المحطة الثانية : مونار
بدأنا رحلتنا من الصباح .. كانت المسافة - حسب ذاكرتي القوية - 4 ساعات
الطريق لحالو كان سياحة .. طبيعة ساحرة وشلالات تقابلنا طول الطريق
وقفنا عند حديقة البهارات .. كانت في الطريق .. واستقبلنا مرشد يتكلم العربية بطريقة عجيبة
وبدأ يورينا أشجار البهارات وأسماءها بالعربي وبالهندي وفوائدها وخصائصها
من كل الكلام دا ماني فاكرة غير شجرة الهيل :)
وسبحان الله .. هيا الشجرة الوحيدة اللي تثمر من أسفلها .. شوفوا الصورة :
وهادي أشجار ونباتات والله ماني فاكرة حقت ايش .. بس ما حبيت أطنشها وما اوريكم هيا ..
وردة القلب ( المرشد الهندي ينطقها بطريقة استثنائية خخخخ )
ودا فرع موز طايح في الأرض .. من كتر الموز عندهم حتى القرود ما همهم :)
ودا بهار ينبت في الموية
وأشرلنا على حاجة غريبة .. قال هادا برج هق نمل .. ايش هادا برج بيزا برج ايفل إيفل .. هادا ولا شي قدام برج نمل .. هادا برج هقيقي ..
انا بكل ثقة اصححلو ( قصدك بيت نحل ) .. قال لااااأ .. هادا بيت هق نمل مو نهل ..
قلت سبحان الله .. فعلا شي يدعو للتأمل ..
وأخيرا .. الشي الهندي الخطير دا
يقول هادا اكتر الفلافل حرارة في العالم .. يقول هنا في كيرلا الرجال ما يزعلوا حريمهم .. لأنو الحرمة لو زعلت تحطلو الفلفل دا في الأكل .. فتطلع الحرارة من عينو وأدانيه
وشفنا فاكهة اسمها ( جاك فروت ) .. ملياااان منها في كيرلا .. وشكل الثمرة غريب سبحان الله
وأخيرا خرجنا من الحديقة .. ومسكنا خط مونار ..شفنا شلالات كتيييرة .. بس مالحقت اصور منها الا كم شلال بس
ولما قربنا من مونار بدأت تظهر أمامنا مساحات خضراء شاسعة .. من مزارع الشاي .. وكان منظرها يأسر الألباب مع الضباب والجو البارد ..
الشاطر يطلعلي ديمة من الصورة دي :)
واستمرينا في رحلتنا .. وقابلتنا مناظر لا توصف .. حاولت قد ما أقدر ابين جمالها في الصور .. بس فشلت فشل ذريع ..
وأخيييرا وصلنا مونار .. بلدة صغيرة تقع على رأس جبل .. بيوتها صغيرة وشوارعها ضيقة ووعرة .. تتحكم فيها طبيعتها الجبلية .. والجو فيها بااااارد .. والخضرة في كل مكان
اتجاوزناها ومشينا كمان 20 كيلو تقريبا للمنتجع .. وهنا قصة لا تنسى
لما نظملنا المكتب الرحلة اخترلنا منتجع في مونار اسمو بلاك بيري .. ما عجبني ودخلت النت لموقع فنادق ولقيت منتجع صورو تجنن .. قلت الا نغير .. قلّنا صاحب المكتب ( محمد ) ترا المنتجع دا حتى الهنود ما يستأجروا فيه .. قلنا شكلو يقول كدا لأنو مو متعامل معاه .. ولما رحنا .. كانت الكارثة .. مدري كيف مصنف 4 نجوم وهوا ما يستاهل نجمتين .. وبابا عصب .. وانا شوية واسوي زي النعامة وأخبي راسي في التراب .. أهلي تعبانين من الطريق .. وكنا نستنى متى نوصل عشان نرتاح .. طلع مكان مو للراحة أبدا .. الحسنة الوحيدة فيه إطلالتو الرائعة ..
وهادي الإطلالة من البلكونة .. هدت الأعصاب شوية :)
على اليمين بحيرة وضباب
وعلى اليسار مزارع شاي
وكلم بابا محمد .. على طول قال ( هادا اختياركم ) .. قلو بابا عارف وانا مستعد اتحمل الفرق بس شفلنا مكان تاني .. وما قصر لقيلنا غرفتين في فندق وسط مونار .. ونمنا على أمل نطلع من هنا اليوم التاني ..
وفعلا في الصباح حركنا واحنا خارجين لقيت الوردات الحلوة دي وصورتها
ورد وشوك
مراحل تفتح وردة
وقررنا اننا نروح نكمل برنامج رحلتنا وبعدين نروح الفندق .. وكان مخطط الرحلة عبارة عن ركوب الفيلة وزيارة لبحيرة كبيرة .. وبحيرة الصدى .. وانطلقنا
قابلنا في الطريق مزارعين يحصدوا الشاي
ورحنا للفيلة .. من فرحتي بشوفتهم نسيت اصور
وركبت الفيل .. وكانت تجربة قاسية جدا .. مستحيييييل اكررها .. وزادت قناعتي بالشي دا بعد ما شفت صوري وانا ع الفيل ..
المهم .. كملنا طريقنا للبحيرة الاولى .. وما كنا نقدر نشوفها الا من فوق السد .. اللي كان مليان أكشاك شعبية تبيع اشياء بسيطة وشعبية وحلوة بأسعار معقولة جدا
وجربنا حاجة حلوة .. أكلنا نودلز في عرض الطريق
وهادي صور البحيرة
وودعنا البحيرة دي إلى بحيرة الصدى .. يوقفوا الناس عندها ويصيحوا ويرجع صداهم واااااضح بعد فترة .. عشان كدا سموها بحيرة الصدى .. وجلست ديمة تكلم صدى صوتها هناك .. واجتمعوا الماء والخضرة والوجه الحسن
وبكدا انتهى برنامج اليوم .. بس واحنا راجعين الفندق .. قابلنا حدث نادر .. لدرجة الهنود نفسهم متجمعين يصوروا .. وهو اقتراب فيلة برية من اسوار الطريق .. وكانت قريبة جدا وواضحة ونزل ( سونين ) قبلنا عشان يصور
ورجعنا الفندق واحنا تعبانين ومبسوطين في نفس الوقت .. كان فندق متواضع لكن احسن من المنتجع الاول بمية مرة ..
وإطلالتو كمان كانت حلوة
وخلص اليوم التاني في مونار
وبقيلنا فيها كمان يوم .. أكملو في الحلقة القادمة ان شاءالله .. لأنو ظهري وأصابيعي اتكسرت :)
اتمنى تعجبكم الصور
إلى اللقاااااء
التعديل الأخير تم بواسطة ( وجـه القمر ) ; 04-08-2011 الساعة 05:19 AM
ليتني مثلك
أرمي الدنيا ورى ظهري
وابتسم
سبحان مبدعها.. رااائعه تباركـ الله..
تسلمـ يدّكـ يا عسل..
تقرير جميل ولقطات رااائعه..
بانتظار الحلقه القادمه : )
يعطيكـ العافية..
تحيتيـ
هلا بك وجه القمر
وفايف ستار لك وللموضوع
صراحة تقرير جميل جدا ورائع
تسلم يداتك على التصوير الطيب
ارق الاماني
حيااكم ربي على السناب شات
eq511
تويتر
79__@
اتشرف فيكم
ماشاء الله تبارك الله
مناظر جميله سبحان من ابدعها
ولقطات جميلة وتصوير رائع
الله يرزقنا جميعا جنات النعيم
حفظكم الله في حلكم وترحالكم
متابع لك يا قمر
وماشاء الله عليك
شكلك حللتي فلوس الرحلة
يا حليلنا ما نقول شي ولا نغير شي في البرنامج
وفوق هذا كثير من المناطق اللي زرتيها في منار ما زرناها
ياليت تفصلين موضوعك هذا بموضوع مستقل
لانها صور تستاهل تكون بموضوع لوحدها
(خريفك) مع (ربيعك) مع (شتاء قلبك) مع( حرّه)=( فصول العشق ) تاخذني كذا من ( زحمة الأيام )
لسانك لا سكت وإلا حـــكى ( لله يا درّه ) = سكوتك ( حكمة العاقل ) وهرجك ( قمة الأنغام )
[email protected]
www.aait.sa
www.mta.sa
0503444442
اللهم إن لنا أخوان وأخوات في هذا المنتدى
منهم من غاب عنا لأي سبب
ومنهم من هو غائب حاضر
ومنهم من هو مستمر حتى الآن
شاركونا بعلمهم .. وخبراتهم .. وتجاربهم
ناقشونا ونصحونا وعاتبونا
واسونا في أحزاننا وشاركونا أفراحنا
نتمنى لهم الخير والسعادة أينما كانوا
وندعو لهم بظهر الغيب أينما حلوا
اللهم احفظهم وأغفر لهم وأنزل عليهم رحماتك أحياءً وأمواتاً
متابعة يا قمري ومنبهرة
ولي عودة بأذن الله تعالى
هناك من يذكرني بالأمطار .......
حينما تتساقط دون الرعود والبروق
فيهم من يسقيك حد الإرتواء ....
ويكرموك بعطائهم فيبنون بداخلك
بذور الخير فتنضج تلك الثمار .....
ويتملكون القلوب .................
تصوير رااااائع
وبصراحة تحتار في مونار وش تصور ووش تخلي كل المناظر حلوة
يعطيك العافية وبانتظار بقية التقرير
إن كان ودّك تفهم الحب مضبوط
شف حالتي وشلون لا صرت غايب
ما غير أحط خطوط وأمسّح خطوط
في غيبتك ياما دفعت الضرايب
أبيك .. لو تحط لواصلك شروط
أهم شيء نكون دايم حبايب ..
ماشاء الله تبارك اللهواختار افضلها من جوالي >> نسيت الكاميرا معلقة على باب السيارة اللي وصلتني المطار
كل هذا النقاء والصفاء من جوالك
طيب ايش نوع جوالك <<= ناوي يشتري مثله
أجل لو مانسيتي كاميرتك كيف بتكون الصور ؟
بصراحة انتي فنانه في التصوير
وأحسن من المراسلين
ونقلتينا لقلب الحدث
وعيشتينا فيه
دخل جووووووووو مع الصور
<<<= يحس ان ملابسه تبللت من رذاذ الشلال
غرفة النوووم منظرها يجيب النووم غصب
بصراحة احترت وش اختار من صورك
وتركتها كلها لاني بظلمها
ينتظر التقرير الثالث بكل شغف
تسلمين على هيك تقرير متعوب عليه وممتاز
تحية عطرة
كيرلا
فاتنة الهند
جنة الله في الأرض
منطقة اللي يشوفها يكون شاف تلاتة ارباع جمال الطبيعة في العالم
لا تتمالك أمام جمالها الا انك تردد ( سبحان الله )
سبحان الله الخالق المصور العظيم
&& وجه القمر &&
كل الشكر والتقدير لك يارائعة على هذا التقرير الرائع والمفصل
تشوقنا كثيراً لرؤية هذه المناظر الخلابة والجو الخيالي
الحمد لله على سلامتكم
وبانتظار بقية التقرير والصور
لا حرمنا الله منك
~ ~ أم تركي ~ ~
الذين يشاهدون الموضوع الآن: 1 (0 من الأعضاء و 1 زائر)