اكبرو شوي:p
ترى التنافس مهيب المقارنه بالكلام والحجج.. المقارنه بين فريقاً تكون عن عدد البطولات.. والنجوم بالفريق
ولي اشوفه ان الهلال اكثر بطولات..وفيه اكثرمن نجم
اما النصر الله يكون في عونه:(

لابطولات... ولانجوم
مع ذلك مازال موجود في الدرجه الممتاز:(
اتمنى انه يلغى الاعب الاجنبي في الملاعب السعوديه..حتى نشوف النصر الموسم الجاي
يصارع على الهبوط ويمكن يحجز بطاقة الهبوط من الدور الاول السنه الجايه:p

اتمنى من الجماهير الفقير..اقصد النصر.. ان يشجعوا الشباب او الاتحاد يمكن يفرحونهم ببطوله:p

[الصويب]

يكفي انه العاااااااااااااااااااااا ااالمي:برافو: :برافو: :برافو:

[عـادل التميمي]

نعم هو عالمي

ولكن عالمي في مرحلة الشيخوخة ( للأسف )


الصويب

أنت وش رايك في النصر وبكل صراحة ؟؟!!

-----------


تحياتي لك

الغريب

[عـادل التميمي]

ياخوي المشكلة إن النصراويين ( مزعجينا )

ومسوين زحمة ( لأنهم فازا على الهلال وهذا بحذ ذاتة بطولة


لا تروح بعيد خلنا في هذا المنتدى

تدري أنهم فرحوا وقاموا يباركون لبعض ( عشان الأهلي فاز على الهلال )

بالله عليك وش نقول لهم ؟

يالله يالنصراويين عيشوا على الذكرى ,,,,,,!

على فكرة سمعت إشاعة قوية

يقولون حفل إعتزال ماجد عبدالله عام



9\9\9999م الساعة 9 مساءً في مقر النادي :تصفير: :تصفير:


تحياتي للجميع

الغريب

[مفرح بن مناحي]

ههههههههههههههههههههههههه ههههههههههههههههههههه الله يرجك يا الغريب .. شكلك بديت تضيع بالمواضيع ... وش دخّل اعتزال ماجد ههههههههههههههههههههههههه ههه يا شين الواحد لا انحجر بزاوية :p

نرجع لكلام الأخ الغالي ياسر عبدالعزيز

كاتب الرسالة الأصلية ياسر عبدالعزيز
هلال نصر *****هلال نصر*** هلال نصر اكبرو شوي:p
ترى التنافس مهيب المقارنه بالكلام والحجج.. المقارنه بين فريقاً تكون عن عدد البطولات.. والنجوم بالفريق
ولي اشوفه ان الهلال اكثر بطولات..وفيه اكثرمن نجم
اما النصر الله يكون في عونه:(

لابطولات... ولانجوم
مع ذلك مازال موجود في الدرجه الممتاز:(
:p

الحين أنت مقتنع إنك كاتب الكلام في نفس الوقت .. وإلا رحت تفطر وترجع وكملت الرد .. لأن بداية كلامك غير عن اللي جاء بعده :(

لاااااااا بطولات ولاااا نجووووم .... ياسر ... متأكد من هالكلام ؟!!

كاتب الرسالة الأصلية ياسر عبدالعزيز
اتمنى انه يلغى الاعب الاجنبي في الملاعب السعوديه..حتى نشوف النصر الموسم الجاي
يصارع على الهبوط ويمكن يحجز بطاقة الهبوط من الدور الاول السنه الجايه:p

:p

الحين من المستفيد من جلب اللاعبين الأجانب ؟!!
الهلال هو أكثر فيق استفاد .. وسيرجو يشهد على كلامي .. وادميلسون ... وغيرهم كثيييييييييير ... حققوا ثلاث ارباع انجازات الهلال ... أما النصر فحقق بطولاته بكفاح أبنائه ... حتى تأهله لكأس العالم جاء برأس الهريفي !!
أتمنى فعلااااا أن يلغى جلب الأجانب ... واسأل نفسك يا ياسر من يقوم بمهمة الدفاع في الهلال أليس ( سيفو ) ... من يقوم بمهة دينمو الفريق أليس ( سيسه ) .. من سجّل للهلال هذا الموسم 18 هدفا أليس ( تراوري ) .... كيف سيكون حال الهلال بدونهم ؟!!!
هل يعجبك أن يقوم بمهمة الدفاع عن ألوان فريقك لاعبين أمثال ( النزهان والغامدي وعزيز والمفرج وحسين العلي وحارسهم المتألق بندر الماس ) ؟!!

النصر هذا الموسم لم يستفد من الأجانب .. ومهاجمه الشاب عبدالرحمن البيشي ينافس على لقب الهداف .. وأغلب لاعبيه من شباب النادي ( تميم .. سعد الحارثي .. محمد شريفي ... وغيرهم ) !!

==================

أما الأخ الغالي .. الغريب ..

إذا كان هناك عقاب شرعي لأحد فإنه بلاشك سيكون لإداري فريق الهلال .. ( فهد المغيربي ) والذي تلفظ على الحكم عمر المهنا بألفاظ خارجة عن الروح الرياضية التي تزعم أن الهلال يتصف بها ..
والغريب أن رئيس نادي الهلال خلال الأسبوع الماضي إلى تاريخ كتابة هذا الرد وهو يصرّح في كل مكان بأنه ظلم من الأمانة العامة ..( حتى قبل مباراة الشباب ويتعذر بغياب لاعبين من الهلال مع المنتخب .. مع إنهم ثلاثة ولا أفلحوا قدام الأهلي :( )
والأغرب هو نادي الهلال عاقب فهد المغيربي لتلفظه على عمر المهنا في الملعب .. ورئيس النادي يتهجم عليه في الصحف ( المباراة لم يحضرها إلا 200 مشجع نصفهم يعملون في استاد الأمير فيصل بن فهد .. أما الصحف يقرؤها الملايين ........ عجبي ) ..
تقول أخي الغريب أن الهلال عندما يهزم يكون النقاش حول مستوى لاعبيه .. وها هو يهزم أمام الشباب .. ويكون كل النقاش حول الحكم وظلمه وتعمده لهزيمة الهلال .. فمن برأيك يستحق العقاب ؟!!

يقول أحد الصحفيين ردا على رئيس الهلال على تعذره بنقص فريق الهلال في مباراة الشباب .. (( إذا كان رئيس الهلال يتحتج بنقص فريق الهلال .. فإن الأكيد أن هناك نقص .. ولكن ليس في غياب اللاعبين ... ولكن النقص في مكان آآآآآآخر )

رئيس الهلال يقول .. أن من يتكلم كثيراااااا يحصل على حقه ( مثل رئيس النصر ورئيس الشباب ) ..وقد قال قبل شهرين _ على حسب ما اذكر _ ( كن قليل أدب وتحصل على حقك ) !!!!!!!!!!!!!!!
هل هذا كلام رئيس مثالي كعبدالله بن مساعد ؟!!

تحياتي لك أخي الغريب ... وأتمنى ألا تناقشني عن حكم مباراة الهلال والشباب لأنك لا تحب أن ترمي بهزائم الهلال على الحكام على حد قولك :p

على البطولات نلتقي

سهم المنايا

[البرنس23]

مشكور اخوي الغريب على طرح الموضوع

اخوي الغالي ( الغريب) التحكيم برئ من خسائر النصر وخسائر النصر ناتجة من

الأدارة الرائعة بقيادة الكابتن ( عبدالرحمن بن سعود ) وفرض فرضاً ولو انه

مستحيل التحقق لو دخل نادي النصر المربع الذهبي وأتو بحكام اجانب لقيادة

مباراة النصر طرفاً فيها وانهزم النصر يا ترى مالذي سيحدث 000000 ؟؟؟؟؟؟

اتمنى من الرئاسة العامة لرعاية الشباب ونداء إلى امير الرياضة والشباب

بطلب اتمنى تحقيقه وهو ( دمج نادي النصر العالمي بنادي السد من نعجان )

ويسمى نادي ( الأطلال )

[عـادل التميمي]

سهم المنايا مع التحية


أول أعلم أخي العزيز بأن الجمهور الهلالي والإدارة الهلالية ترفض ما قام به المغيربي

ونحن لم نشجع علية أو ( نقول الحكم يستاهل )

فقط لتذكير ( تمت محاسبة المغيربي من الإدارة الهلالية مباشرة )

يعني ؟!!:تصفير:

وإذا أردت أن نتكلم عن الصحف أتمنى أن يكون في موضوع مستقل

لأني أذكر جيداً ( قضية السحر ونادي القادسية وبطلها عبدالرحمن بن سعود التي بقدرة قادر إختفت )

ومفهوم أختفت أي لم أجد جديد أو نهاية لتلك القضية

فالإداري القدساوي لا يزال في مكانة ورئيس النصر على حطة يدك

يعني ؟؟!!

أخوي سهم المنايا لماذا تنتظر مني دئماً طرح المواضيع التي تخص الهلال ؟

لا أدري ولكن صدقني إذا أي عضو طرح موضوع يخص الهلال فستجد مشاركة مني

وصدقني لن أطرح ما يخص الهلال لكي لا أقلل من أخطاء هذا النادي .

بالنسبة لموضوع ماجد عبدالله

بصراحة أول ما شفت كلمة نجوم النصر

طلع ماجد بوجهي ( الله يذكرة بالخير ياما سحب بالحراس ) اية حتى السلومي ما ينسى

ألحين أنتم فرحانين بالبيشي ( وأنا معكم لاعب رائع ) ولكن هل أكتفى جمهور النصر بهذا الاعب فقط ؟

بندر تميم ( لاعب صاحب تسحيب فقط ) وإذا إنحجر ((مزع)) الكورة في أي مكان .

يعني وش ملفت إنتباهك في تميم غير التسحيب ؟

---------------

نرجع للهلال والتحكيم

سهم أنت شفت المباراة ؟ ( الهلال والشباب )

مب كأن الكورة لزقت في يد مدافع الشباب ؟

يمكن ثابتة :تصفير:

أما سالفة التصريحات فصدقني لن تجد أحد يستطيع مجارات ((الرمز ))

من ناحية الألفاظ أو التهجم وبيني وبينك اللقاءات

على فكرة مسمى الزعيق من صرح به :تصفير: :تصفير:

----------


تحياتي لك

أخوك الغريب