[align=center][/align]♣خذني بحضنگـ ♣9
«»«»«»«»«»
؛،.» بيت أبو هيثـم «.،:
============
... جالس ومنزل راسه و هيثم واقف من الصدمه ابو نواف جنب ولد خاله"ابو هيثم" خايف عليه...
معتز حاط راسه على يدينه
بــدر جلس جنب ابو هيثم و حط يده على يده/عمي والله مازن برئ لاتخاف..
بضعف مسح دمعته/واثق فيه بس ياولدي عيال الحرام بيشهدون ضده...
بــدر/إذا عليهم قضايا و خريجين سجون بيقبلون شهادتهم!!
مسح دموعه بغترته وسكت...
هيثـم توه بدا يستوعب يوم شاف دموع ابوه/يبه مازن مايسويها وهو آخر واحد يفكر بفلوس حرام وبعدين ماله علاقه مع ناس غريبين معارفه الشباب والشله اللي انت تشوفهم عندنا وهالرجال الطيب...يبه لاتضيق صدرك بيطلع ان شاءالله وبنحط له محامي ومو اي محامي دام فيها شهود وادله فالموضوع كبير...
ابـوه بيأس/ياولدي لو ماشافوا عليه شي مامسكوه....
معتــز توه تذكر نقطه مهمه/على فكره ترا المسأول عن قضية مازن حامد...
حــاتم بفرح /حامد حامد ماغيره...ابو فيصل!!
معتــز/ايـه...
حاتـم/خلاص بكره بنشوف حامد وبنعرف منه الموضوع وبعدها بنعرف إذا محتاج محامي وإلا لا...
םםםםםםםםםםםםם
الـــمـركــز.....
.....الســلامـ عليكـمـ
الشرطي/وعليكمـ الـسلامـ
ابـو هيثمـ/نقدر نشوف الرائد حـامد...
الشـرطي/من اقول له؟
حاتمـ/اهل مـازن!
الشرطي/لحظـه...
ودخل يستاذن الرائـد وقاله يدخلهمـ....
طلـع لهم /تفضلـوا...
قام حامد لهم وسلم ثم ضيفهمـ /والله ودي شفتكم بظروف احسن بس هذي اراده ربك!!
ابو ثامر/يابوك مهوب مازن اللي تطلع منه العوجا...ولو بيهرب مخدرات كان سواها برا ماعنده لاحسيب ولا رقيب بس الله يحفظه مابعد ذاق هالسم ولا طب فمه...تبيه يضر عيال ديرته ربعه وعزوته!!
حاتـمـ/كيف موقفه يابو فيصـل؟
حامـد/بصراحه صعب وحساس جدا يبي له محامي ومحامي متمرس!!
معتـز/محد يصدق في مـازن...
حـامد/اتمنى والله يطلـعه منـها
هيثـمـ/طيب نقدر نشوفه..؟
حامـد/قبل تشوفونه إذا بتحطون له محامي ياليت هاليومين بالكثير عشان يدرس موقفه ويقدر يقنعه يتكلم لان الوقت ضيق بعد 9 ايام جلسته..
حاتـم/لو يبي ابو معاذ 10حطيناهمـ له!!
حامـد/و إذا تشوفونه انا ما عندي مانع بس هو رافض يشوفـكمـ!!
ابـو هيثم/زين بنشوفه لو بتوقيف!
دق لشرطي يطلع مازن للغرفه اللي جنب غرفة التوقيف...
جلسوا ينتظرونه ....
دخل مطمـن راسه ووقف عند الباب قام له هيثم بلهفه و ضمه وحب راسه/شلونك يالغاليـ
ارفع راسك ندري ماتسويها!!
شاف ابوه قدم وحب راسه و تشابكت عيونهم وطال النظر إلى ان نزل راسه...
ضمه ابوه ...وبكى بحضن ابوه/والله مالي علاقه معهم...
مسك كتفه عمه/محد قال غير كذا!!
صد له وحب راسه.
جاه خاله وحب خشمه...
وغمز له/ انا هنا!!
ابتسم من دون نفس
معتز/احـمـ احـمـ...
ضحك...
معتــز/بـدر يسلم عليك...
/الله يسلمكم شفته....
معتـز/قصدكـ شافنـا!!
ابتسم اكيد قالهم السالفه..
جلس جنب ابوه ومعتز ...
حاتـم بمرح/هاه قلنا السالـفه وان كان فيها ربح بكمل عنك لين تطلـع...
ابتســـم.../خاف يدخلونك معي بدل مانصير واحد نصير ثنين!
حاتـم/لاماعليك انا توني جديد على السـاحه مهوب عارفينـي على طول...
ابـوه /ماعليك من خالكـ قلنا وش صـار!
صد لابوه/ والله مدري طلعنا من صاله احمد بنصلي المغرب إلا هذا الملازم طاب علينا سلم وسأل عني قلت سم قال اركب معنا بلا دوشه انا من مباحث امن الدوله...وجينا هنا ودخلوني على حامد قال انه كذا وكذا وكذا يابن الحلال ماعرف شي من اللي تقول قال المتهم برئ الى ان تثبت ادانته ثم دخلوني التوقيف...
مسك يده بحنيه وظغط عليها/هد اعصابك ماصايـر إلى الخير!!
عـمه/حتى حامد ماقال لنا من شهوده و ادلته!!
حاتـم/ايه يقول سريه مايطلع عليها سوا المحامي...
صد لابوه/يعني بطول هنـا!
حط يده على كتف ولده علها تشيل من همه /لا ان شاء الله قريب بتنور البيت والشركه والدنيا كلها..بس الصبر يمدحونه!!
....الـسلامـ عليــكمـ
صدوا لصوت ووقفوا لضيوف/وعليكــمـ الســلامـ...
سلم على مازن وصافح البقيه/اعرفكمـ على ناصـر ابو متعب
محامي مازن..(ناصر صغير بسن عمره 32سنه خبرته 5سنوات نجاح فاق الوصف بدليل ببراءه موكله..عنده نوافذ خاصه وطرق سلسه)
حاتــم/كويس انك حصلت احد الرائد يقول مو من مصلحته يتأخر محاميه...
ابـو ثـامر/بس اتعابه وانا ابوك علينا...
بــدر/مايحتاج هو قريبي و اتعابنا فرحتنا بالمزيون لاطلع!!
وطلعوا بعد ماشرح لهم ناصر ابعاد القضيه...
دخل الشرطي و عطاه اوراق مصوره من ملف مازن...
جلس قدامه وبدأ الحوار/انا ولد خاله بدر اطلعت على ملفك عند الرائد حامد وبصراحه موقفك ضعيف ويؤسفني اقول ضعيف جدآ...بس ارم همك وراك و ساعدني والباقي خله علي والله يقدرني واثبت برائتك...
تنهـد/الـله يكتب اللي فيه الخير..
/آمـين بس لازم تحكي لي سالفتك من بدايتها الى الحين شوف انا سمعت من حامد وبدر بس اكيد منك غيـر وابغى ملامسات الموضوع وابعاده والاهم ماتخبي عني شي مهما شفته بسيط...
بضعف/وش اقول ماعرف احد قسم بالله مالي علاقه "طمن راسه"وش اقولك وانا مالي علاقه بالقضيه...
ابـو متعبـ/طيب بسألك وجاوب بمنتهى الدقه والصراحه
رفـع راسه/تفضــــل..
ابـو متعبـ/سيارتك من معطيها من شهر؟
مـازن يتذكـر/واحد من الربع عنده مشوار لجده...
ابـو متعبـ/وش اسمه؟
مـازن/نايف الراشد.
ابـو متعبـ/تثق فيه؟
مـازن/اكيد.
ابـو متعبـ/من ربعك؟
مـازن/لا مو من المقربين بس بعد اعرفه واستحيت اقول له لا!
ابـو متعبـ/مافكرت اش معنى انت؟
مـازن/لا عادي...
ابـو متعبـ/طولت سفرته؟
مـازن/لا اممم 3ايــام.
ابـو متعبـ/تعرف وين ساكن؟
مـازن/هنا في الرياض بس بيته بالظبط لا ماعرفه..
ابـو متعبـ/بينك وبينه شي؟
مـازن/مثل ايش؟
ابـو متعبـ/يعني خلاف تهاوشتوا من قبل!
مـازن/لا...."بتركيز"اسألتك تخوفني!
ابـو متعبـ/لاتخاف جمد قلبك بتسمع كلام يوقف قلبك بس...
مـازن بخوف/ابو متعب وش صاير!!
رجع و سند ظهره/مستعد تسمع....
هز راسـه بأيه...
/هذا ياطويل العمر ماخذ سيارتك ناقل فيها بضاعه لجده...بس تركوه عشان يراقبون من وراه واول شي اكتشفوه ان السياره سيارتك و لو مابينكم علاقه ماعطيته سيارتك و استنتجوا انك معهم لكذا راقبوك !!
/طيب اشمعنى سيارتي!
/عشان كذا سألتك عن نوع علاقتك فيه...
/فعلا مابيني وبيه شي..
/طيب بندخل بموضوع ثاني!! مراقبتـكـ
/هذي هي !!
/تعرف احـمد العزيـزي...
بتردد/ايــه.
/اشلون تعرفه؟
/ابد اعرفه من 5سنوات قبل لا اسافر ادرس!
/لك علاقه خاصه معه؟
/لا عرفته عن طريق شباب الجامعه.
بتعجب/هو دارس معكم برا!!
/لا انا درست هنا سنتين ثم سافرت برا وعرفته هنا...
/اها...طيب تطلع معه تروح معه؟
بتردد/لا
/وش تعطي مسمى لعلاقتكم؟
/زميــــل!
بدهشه/بــس!!
/ايه.
بشك/كذا ماراح نشتغل ...و ماأقدر اساعـدكـ...
بتعجب/ليــه!!
/انت تخبي الحقيقه و مصادرهم وتقول انك ماتعرفه لكن الاوراق اللي عندي تقول لكم علاقه وطيده معه وانك تخفي سر...
/من حنا؟
/انت ومعتز..
نزل راسـه...
/لازم تتكلم..
/وإذا قلتلكـ موضـوع خاص!!
/قلتلك من البدايه خلك صريح ولا تغبي عني شي كل اللي يخصك يهمني ولازم اعرفه...
تنـهد بتعبـ ....
شافه خلاص مايقدر يكمل معه/خلاص اليوم يكفي اسأله بمرك بكره الصباح بس اتمنى تفكر في مصلحتك تراهم رموك داخل وظلوا برا اعترف وخل القانون ياخذ مجراه!! سلم وطلع...
طلع وتركه بحيرته ودوامه ماترحم زفر بتعب خلاص بينكشف سر بيت لـ5 سنوات معقوله بينكشف سرهم وهم اللي تعاهدوا يبقى سر إلى ماشاء الله!!!
________________ff0000... جالس بمكتبه بتعب حاس بضيقه بصدره وهموم الدنيا على راسه.. وعنده اخوه و حاتم لان ابو متعب داق لهم يبغى يشوفهم...
حـاتمـ/هونها وتهون يابو هيثمـ
/اخاف اضعف واقول لأمه اليوم سألتني عنه قلت عند صاحبه قالت مو عادته لابغى ينام عند احد يخبر اخوه وإلا خواته... !!
حاتمـ/مايحتاج تقولها انتبـه
و بعديـن المحامي حرصنا على السريه..
/خايف تصر علي!
حاتمـ/قلها سافر لجده شغل مع واحد من الشركه ولو شفناها ماصدقت بنقول للمحامي يجيب اذن يكلمها!
ابـو ثامـر/بيوافق....
قطع كلامه دخول السكرتيره
/السلام عليكم استاز برا واحد بدوه يشوفك!!
وقـفــوا
ابـوهيثـم/خليه يتفضل...
... دخل ابو متعب وسلم و جلسوا طمنهم على مازن...
حاتـمـ/شفتـه اليوم؟
ابو متعب/لابشوفه العصر...بس ابغى اتكلم مع معتز شوي!
وصـل معتز سلـمـ وجلس/اسفين على التأخير!!
طمني على مازن وشلونه..
ابو متعب/بخـير بس ودي اتكـلمـ معك....
معتـز/معي انا!! تفضـل...
ابو مـتعبـ/إذا ماعندكـ مانع...
معتـز/ افا عليكـ
ابو مـتعبـ/تحب نتكلمـ هنا..
معتـز/على راحتـكـ
ابو مـتعبـ/زيـن.... تعرف مصعب الحمد ؟
معتـز بتفكير/مصـعب الحمد مصعبـ... ايه اعرفه!
ابو مـتعبـ/من ويـن تعرفه؟
معتـز/من ربع مازن!!
بدهشه/من ربع مازنـ؟
/ايه
بتفكير/انت متـأكد؟
/ايـه...بس ليـه؟
غير طريقه سؤاله عشان يتأكد من اللي سمعه/يعنـي و شلون من ربعه صديقه مثلا؟
/لامو صديقه انا عرفتـه عن طريق مازن ومازن عرفـه من الشباب!
/............."يفكر"
ابو معتز بتسائل/هذا مروج وانا ابوكـ؟
معتـز /لا...
ابو مـتعبـ سأل بهدؤ عشان يشوف إذا صدمته بتكون مثل صدمه مازن/واحـمد العزيزي صديقكم ؟
تـغير شكله بعد ماسمع الاسم وقف/لا...اقصد عادي!
/كيف عادي؟
/اقصد معرفـه عن طريق الربع..
/وش بينكمـ وبينه؟
بأصرار صد/ ولاشي
/ وش نوع علاقتك فيه انت ومازن؟
بطفش/علاقـه عاديه!
...ياالله انا مشغول ...
و مشــى...
"اشكـ ان مازن يهمك"
مارد بس قبل لايطلع صد له/جوابك عند مازنـ إذا يبغى بيسـاعدك هو !!..
حاتـم يكلم ابو ثامر/ وش فيه!
ابو ثامر بتعجب/علمي علمك..
ابو مـتعب/عندهم سر محد راضي يقول عنه مازن انعفس امس ووقف اجوبه و الحين معتز طلع !!انا متأكد ان اللي مغبينه هو اللي بيكشف الناس اللي ورطوه بس محد راضي يتكلم...
بعد الضيـافه...استـاذن وطلع بيمر مازن.....________________
::: بعــد يـوميــن :::
... جالس بمكتبه يفكر بسالفه احمـد ...صح هم اتفقوا الموضوع يظل سر بس
ربي عارف نيتهم ...لازم اتكلم برائتك في انفضاح سرنا انا اسف يامازن مستحيل اتنازل عن برائتك حتى لو دخلت السجن بدالك... حتى فهد ايد كلامي ....دق لابو متعب والصدفه الحلوه حصله عند عمه بمكتبه وراح لهم....
الـسـلامـ عليـــكمـ
الكل/وعليكمـ السـلامـ
صافح ابو متعب وجلس جنبه...
بابتسامه/بشر عن المزيون؟
ابومتـعبـ/المزيـون اخباره عندك!!
بابتسامه/وانا جاهز وش تبغـى تعرف؟
/سركمـ!!
/اي سر؟
/معتز انا سألت مازن جاوب بنفس ردكـ لازم احد يتكلم!
/......انا بـتكلم! بس عندي شرط؟
/وشـهو...
/ماابغاكـ تسأل مازن عن هالسالفه مره ثانيه واللي تبيه بهالخصوص انا تحت امرك..
/تمـ
/تفضـل...
/تعرف من وشهو ماتـ احمد؟
معتــز/عنـده سرطان بالرئه..
/من ايش؟
/عنده سرطانـ ...
/عنده تأكل في رئته اليمنى لكذا مات
بصدمه/يعنـي ماكان عنده سرطان!
/ إلا بس بسبب المخدرات مو مثل ماعرف الكل من دون سبـب...
طمـن راسه بغيظ كيف قدر يخدعهمـ تحسب عند ربـه اللي سووه ومع هذا ماراح يقول لفهد ولا مازن اللي اكتشفه كيف يقول سرطان وامانتكم اهلي وهو مدمن كيف مابين عليه ويمكن بين بس كنا على نياتنا والله لو مو اهلك الطيبين لترك وصيتك تولي...استغفر الله بس!!
/هاه بتقول؟
صد لابوه وعمه وخاله ثم صد للمحامي تنهد وقام يمشي وقف قبال الجدار الزجاجي المطل على ساحه الشركه والمواقف والشوارع وصد لهم/نعرفه من الربع يوم كان مازن يدرس هنا وتوطدت علاقتنا فيه بعد ماسمعنا بمرضه وصانا على امه و زوجته وولـده الوحيد سعود..قال ان امه كبيره بسن وهو اللي يصرف عليهم...بس...
/كـمل
/بس اكتشفت توي انه خدعنا قال سرطان وامانتكمـ اهلي بس يطلع مدمن ماشكينا اصلا...
قام ووقف جنبه يطالعون العالم برا/كـمل!!
/وش اقول!!
/ولد مازن و زياراتكمـ له وهو برا!!
صد له منصدم ثم ضحك/ولـد مازن هههه...
انقبض قلب ابو هيثم..
/ايـه..
كمل /بعديـن صرنا نزورهم و......
قاطعه عمه/اول هو ولد مازن!
معتــز/اسمعنـي للأخير ولو مو قادر تصبر تطمن مهوب ولد مازن..
بثقه/اجـل ولدك انت.
/ولا ولدي قلتلكـ ولداحمد بس متعود يقول لاي احد فينا بابا...
/و بعديـن
/ابد صرنا نزورهم من فتره لفتره نجيب لهم اغراض ونعطيهمـ المقسوم...
/من معكمـ؟
/بس انا ومازن..
وصـد عنه!!
/بـس؟
/معنا واحـد صاحبنا...بس مقدر اقولك من!
/مو مهم لان ماورد بملف مازن اسم احد غيركمـ ومافيه مانع لو تقول اسمه...
/فهـد.
/طيب تطولـون عندهم؟
/لا اصلآ بعمرنا مادخلنـا بيتهم و علاقتنا مع امه تطلع وتسلم وتسأل وسعود ناخذه احيانا معنا..وزوجته بعمرنا ماشفناها حتى فهد سأل عنها بس ام احمد ماعجبها اسؤال وقالت ماتبي تتكلم عن الموضوع عشان ماتخسرنا...
/بس الكلام عندي غير!
صد له بتعجب/مافهـمت..
/عندي بالملف علاقتكم مشبوهـه مع زوجته عشان كذا توقعت الولد لكم!!
بصدمه/لا والله مانعرفـها ولابعمرنا شفناها...
/بس فيه شهود.
بخوف/شـهود....من؟
/خاف مايعجبك الكلام اللي بقوله وتعصب نفس مازن امس..
/لا قـول.
/مصعب الحمد ومتعب الخالد ونايف الراشد....
معتــز/..............سكت الاسما قويه تقدر تضرهم وتدمر مستقبلهم
/وش فيك؟
جلـس على اقرب كرسي ليـه كذا وش ضريناهم فيه ليه هالحقد والتبلي ...رفع راسه بقهر/يكذبون.
/ابغى دليل مادي مابغى كلام...
بعصبيه/ومـن وين اجيب دليل!
"لحــظــه صــمــــت"
/...............
انفجر فجأه/مازن درى عنهم!
/لا مازن عصب يوم سألته عن احمد وقصته...وماقلت له شي بهالخصوص
/شوف بقولكـ السالفه ماكنا نبغى نكشفها بس مشيئه الله اكبر..هذي العائله تكفلنا بهم ومسؤلين عن احتياجتهم في السر بس والله العظيم مالنا علاقه الامع الولد وجدته مثل ماقلت لك..دامها خاربه خاربه مصعب الحمد له صاحب اسمه عبد الرحمن كانوا يعرفون احمد قبل لايموت لهم دين عنده وتنازلوا عنه على اساس احمد وافق يعطيهم زوجته ليله بلحظه ضعف منه بس يوم صحى سحب عليهم وحاولوا يشوهون سمعته و مافاد بعدين صار له حادث واتضح انه بفعل فاعل وتنازل احمد عن المحضر لانه متأكد انه منهم..وقبل لايموت كان تعبان ودخل المستشفى ومره زرناه انا ومازن وفهد دخل مصعب معه عبدالرحمن وقالوا انهم بياخذونها غصب ويسوون اللي يبون وثار احمد عليهم وعصب وقام يهاوش طبعا حنا مافهمنا شي بس بعد مامشى قال احمد سالفتهم معه و وصانا على اهله ........ تذكر شي وطمن وحط يدينه على راسه وبكى....
قام خاله وجلس جنبه/وش فيك؟
تذكر نقطه مهمه احمد قبل لايموت قال لا تحاولون تفتشون في ماضيي بتلاقون شي تتندمون بعده على معرفتي و انا تبت.....
/وش فيك معتز؟
مسـح دموعه/لابس تذكرته كان طيب بس المخدرات لعبت براسـه!!
/عشان كذا تبلا على مازن!
/لا هـو حذر مازن يبعد عنهم لانهم راسمين على خطف زوجة احمد بس مازن رفض لانه قال انا وعدته قبل لايموت وما اتخلى عنهم لو على قطع رقبتي و بلغ ودروا عنه و يمكن عشان كذا انتقموا....
ابومتـعبـ/..............
حضنـه خالـه بس فجأه طمن عليه عمه ابو هيثم وحب راسه ...
/بعدي والله ماضيعتوا تعب السنين فيكم ...
/بيض الله وجيهكم ...
حاتـمـ/هاه ابو متعب تبغى دليل غير هذا...
ابتسم/لاهذا بيطلعه براءه ان شاءالله
طالع معتز/بس ابغى اشوفك انت وفهد صاحبك في مكتبي اليوم يصيـــر..
/إلا يصـير ونص...
/ياالله بروح لمازن ابغى اشوفه و اسأل الرائد حامد عن شغلات....
طلع ....وضم حاتم معتــز وقام يبوسه /ليـه يالئيم ماقلت لي وإلا حارمني الاجر...
ضحك/حنا فيـها يدك و ماتعطي!!
حاتـم/بس اجـل يـوم يطلع مزون بالسلامه نـروح لـهم...
بفرح/صــار.....
¶ ¶¶ ¶¶ ¶¶ ¶¶ ¶¶ ¶
؛،.» بيت أبو هيثـم «.،:
الصــالــــــه..
============
... جالسه في الصاله مع امها و ريناد و بشاير...
ميهـاف/يمه مازن بيطول بجده!
امــها/يقول ابوك على حسب شغله متى ماخلص بيجي..
بشايــر/عسى مايطول..
امــها/ليه تبين شي؟
بشــاير/ايه ابغى السوق.
رينــاد/قولي لهيثم...
بشايــر/لا هيثم لا...بروح مع السواق!
امــها/سواق لا لو مازن هنا وسمعك قص لسانك!
بشايــر/اصلا لو كان هنا ماكنت بروح مع السوق...
رينــاد /حرام عليك ..
ميهــاف تكلم ريناد/اسكتي بس ...كبر راسها على ابو تركي!
بشايــر/ههه يالبى قلبه بس مازن اكشخ يحاسب ويشيل اغراضي ولو اشتري السوق بكبره حاسب ماناقشني...
امــها/يالوم عينه...يبغى السلامه لو قال لا كليتيه...
بشايــر/ياحبي له ...على الاقل آخذ راحتي معه!!
امــها/مدري عنكم بس السواق لا...
و قامت للمطبخ وكملوا البنات السوالف
دخل ابوهم وهيثـم/الـسلامـ عليــكمـ
ردوا السلام وجلسوا...
ميهــاف/اقول يبه بيطول المزيون؟
ابــوها/لا ان شاءالله قريب...
غمز لها وطلع دقايق و لحقته ...
... دخلت عنده شافته منسدح جنب تركي ...ومعطيها ظهره جلست وراه وسحبت يده من وجه تركي لايصحيه قومته بشاير وتغلق وتوه نايم...
صد لها بمكر/من يلعب معي اجل!
ضحكت/العصر بيقوم والعب معه...
هيثــم/لا الحيــن ماعلي...
تصرفه/ بعد الغدا بلعب معك
هيثــم بأصرار/ الحين!!
ضحكت....ومسك يدها لاتضحكين الرجال مايحب مرته تضحك!
بسخريه/ولــيه..ههههههه
قامت عنه تعرف وش يبي بس سحبها ................
םסם
סםסםס
םסםסםסם
... مر ت 10 ايــام على مازن كانت من اصعب اللحظات رغم التوصيات عليه من اكل ولبس حتى فراش جديد وراحه على الآخر وكلم امه مرتين ...
وبجلسته الاولى "امس" استدعى ابو متعب مصعب و نايف وعبدالرحمن واستجوبهم قدام القضاء وسمع اقوالهم...و انتهت بعد ماامر بحجزهم في سجن انفرادي إلى وقت الجلســه الثانيه بعد اسبــوع.....
°°°°°°°°°°°°°°°°°°°
::: حـــــدث لم يكن بالحسبان ينتظر الإفصــاح عنه لصاحبــة الشـــــأن :::
).. خـطبـــه ريــمـاس ..(
ماقدر يبت بالموضوع مو لان الراي لها لا لان عنده مازن و مشكلته لكذا قال لهم يأجلون الموضوع لبعد اسبوعين لان عندهم ظروف...بس مامنع يسأل عنه!
(اسمه محمد دكتور عمره 30 سنه ابوه متوفي جا معه اخوه الكبير وعمه يخطبون له عندهم خير واملاك)
بلغها انصدمت وبكت عنده و رفضت بشده...حاول يقنعها لانه يعرفها رفضت بسبب مازنها ...
مسحت دموعها/بس ياخالي ماعرفه ماعرف شخصيته اسلوبه تعامله أخلاقه والاهم هيئته!!
حـاتمـ حاول يقنعها ثم قالها تستخيـر... وإذا ماتبيه عشان تنتظر مازن فشـكله لعابـ ....
بكت ماترضى عليه تعرفه يموت عليها بس وش هالحاجز اللي اعاقه...
... بكت بحزن تندمت لو ردت عليه بوقتها كان احسن كبريائها مانفعها وضيع حبها...
دقت له حصلت جواله مغلق مثل العاده آآآآه يامازن من ارسلت رسالتك الاخيره اللي منها حسيت انك فقدت الامل فيني... دايم احصل جوالك مغلق او ماترد علي بالذات الحين لي فتره ادق ولاقي جوالك مغلق لايكون بس خطبت او الغيت رقمك بسبب ازعاجي...ليـه حبكـ وينه؟ مشاعرك ليه خانتنـي؟ ليـه تنازلت عن عنـودك ياصادق الوعد!! .......
طلعت فوق نفسها مكسوره وثقتها مهزوزه ومشاعرها انجرحت وحبها انطعن بالصميم
رمت نفسها على السرير فراق ابوها احزنها بس مو مثل حزنها على مازن... مازن كان المتنفس لها بعد ابوها كانت عاقده عليه احلام وطموحات بس بعده لاحياة ....
::: بــعد ساعــه :::
...دخلت وجلست جنبها وضمتها بكت على صدرها....
/ماابيــه ماابيــه!!
هنــد/ياقلبي مو شرط تحبينه قبل الزواج انا خذيت خالك و ماكان يعني لي سوا ولدخاله فقط!! بس مع العشره عرفته و حبيته وصار كل شي لي ...
/بس ماعرفه انتي على الاقل قريبك!
/ولو...كان انسان غامض بالنسبه لي.
/طيب وينه مازن انا موافقه عليه من الحين ... شاطرين يلمحون لي بس يوم صار الموضوع جد محد قاله يمكن يبيني...
ضاق صدرها ياعمري ياليتكـ تدرين انك سببـ طيحته وتعبه وانه رفضك قدام الكل.../محد ياخذ الا نصيبه!
/........
دخلت سمر كانت تحت تتهرب من مواجهتها بعد ماكلمها خالها ماتحب تشوفها ضعيفه وفوق هذا كاسره خاطرها لانها السبب في ترك مازن لها تحس بالذنب عشانها خذت سجادتها وصلت وبعد الصلاه قامت وجلست جنبها بعد ماطلعت هند
شافتها منزله راسها ودموعها مغرقه وجهها
/قلبي ادري صعب اللي صار بس عمري ماشفتك ضعيفه..اسمعيني استخيري بس بعد ما تشيلينه من راسك لانك ماراح تهدين وتفكرين كويس الا بعد ماتشيلنه ...يمكن يحبك بس ظروفه كانت صعبه بدليل انه انحرج منك ويقفل جواله وهذا شي حلو لك...ويمكن كان مرسل كاتأديه واجب بدليل من بعدها خذا فتره و ماعاد يسأل لكذا اختصر و قطع عليك خط العوده و غير جواله....فا في الوضعين صار ماضي وانسيه!!
صدت تحاول تكون قويه بس هي في الاصل ضعيفه مالها مع هالقلب لاحيل ولا قوه!!
============33ff00
انسـيه يابنتـ عمتي حنا بالسعوديـه تحكمنا عادات وتقاليـد و يمكن خالي تعـاطف مع قصتك بس لاصار الموضوع جد اكيد يعرف مصلحتك لانه متأكد اللي يحركك قلبك وعواطفك وملغيه نهائيا دور عقلك!!..الاهم من هذا كله ماتعرفين عنه سوا اسمه شخصيته لاكن هذا مو كافي انتي ماتعرفين اهله ولا كيف عايش يمكن مو من مستواك وراتبه على قد حاله و خاف اهله يطلعون مش ولا بد و بتبدأ الفوارق بينكم ثم الاختلفات وقتها بيرمي حبك على جنب!! احسبيها صح ياعمري انتي تصرفين بالشهر ثروه ماتقدر في هدايا واسواق وعطورات ولبس ومكياج افرضي راتبه مايوصل4 الاف وش تسوي مع كهرب وفواتير واكل وشرب ولو كفت بعدين بيصير عندكم عيال بيصرف عليهم من فلوس امهم لاطبعا ماراح يرضى لان كرامته ماراح تسمح له بعدين بيكتشف انك وين وهو وين ومع الوقت بتبرد نار حبه وبيصير حبه حب تملك...اما هذا خطب مايعرفك جاي شاريك يبي مره تصونه وتداري بيته وعياله بعدين يبي الزواج نفسه وفوق هذا ولد عز وبنفس مستواك ماراح يطالع فلوسك بالعكس بيدفنك بخيره!!
/كلامك مقنع وواقعي بس انا ماأشوف إلا هو رسمت عليه احلام وآمال رسمت زواجناو حبنا وحياتنا وعيالنا و سميتهم!! بعدين اخاف هذا مايكون كويس او راعي بنات و سوالف بطاليه ...
/ليش تتوقعين كذا ...اقصد على اي اساس حكمتي عليه؟
تنهدت/مــدري بس مو مرتاحه!
/شوفي قومي استخيري بعدها لكل حادث حديث...
نزلت وتركتها تسبح في ذكرياته..خلاص كل واحد بيروح بطريقه بس ماصنت حبي مثل ماوعدتني ولا حافظت علي مثل ماقلت ...آآآه بس لو اعرف وش اللي خلاك تنسى وتتركني بوجه الريح وحيده...اصلا من عقب خطبتك بديت تنسحب عن حياتي بتدريج ماعدت تدق ثم و قفت رسايلك ثم ماترد علي إلى ان قطعت آخر شي بدليل لي اكثر من شهر مدري عنك شي و قفلت جوالك هذا إذا ماالغيته!! بس اذا عندك كرامه انا عندي عزه نفس وماالحق المقفي يامازن مليت من برودك من رجعت هنا وانت متغير مو مازن الاول دايم مشغول وكثير توعدني تدق وتطنش بس اوعدك اكون مثل ماتعرفني قويــه و ماتهزني ريح وانــت... روح الله يوفــقك معها ... وانـا لي اللـه.......
[*****="00008b ff6347 008000 ff1493"]
=========
םمـدري وش اللي في غرامه بلاني راحت بي الذكرى مع ايام لقياهםواليوم اشوفه لجل غيري رماني نسى عيوني اللي تعذب بفرقاهםوالله مدري والمصيبه حداني قلبآ يـحبه عزم اليوم فرقاهםابيه يذكر وش خذا من زماني ضحـيت من شانه وأدور ارضـاهםواليـوم كانه عقب هجره نسـاني عزه الله اني قلتهـا اليوم بنساهםلا صورة تبقى ولا له مكانـي بنسى
عيونـه اللي لها المر ذقـناهם
=========[/*****]
� � � � � � � � � �
؛،.» بيت أبو ثامــر«.،:
فوق بقسم ثامــر ...
الســــاعـــ 12 ــــه...
=========
.....بخوف /صــدق
ثــامر/اي والله..
العنــود/من متى....لاتقول سفرته كذبه اجل!!
ثــامر/إلا...
العنــود/اوففف ليه عمي ماقال لعمتي..
ثــامر/وليه يعور قلبها..خصوصا ان كل شي صار تمام!
العنــود/طيب متى جلسته الثانيه؟
ثــامر/بعد اسبوعين بس مدري اي يوم بالظبط...
العنــود سحبت رجلها من تحت راسه /وليه ماقلتلي من قبل!
مسكها وانسدح عـلى رجلها/مابغيت اشغلك واوجع راسك...
/الشباب كلهم يدرون؟
/ايه حتى احمد اخوك!
دخلت اصابعها بشعره وسكرت عليه بقوه/اااايييي
مسكـ يدها وعضـها
/اااي خلاص توبه...
/مو الحين..
طمنتـ وحبتـ راسه...
/هالمره عظيتك المره الجايه بتشوفين وش بسوي...
/خلاص قم عن رجلي خلنا ننام وراك قومه من بدري!
/عجزان شيـليـني...
بصدمه/لا ا ا ا ا ا ا
يضحك/ماقول لا لقلتي شلني!!...
/انت غير....
/وانتي خايفه ولدك يطيح لا شلتيـني!!
تذكرت... بجديه/ تكفى بترك الحبوب...
/ليــــه
/ ابغى ولد!!
/عندك عزوز..
/حبيبي اتكلم جد...
/لا
/تكـــفى..
/من سمعك قال ولدها ابو 6-7 سنوات !!
/عادي وبعدين مو صغير ابو سنتين وشوي وعلى مايجي اخوه بيكون ابو 4 سنوات!
قام من رجلها وشالها معه رماها على السرير وانسدح
/بشويش ياخشن كنت بتكسر عظامي!
يضحك/احسن عشان تنسين الحمل شوي!!
عطته ظهرها...
םםםםםםםםםםםם
مرت الاسبوعــــين ببطء تقول سنه على قلب مازن اللي ذبحه الشوق لامه ودلوعته"بشاير" وحبيبته"ميهاف" وحبه"عنوده"
وده يطلع بأسرع وقت ويدق يسمع صوتها وحشته موت مع انه بقرارة نفسه متأكد انها ما راح ترد كان حاس انها مخطوبه وإلا ليش ماردت على رسالته..تنهد وسند ظهره بتعب باقي ساعتين على جلسته!!
¶ ¶¶ ¶¶ ¶¶ ¶¶ ¶¶ ¶
... جالسه بالغرفه مهمومه كرهت كل شي بعد ماكانت تعشق ابسط الاشياء حولها اليوم انتهت المهله إللي عطاها اياها خالها بس وينه ماجا يشوف وش قررت ..يمكن نسى او مو فاضي وإلا ان شاء الله هون ابن اللذينا...اوف وينك ياخالي مانزلت طول اليوم وفوتت جلسه الظهر مع احمد وسمور لاني عارفه بتسألني واكيد ببكي لو تكلمت عشره مازن وحبه ماتهون علي انسدحت وخذت جوالها تدق له بس مقفــــــــــــل!!......
_________________
::: المحــــكـــمــه :::
=======
...اليــوم حضروا الشـباب كلهم
وابو هيثم وابو ثامر والرائد حامد
والملازم
محمد وفهد ومعتز لان الجلسه الأولى كانت مغلقه..ودخل ونايف ومصعب وعبدالرحمن وشرطه كثير عشان الحراسه
واخيرآ وصـــل ودخلوه قفص الاتهام...
وبدت المحاكمه واستأنف المحامي دفاعه بس اليوم معه ادله تثبت براءة متهمه قدم اول دليل كانت شهاده فهد ومعتز بأن مصعب و عبدالرحمن كانوا مهددين احمد قبل موته وكيف هددوا مازن عشان يترك عائلة احمد...بعدهم بدر قال انه عاصر ضيقه مازن بسبب تهديدهم له ثم قدم ابو متعب ورقه مختومه من مستشفى احمد اللي كان يعالج فيه بأن الورم كان حميد وكانوا بيشيلونه وبسبب ظغطهم عليه ساءت نفسيته مما ادى لنتشار المرض ووفاته. وبكذا يدخل مصعب وعبدالرحمن بقضيه جديده وهي ازهاق نفس بريئه من دون وجه حق!!..وبعد ادلتهم خذوا لجنه القضاء استراحه لمده 10 دقايق عشان يتشاورون طلعوا عشان يصدرون الحكم لكن اشكالهم ماتبشر بخير لكذا قدم ابو متعب دليل قطعي لبراءه مازن قدمه للقضاء بعد ماخذا الاذن فارس صاحب احمد يدرس بامريكا طب وباقي له سنه ويتخرج حضر بعد مادق له ابو متعب لانه زار ام احمد مع معتز وفهد وحاتم وقالت ان احمد عطى زوجته رقم واحد من ربعه وقال دقي له لو اذاكم مصعب وهذا هو ....هو مااذانا وبس اذى الانسان اللي كفلنا ومد يد الخير لنا دق وقله وصيه احمد..ودق له ابو متعب وخذا اجازه وجا عشان يثبت حق احمد العزيزي وينقذ انسان برئ من سجن لاحياة فيه....كان صدمــه لمصعب يشوفه بهالوقت بالذات..
وقدم دليل ادانه مصعب و عبدالرحمن كان شريط فديوا
لانهم اذوا احمد وعلموه المخدرات وشكى لفارس كثير فجرجرهم لستراحته وسجل لهم بدون علمهم طلب من احمد يأجره زوجته مثل ماتفقوا وهو كان سكران بس يوم صحى رفض وجت مناوشات باليدين وهدده انه بيخطف ولده ويحرمه منه و سب وشتم بعدها اشهروا مسدساتهم على فارس واحمد بس طلب فارس فرصه اسبوع عشان يقنع احمد....لكن احمد تعب بعدها...
::واخيــــرآ اصــدر الحـــكم::
... حكمت المحكمه حضوريا ببراءة المتهم مازن بن تركي...
هـــ ـــ ـــ ـــ ـــ ـــ ـــ ـــي
وصراخ وتصفيق وفرحه غامره الكل فرح له.......
ابوه/لانه ولده وفرحان عشان ام مازن بتشوفه..
عمه/لانه غالي عليه ويعده مثل عياله...
حاتم/لانه قريب له وفاهمه..
هيثم/لانه اخوه وسنده..
معتز/لانه صاحبه وحبيبه..
مهند واحمد وثامر/يعشقون مرحه ويكفي انهم يعدونه اخوهم...
بدر/لانه اخوه واعز ناسه..
ابو متعب/براءه مازن زادت نجاحه..نجاح مسيره 5 سنوات توجت اليوم بإنجاز عظيم...
...اماهو يوم سمع الحكم طاح على ركبه سجد سجود الشكر نزلت دمعه فرح على خده مسحها وقام توجه لأبوه وحب راسه وضمه يوم شاف دموعه مـازن/يبه ليه الدموع افرح انا بخير والشر ولى وكيدهم رجع بنحورهم!!
((على فكره مصعب خذا 10 سنوات سجن مع عبدالرحمن....امانايف سجن لمده سنتين ))
مسح ابوه دموعه/رفعت راسي الله يعلي شانك و يوفـقكـ ...
ثم سلم على عمه وباركـ له وعلى الشباب ثم ضم بدر و تمتم بأذنه كلمات وقاموا يضحكون اخير صافح فيصل
"ابو متـعبـ"وحب راسه طلعوا جميعا متوجهين لبيت ابو هيثم اللي عزمهم على العشا بمناسبه براءه المزيون!.....
¶ ¶¶ ¶¶ ¶¶ ¶¶ ¶¶ ¶
اليـــــوم الثانــــــيـ
==========
... كانت جالسه عند احمد بغرفته تسأله عن موضوع بشاير بس قال للحين ماقرر و احتمال ينتظرها لحد ماتخلص السنه الجايه عشان ما يجي لها عذر...
/وش عذره!! اقول تحبك مثل ماتحبها يقول عذر ....بعدين محد قال تزوجوا الحين اول املك عليها والزواج بعد ماتخلص....
/والله فاهم بس انا اعرفها من عقب ماشكيت فيها تغيرت اخاف تسوي فيها كرامه و كبرياء وتردني خليها لحد ما تنسى واحسن علاقتي معها بعدين لكل حادث حديث!!!
بتفكير/كيفك...
/وانتي وش قررتي؟
/شكلي برفض ماراح احبه و لااتحمل انه ياخذ مكانة مازن!!
احمــد/شوفي عمري اشك ان مازن يبيك للحين او على الاقل تأخرتي فالرد وصرفوه اهله...
/مدري بس هذا عاجب خالي اخاف يجبرني على قول سمر!
/عمي مايسويها عمره ماجبر احد فينا على شي مانبغاه صــح؟؟
/صح...بس خاف خالي مقتنع وواثق فيه..
/انسي انه يغصبك عليه مع انه زين ..بس لو مقتنعه انك ما تبينه كلمي عمي!!
םסם
סםסםס
םסםסםסם
بعـــديــوميـــن...
بعد المغرب...
=============
... كانت جالسه بغرفه جدتها تهمز رجلينها "تسوي لها مساج"
و عندها سمر منسدحه جنب جدتها ونواف ينطط على سرير
... وكانوا ضحك وسوالف..
كانت مرتاحه للآخر من عقب مااقتنع خالها برايها ورفضوا محمد...
دخلت هند وكملوا السوالف فــــــــــــــــــــــــ ـــجأه
(ياحبايــب يــاحبايب ليه خلــي الــيوم غايــب والله مســهر معاكم لين اشــوفه ياحــبايب)
...صدت لجوالها على كوميدينا جدتها كانت متأكده انه صاحب النغمه بس وش جابها في باله الحين...
شافت الشاشه
¤المزيـــونهـ¤
يتصل بك
ياما حنت لهالأسم وعشقته بجنون.....
طارت من الفرح فوق بعد ماقالت انها صديقتها
ردت بلهفه بحب بشوق بوله تمنته براسه قدامها عشان تحط راسها على صدره.../الــو
مــازن/هلا عمري.
ريمــاس/هلا
بحماس/كيفك شخبارك طمنيني عنك وحشتيني موووت.
ببرود/الحمد لله!
/كيف اهلك؟
/عال..
توه انتبه لها/وش فيك؟
تنهدت/ولا شي... ليش داق؟
انصدم/وشهــو!!
/تبغى شي؟
بشك/اش فيك؟
/............
/وش صاير؟
/.........
/كلمينــي؟
/نعم
/ليش تكلميني كذا؟
/كيفي.
بانفعال/وش اللي بكيفك..وليش تكلميني بهالطريقه..ترا اذا فينا احد زعلان هو انا...يوم ارسلت لك و جلست انتظر بفارغ الصبر رديتي علي طبعا لا تعبت مادريتي عني انقطعت شهر ماسألتي ليش انقطعت ووش السبب.....
تقاطعه /بس ا....
/لاتعذرين عندك بدر ليش ماسألتيه عني؟ شاطره يوم طلعت من الدوامه وجيت اسأل عن وحده ماصدقت اني لهيت تردين علي كذا على العموم انتي حره وعلى قولتك كيفك انا لو باخذ درس كان خذيت يوم قلتي حره وسافرتي عني بس هالمره انا اللي بقول حر و بسافر عن عالمك ...باي ياالوافيــه!!!
سكر الخط مابكت و لاتندمت لانها للحين مو مستوعبه انه رجع و ماكان ناسيها بس ظروفه كانت صعبه...دقت له بس مارد ثواني ودق جوالها بمسج....../
(قلي منهو ذبح فيك الاحساس
قلي غلاي اليوم وين وديته
منهو الي خذاك واشغلك عني
لا يكون عفت الغلا وحبي نسيته
عادي علمني ترى القلب بالجفا حاس
ولك مني ابتعد عن طريقك)
بغت تطنش بس قلبها قرصها و تابت من عقب ذيك السالفه و اختارت الرد عن طريق رساله نصيه وكتبت..../
(لا تطري فراق فال الله ولا فالك هذا أنت مبطي معذبني و أهليبك)
رد برد قاسي...
(هذي الدنيا غـربيه صعب تلقى لك حبايب
قلتها لك من البداية صعـب يوفي لك أناني
من يضيع وقت غيره ولا يضحي في الصعايب
كيف يثبت لك وجوده كيف تعطيه الأماني ؟
إختلاف الرأي يحصل كل شي وله سبايب
والمحبة درب واضح من عشق لازم يعاني!!)
بكت بقهر انا انانيه يامازن عشاني ضحيت بزوج لقطه على قول سمر وتقول مو وافيه عشاني عشت الم وحزن وضيق بعدك عشان قطعت الكل من بعد ماوعدتك بروما حتى بدر اللي تقول اني ماسألته عنك قطعته عشان اكون قد كلمتي بس انت الاناني ليه ماارسلت مسج تطمني عنك تقول وش ظروفك ارسلت...
(ماعاد احبك ابتعد لاتجيني
مدام حبك صار كله مذله
أول عرفتك ياالغضي ترتجيني
واخذت قلبي يوم كان بمحله
ياما سهرت الليل وأسهرت عيني
على أمل قلبك يسميني خله
وخاب الرجا ماعاد ينفع حنيني
لا عاد الله حب جاب المذلة...)
رد /...
(يا بنت لا مني ولا منك تقصير
غصب مضى حكم الليالي علينا
صدفه تلاقينا واثاري المقادير
تنسج خيوط ابعادنا ما درينا
ارخ الستائر يا زمان التعاسير
ليل المواعيد انتهى.. وانتهينا)
ارسلت له/...
(تلعب بقلبي لعب الطفل بالطير يضحك وطيره ميت في يدينه)
ثم دقت بس عطاها مشغول
وارسلت(اللي ماتعرفه اني انخطبت لدكتور شاب ولد عز بس ضحيت فيه عشان واحد مايستاهل)
ارسل/.....
[*****="00008B FF6347 A0522D 4B0082"]
(لو الزمن مره يجينى على الكيف مقدار ما يفهم لبيب
الاشاره بشرت غلطاتي بحسن التصاريف واخذت من نفسي لنفسي بشاره وش يحرج الرجال غير المواقيف اللي تنزل هيبته واعتباره والله لو تعرض رقبتى على السيف أهون علي من الندم والخساره !)
انقهرت منه ماقدر كلامها طنشته وماارسلت..
جاها مسج جديد منه/....
( ... رح للي خـلاك تـــــاج على الــراس ...و إعرف إني تــاج راســك وراســـه ... )
ضحكت من ردوده تعرفه لا انقهر...ماهان عليهاوارسلت/...[/*****]
(لإنك عزيز وكلمه الحق تنقال
تدمع عيوني كل ماضقت منك)
ارسل/...
(إنت بعيوني وين ما ماطالع ألقاك حتى لوغمضت عيني لقيتك)
دقت ورد /خيــر!
/حبيــبي تعبانه..
يعرفها تستهبل/وش فيك؟
/قلبــي!!
/يعورك؟
/لا...
/اجل ؟
/يحبك!!
/فديته والله..بعدين لاتزعلين من جد عصبني ردك؟
/ادري ماتدري بكبر فرحتي..
/اول من ولد الكلب اللي خاطبك؟
/واحد ورفضته...
بس انت وش صار مع بنت خالتك؟
/اقنعت ابوي اخطبك بس قلت ابي مهله وارسلت ومارديتي ليه؟
/كان عندي ظروف!!
/اها على العموم احنا فيها و كويس رفضتيه شوفي انا عندي ظروف اسبوعين واكون في قصر خالك اخطف معشوقتي!! حلو الكلام؟
بفرح /حلو ...بس ماقلتلي وش الظروف اللي اشغلتك؟
/سالفه طويله بقولها لاصرتي في بيتينا!!ههههه
/.........
/حبيبــي
/خيــر
/طمنيني عنك؟
/انا بخير وهذا اللي يهم...
/الحمد لله
/كيف امك؟
/يابعد عمري بخير!
/انا..
/وشفيك !
/بعد عمرك؟
/لا طبعا امي..
/..........
/هههه...تصدقين مو مصدق انك معي وقاعدين نسولف!!
/مازن ليه مادقيتلي يوم قلت اني محتاجه لك؟
/ايه...ذاك اليوم سكرت وانا متضايق عشانك بس ابوي كان عندي وسألني متى نخطب وقلت يعطيني فرصه ارسلت لك ويوم مارديتي قلت يمكن جاها سكته من هههه(ضحك لانها شهقت) من الفرحه لكذا قطعت!!
/بسم الله علي..
/ هههه بسم الله على قلبي!!
/وانا...
/انتي قلبي يالدلخه!
باعتراض/يوووه مازن لاتقولي كذا ...
/على هالعوج يالدلـخـ ... يالحلوه!!
/صــرف بس...
استمرت مكالمتهم لمده 3 ساعات ثم سكر عشان يطلع يصلي العشا ثم بيرجع لان بشاير حشرته تحت عشان يوديهم السوق...
¶ ¶¶ ¶¶ ¶¶ ¶¶ ¶¶ ¶
بعــد اسبــــوع....
==========
كانت بشاير عند ريماس و سمر في الصالة عندهم هند وجدتهم ... ( كانت مع مازن في المستشفى زايره وحده من صديقاتها وهم راجعين دق جواله كان بدر يبغاه بسالفه مر بيت خاله ونزلها وراح على اساس لارجع يمرها)
... الساعه6 قبل المغرب
طلعت مع البنات فوق وجلسوا عند النت ويوم اذن سكروه و راحت سمر تاخذ السجاده تصلي قبلهم اما ريماس و بشاير تهاوشوا من يتؤضا اول ودخلت بشاير وبعد ماصلوا جلسوا يسولفون دخل نواف يناديهم عشان ابوه تحت قامت بشاير تبوسه تموت فيه و نزلوا تحت سلمت على خالها وجلسها جنبه وطلعت لسانها للبنات وقاموا يضحكون...
و بعد ساعه طلع حاتم يبدل لانه معزوم...
لحقته هند وسمر رقت تجيب جوالها ارسلت ريماس لأحمد
(بشاير عندنا إذا تبي تكلمها تعال بس بوجودي)
ارسل (انا في المجلس كيف اقابلها)
قامت بشاير للمطبخ تحسب هند داخل..
دقت ريماس لاحمد قالت بسرعه /رح للمطبخ بتجيك هناك وترا 3 دقايق وبطب عليكم خالي هنا...
دخلت مالقت هند خذت جلي وملعقه وتوجهت تطلع سمعت ضحك بالحديقه وقربت من الشباك تسمع...
(هههههه--طيب وشلون ابدأ--لو انتي مكاني وش بتقولين --خاف اقول احبك تخبطني بلي في يدها--ايه احبها وموت فيها بس خاف ترفضني--شوفي بأجل--حبيتي لاتلوميني مدري كيف--خلاص مره ثانيه..)
ركضت للباب عشان تطلع وتركت الجلي داخل وبعد مانزل خالها قالت له يوصلها في طريقه وراحت مع ان البنات كانوا رافضين.....
םסם
סםסםס
םסםסםסם
...رجعت للبيت وبعد ساعه جلستها مع امها وخالتها و البنات وطلعت فوق وانسدحت مع انها قررت تنساه من قبل بعد سالفه مهند إلا انها حست بضيق لما سمعته يتكلم ويضحك مع البنت اللي كان يكلمها وفوق هذا يقول حبيبتي واحبك واموت عليك انصدمت فيه بس فرحت لان هذا بيدعم قرار انها تنساه ..لكن مايمنع احساس الغيره مهما كرهته بيظل احمد اللي سكن جوانحها سنين بيظل احمد اللي حبته وتعلق قلبها فيه... اللي قاهرني ان بديلتي اريج.. اريج يااحمد تنهدت بضيق
[*****="00008B FF6347 008000 FF0000"]
==============
=================
..روح الله لايردك واحد هذي علومه روح والحب الحقيقي شيعه واعلن وفاته..روح ابحلم في زمان ماجنيت الا همومه
البعض هانت سلومه والزمن زادت رداته..روح ابحلم مثل غيري يوم كل له حلومه و اجهر بحلم حلمته والخجل نرمي عباته..يومها عندك تساوت روحه الخل وقدومه ماتساوت عند خلك سكره الحب ومماته
توني والله عرفت ان المواضيع محسومه يوم شفت الحب حبي وارحى هذي رحاته ..وشفت نظرات الخيانه والغدر هذي رسومه قلت اجهز للعصابه قبل تاصلني حصاته..دام هذا قدر خلك في سواته من يلومه ودام هذا قدر خلك كل يسوي سواته..
=================
==============[/*****]
...... تنهدت و قامت تصلي قبل مايحطون العشا ...
¶ ¶¶ ¶¶ ¶¶ ¶¶ ¶¶ ¶
...دقت متشوقه لهم من اسبوع مسافرين وحشوها مره
...../هلا قلبي!
ميهاف/هلا...هههه
...../اشفيك؟
ميهاف/تراني داقه على جوال اخوي!
..../عاد من زين اخوك الحين.بس شخبارك؟ماوحشتك؟
ميهاف/انا تمام ووحشتني موت انت كيفك وكيفه المزيون ؟
معتز/كلنا بخير ...شفتي وش صار!
ميهاف/وش صار
معتز/مهوب امس دقيتي لي ورد مازن؟
ميهاف/ايه وقال انكم انهبلتوا وتبادلتوا الجوالات...
معتز/وابشرك ضاع جواله.... نسيته في المطعم ورجعت ماحصلته...
ميهاف/ههههه صـدق!
معتز/اي والله من قبل امس..
بصوت عالي/ ميهاف ماقلت لك لااشوفك داقه له مره ثانيه!
ضحكت/مفول عليك للآخر...
معتز/ماعليك منه بس سلمي على خالتي وعمي ورنوده وابو تركي حنا بنطلع نتعشى...
ميهاف/بالعافيه ...سلم على المزيون...
معتز/ان شاءالله...
بعد ماسكرت راحت لامها /يمه مازن ومعتز يسلمون عليك!
امــها/عليك وعليهم السلام
ماقالوا متى بيجون؟
ميهاف/إلا بعد يومين....
¶ ¶¶ ¶¶ ¶¶ ¶¶ ¶¶ ¶
...دخل حاتم الساعه10م الصاله ونادى ريماس وخذاها معه فوق دخلوا قسمه وجلسوا في الصاله ...
/شوفي عمري عندي موضوع إذا تحبيني من جد وتعزيني ابغاك تفكرين عدل في اللي بقوله..
بخوف/خالي وش السالفه!
حاتم /بصريح العباره فيه واحد خطبك مني ...
حست بفرح من زمان عنه وابتسمت/ادري وش تبغى تقول لاتشيل همي اسأل عنه ولو طلع تمام انا موافقه..
حاتم/طيب فكــ.....
/انا خالصه قررت وانتهينا!!
قامت وحبت راسه وطلعت ركضت لغرفتهم ودها تصرخ من الفرح يابعد عمري احلى مفاجئه ياابو المفاجات بغت ترسل بس هونت بيقول ماصدقت ونزلت لسمر تبشرها وقضت يومين من احلى ايام عمرها بدت تنفتح لها ابواب السعاده على مصراعيها حتى مازن معاد دق لها مثل اول قالت اكيد عشان مايحرجني...
بعد اسبوع طلعت فوق لخالها لقته عند نواف في سريره يسولف عليه..
/انا جيت!
صد وشافها /هلا وغلا ...تعالي
جلس وجلست قباله/ماحب اللقافه بس ودي استفسر عن وجودك هنا هل المدام طاردتك؟
ضحك/ماتقدر الحب عذاب...
/الله يخليكم لبعض...طيب وش سويت بموضوعي!
/للحين مابي استعجل بس اللي عرفته الى الحين زين..بس كل من سألت عنه مدحوه من مدح فلان له بس هم مايعرفونه مباشره بس يومين وارد لك!!
قام وخذاها معه وطلعوا وفتح باب جناحهم وطلعها!
بقهر/كان قلت اطلعي وبطلع
تراني ادل الباب!!
مسكها وباسها على خدها ..وسكر الباب...
راحت لسمر تحت في الحديقه مشغول بالها بمازن حتى ماسأل إذا وافقت او ارسل يستطلع ...مع انه من قبل الخطبه بــ4 ايام قال ان عنده مفاجئه بعدين بيقولها وقطع... له فتره مدري عنه!
¶ ¶¶ ¶¶ ¶¶ ¶¶ ¶¶ ¶
الخميـــــــــــس
=======
...اليوم وصلوا الشباب كانوا بدبي سفرة عمل وجلسوا9 ايام
دخل معتز يسلم على خالته بعد مامر الشركه مع مازن و عطوهم اوراق العمل وقالهم ابو هيثم يرتاحون اليوم دخلوا لصاله ام هيثم حصلوها جالسه وعندها تركي منسدح تحت التلفزيون مكانه دايم و يطالع افلام كرتون سلموا و جلسوا وخذا مازن تركي بحضنه
امــه/متى وصلتوا؟
معتز/من ساعه وشوي مرينا الشركه وعطيناهم ملف الشغل وطلعونا...
سمع احد في المطبخ يكلم ريمان/يمه فيه احد صاحي؟
/ايه ميهاف راحت تجيب القهوه.
قام لها ويوم شافته ضحكت وسلمت عليه/بنجي بعد المغرب.(تطنز)
/ههههه معتز هو اللي قال عشان نسويspraiz
ميهاف/الحمد لله على السلامه
مازن /الله يسلمك تعالي ابو ندى في الصاله سلمي عليه!
/لا استحي...
مازن/من سمعك قال اول مره تشوفه مو من ملكتوا وهو مطيح عندنا...
/ههههه حلاله...
مازن/طيب ياالله...
طلعت وصافحته وجلست جنب امها/الحمدلله على السلامه!
معتز/الله يسلمك.شخبارك؟
/تمام وانت؟
معتز/بخير!!
بعد ½ساعه قامت ام هيثم للمطبخ...وقام مازن ياخذ شور!!
معتز/تعالي هنا.."يأشر على المكان جنبه"
/لا مرتاحه هنا!
معتز/بتجين وإلا اجي انا؟
/لا فشله خاف تشوفني امي..
معتز/عادي...
/لاياشيخ!
معتز/طيب وين الوعد!
ضحكت/بعدين...
معتز/ترا كرهت هالكلمه كل ماقلتلك شي قلتي بعدين!!
/وانت ليش مستعجل مو كافي انك حددت مع ابوي ماشاورتني!
معتز/بعد تبين وقت اكثر من كذا ترى لنا شهرين ونص من ملكنا...والزواج بعد 3 شهور!!
/استريح ...
معتز/ليه؟
/قصدك عقب شهرين واسبوع..
معتز/بس حنا يوم حددنا تركت لك 3شهور صافيه...
/ماتقصر...
وقف ياالله بروح احط راسي...
وقفت معه/لا توك بعدين باقي على صلاه الظهر ساعه ونص مايمديك تنام اجلس وإذا اذن روح صل ونام...
معتز/لا قلبي مابعد شفت امي!
/كيفك..
معتز/تبين اجلس؟
/ايه...
معتز/نجلس بغرفتك!!
بسخريه/توكل اهلك ينتظرونك..
ضحك ومسك يدها وسحبها معه برا../هيه انت وين؟
معتز/باخذك معي!!عندك مانع؟
بسخريه/لا ماعندي مانع خذ راحتك!
فك يدها عند الباب وقال تنتظره وطلع وجاب كيس من شنطته ودخل/تفضلي...
خذته/لي!
معتز/اكيد ماعندي اغلى منك..
/تسلم ياعمري..
معتز/بس!
/وش تبي؟
معتز/امووه
/لا..
معتز/افاااا
/والله استحي بعدين! هههههه
"ضحكت لانه مايحب بعدين هذي"
قرب وسحبها غصب اعترضت بس ماشاورها وباسها ...
بصوت عالي/حبك برص ياالحمار يامعتزوه...
تلفتوا بس مالقوه وضحك شافوه واقف قبال شباك غرفته وضحك معتز/الحمار انت كيف تطلطل ماتتنحنح!!
مازن/ناقص بعد اتنحنح في بيتنا ياالله بس فارق وعسى اشوف وجهك العصر مامعك
N 73 ومطلع بدل فاقد...وبعدين وش معطي اختي ...وانتي ياهوه ليه تذلين نفسك جايب لك مقابل البوسه مو لعيونك بس ماعليك بنغصها عليه..ياالله ادخلي..
صدت لمعتز/ياالله باي خلنا نشوفك..
معتز/ان شاء الله "وقصر صوته"عسى تعجبك بس!!
/حتى لو ماتعجبني يكفي انها منك!!
و مشت...
مازن بعد ماتغبت ميهاف عنه/ميهاف ميهاف!!
طلعت/نعم...
مازن/يصير تفتحين الكيس!
معتز بعتراض/لاوش عليك..
مازن/كنت حاس انك سارق جوالي ومهديه لها يانذل...
الكل/هاهاهاهاهاها
°°°°°°°°°°°°°°°°°°
؛،.» بيت ام حـاتم «.،:
==========
...بعد الغدا جلسوا في الصاله إلا احمد راح ينام مثل العاده..
شوي وقام حاتم وخذا نواف معه فوق وبعد شوي نزل وقال لريماس ان ابوه يبغاها طلعت له ودخلت بجناحه قابلتها هند..وابتسمت لها/مبروك مقدما!!
ضحكت ودخلت...جلست جنبه بفرح/سم..
حاتم/سم الله عدوك..هاه سألت عنه والكل مدحه ...
تستمتع والكل يمدح فيه و سألت بغباء مع انها تعرف الاجابه بس شنسوي اشتغلت الدلاخه/وش يشتغل؟
حاتم/توه هذي اخر سنه له بالجامعه!!!!!!!!!!!
مااستوعبت قامت تسترجع جواب خالها ببط يدرس! وباقي سنه!
بس هو تخرج معي وموظف بشركة ابوه...كيف؟
شاف تغيرها/لاتقولين هونتي؟
بخوف من الصدمه/شسمه؟
حاتم/بندر.......
صمـــــــــــــــــــــــ ــت
صدمــــــــــــــــــــــ ـه
مصيــــــــــــــــــــــ ـبه
كارثـــــــــــــــــــــ ــه
ياويـــلي يعني مو هو توقعت هذي مفاجئته توقعت انقطاعه عشان يتركني اقرر براحتي لا يارب مستحيل !!ليه؟ وش سويت انا عشان ابسط حقوقي يضيع شسوي شقول لخالي....
حاتم استغرب صمتها/يدرس بااستراليا ومثل ماقلت لك اخر سنه له حالتهم الماديه وسط
ابوه متوفي وماله إلا اخو واحد وامه واهله ناس طيبين ...باقي تستخيرين وتردين علي عشان ارد على اهله رد نهائي...زين قلبي منتي مصدقتني كنت شايل هم هالمازن والحمدلله انك عقلتي اصلا لو كان صادق مو لكم 3شهور وراه ماجا يخطبك بس قام يماطل والواضح انه لعاب وماعنده سالفه ...و بصراحه لو تقدم لك كنت بوافق عشانك بس الحمدلله انه هون لانه بيحاسبك على كل شي من اليوم اللي عرفك فيه وهذا إذا ماكنتي تغيظينه بشباب ثانين بالجامعه وبيني وبينك بينكد بك !!ياالله قلبي ردي علي متى ماقررتي انا بدخل انام..
قومها معه وحب راسها بس هي ضمته وبكت على صدره توقع من الفرح بس عشان لاتشككه قالت/ مابي اترككم!
حاتم/بدري على هالكلام و تطمني بشرط عليه يسكنك في نفس حينا..امري بعد وش بغيتي !!
هزت راسها بكل مشاعر الاسى والحزن والالم والندم مسحت دموعها وطلعت دخلت غرفتهم تركض وانسدحت تبكي وكانت سمر موجوده قامت من اللاب توب وطارت لها
/اشفيك ريمو؟
/............(تبكي)
بخوف/اشفيك خالي مزعلك؟
/............
/ترى بطلع لعمي واسأله؟
رفعت راسها وهي تتنهد/الل.....ي خطبنــــي مـ مـ مــو مازن وبكت من جديد...
انصدمت وحست بضيقه عشان ريماس من خطبها و هي طايره في الافق تحلق مع اجمل حلم تحقق معها مو حاسه بشي غيره ولا يشغلها سواه لكن صدمت بالحقيقه المره اللي رمتها بقسوه على ارض الواقع مو قادره تصحى ولا توقف على رجلينها عاشت معها لحظات روعه من بعد سالفه الخطبه فرحت لها وشاركتها الفرحه بس ماقدرت تتحمل تشوفها منهاره و بشفقه حضنتها لصدرها وبكت معها....
اما هي انتهت فكرت بينها و بين نفسها تنساه وتنسى ايامه وتدفن حبه في قلبها وتعده صفحه ونطوت كثير وثقت فيه وكثير ضيع فرص ذهبيه إلا ان ضيعها هي..
.. قررت توافق ماتسوى عليها فرحه جدتها وهند واحمد و الأهم خالها ...
يكفي ان حبيبها خذلها وولد خالتها رفضها (هي عرفت من بعد رفضها لمحمد بسالفه مازن وطيحته بسبب قرار اهله انه ياخذها صح كان عندها ذاك الوقت حبيبها بس حز بنفسها رفضه لها..احمد قال بعفويه/شكلنا بنعد لضحياك..
استغربت /ليه في غير محمد!
حاول يصرف او يضيع السالفه بس ماعاد هي بمعه وقالها )
.. رفعت راسها من حضن سمر ومسحت دموعها وصدت لسمر وابتسمت ابتسامه حزينه/انا بوافق بس برد لخالي بعد يومين...
"صدت وقالت بسرحان" من شفته قطع وانا قلبي قارصني بس خلاص من اليوم ورايح مازن ذكرى ايام حلوه وبس...
طمنت راسها وبكت
/طيب ليش تبكين؟
بحزن/انا قاعده اكذب على نفسي..."بكت"مهما كابرت على نفسي بظل احبه بيظل اغلى ناسي سمر والله قاعده احاول انساه بس مو قادره يوم قطع الشهر اللي فات و رجع حاولت اعصب واهاوش عليه وازعل منه بس ماقدرت جلست يمكن 5دقايق ودقيت له وكلمته بلهفه ماكانه قطعني ورجعت المياه لمجاريها وقلت له عن محمد عصب وقال انتي لي وقريب بجيكم امهليني اسبوعين والحين كملنا3اسابيع وينه لي اسبوعين مادري عنه رجع من جديد يقفل جواله شسوي بنفسي حرام عليه والله احبه ....
انسحبت من عندها وطلعت...
انسدحت جسم بلا روح و سافرت من جديد مع افكارها له............
¶ ¶¶ ¶¶ ¶¶ ¶¶ ¶¶ ¶
؛،.» بيت أبو ثامــر«.،:
=========
دخلت هي وياه جاين من السوق جايبه هديه لميهاف عشان زواجها...ومتقضيه لعيالها ملابس والعاب...
عزوز كان بحضن مهند ويوم
شافهم ركض لهم وطمن ابوه وشاله..
سلموا وجلسوا وطلعت علبتين الاولى حقت ميهاف والثانيه
كانت خاتم جنان لعمتها قالت انه من ثامر حبت راسها و طلعت فوق ونزلت عبايتها و طلعت اغراض عيالها لهم لانهم رقوا معها فوق...
دخل وقال ياخذون العابهم يورونها امه ومهند وماصدقوا طلعوا يركضون سكر الباب و جلس جنبها على السرير شافها مبتسمه بادلها بأحلى ابتسامه/ليش ماقلتي انها منك؟
خذت يده تلعب بأصابعه ثم رفعت راسها/لانك ولدها و بتفرح بها اكثر كونها منك..
ثامر/هذا لو كانت مصدقتك!
/ليه
/لانها دعت لك انتي..
/وانت وش حارق رزك خاف بس صدقت انها منك؟
مسكها وسدحها وباسها على رقبتها بقوووووووه وهي تدفه....
� � � � � � � � � � �
اليـــــوم الثانــــــيـ
العــصــــــــر...
=============
...كان جالس بغرفته طلع بدل فاقد اليوم الصباح وتوه فاضي دق لها لانه حافظ رقمها عن ظهر قلب...بس ماردت
نزله وقام يلبس بيطلع متواعد مع الشباب"معتز وفهد"يمرون سعود ..من قبل لايسافرون محد مرهم!
بعد ماتجهز نزل وركب سيارته تذكر عنوده وارسل لها وحرك....
______________
... كانت منسدحه وسمر جالسه معها على السرير..
/خلاص هذا قرارك؟
/ايه
/ريماس لاتاخذينه وانتي مو مقتنعه..
/في ذمتك لو مكاني ماراح توافقين...يوم تشوفين الفرحه بعيونهم كلهم ماتضحين عشانهم...وبعدين لو رفضته تضمنين بيجيني غيره...سمر انا تعبت من مات ابوي وانا احس اني بدوامه...حتى مازن يوم يكلمني اسامحه ويوم يقطع انقهر منه احس ماعنده مسأوليه ماراح يسعدني بدليل ابوه جبره صح اقتنع يخليه على راحته بس انا مالي احد غير اللي باخذه لي حق اكون كل شي له وفوق هذا يسعدني يغنيني عن الناس يكون رجل يعتمد عليه..بس مازن اتضح انه مو من هالنوع انا ما اقوله يعصى ابوه بس من حقي اعيش حياتي من دون قيود من غيره...
تنهدت وصدت
بحزن/لا تحطين في بالك انك وحيده ريماس انا من اشوفك ضايقه احس ودي ابكي انا يوم اطلع وتركك لحالك اطلع لاني مااتحمل اشوفك مهمومه...والله اني اعدك مثل العنود اختي من جد يكفي ان ظروفنا وحده ...وان...
قطع كلامها جوال ريماس صدت له تشوف من طالعته وهو على الكوميدينا إلى ان تسكر وحطته على السايلنت
تفاجئت بيد سمر تمسح دمعتها صدت لها ونزلت راسها...
سمـر/...........
ريمـاس/...........
/ادري صعب تنسينه بس كلمي احمد يجيب لك رقم..
/لا مستحيل رقمي لا!
/تقصدين هو لا..
/سمر حسي فيني انا احبه احبه ياسمر هو كل شي بالنسبه لي انا من دونه اضيع انتي طول الوقت قاعده تجرحيني اسمعك تسبين فيه واسكت لو مايحبني مادق...عنده ظروف هو قالي.. و يمكن امه تعبت...اعرفه زين مايرده عني إلا الشديد القوي ..
بكت بقهر نزلت راسها على يديها بضعف /انا مو ناقصه نفسيتي زفت من عقب ابوي
... بين عشيه وضحاها اخسر ابوي وسافر عن سلمى وانحرم من مازن...لايغركم شكلي يوم اسولف واضحك انا بتصرفاتي هذي اداري على اللي جواي ماأحب احد يشوفني ضعيفه اكره نظره الشفقه بعيونكم...انا ياسمر مكسوره من جواي محطمه مجروحه مهزوزه ...كل ماقام حظي وقلت هانت يابنت طاح...
"رفعت راسها ودموع حاره تجرح خدودها" ليه ياربي ليه يصير فيني كذا ليه وش الذنب اللي ارتكبته... سمر من مـــات ابوي وانا مو بخير احاول اتأقلم واسلي نفسي بس ماقدرت افــتقد كل شي حضــن ابوي واهتمــام سلمى وحــب مازن حتى الوناسه من قلب افتـقدها
"بكت وزاد صراخها"..ياليتني كنت معاك يابــوي في الحادث ياليتك قبل لاتــروح اخذتني معاك كان مرتــاحه من
هالعذا ا ا ا ا اب ...يارب شــسوي محد حاس فيني
"صدت لسمـر" حتى انتي لو تحسين فيني من جد حسيــتي بالنار اللي بجوفي ...كلكــم انانين كل واحد يفــكر بمصلحته وبس بتــرموني لاني ثقلت عليكــم لاني مــو بنتكم انا بنت الغربــه ماعرفكــــــم ماابيــــــــكم اكرهكــــــم اكرهــــــكم كلكــــــم ...طلعــــــي بــرا... بــرا تركوني بحالي ابغى ابــــــوي ودونــي له ودونـــي لابـــوي ودونـــي لابـــوي...ودخلت بنوبه بكى ..............
كان قلبها يتفطر عليها انتكست فجأه خافت يصير لها شي قربت منها بس صرخت فيها تبعـد ...
... قامت بتادي لهند يمكن تساعدها سمع خطوات وتخبئ لحد مانزلت مسح دموعه منصدم من حالتها الهستريه و شاف الكبت آل بها للانفجار كان وده يدخل ويضمها لصدره ويحطها بقلبه وده يسمي عليها ويهديها بس الكلام معها الحين بيتعبها اكثر راح لقسمه حلف ما يجبرها على الزواج لو تجلس عنده الى الابد كسرت خاطره
و الكلام اللي فضفضت به جرحه وصوتها وهي تبكي و تتنهد ضايقه.....
صح سمر احيانا تقسي عليها بس لمصلتحها و هي متأكده من هالشي...
... ريماس انسانه قويه ماتحب تبين مشاعرها لأحد اللي فيها يظل فيها وتخبيه جواها دايم تظهر عكس مشاعرها لها فتره ضاغطه على نفسها بسبب تصرفات مازن ثم جت خطبه محمد وزادت ضيقتها و ارتاحت يوم تفركشت ورفض ولد خالتها لها طين كل شي دخلت دوامه جديده بخطبه بندر بس اكثر شي معذبها ان خالها ضامن موافقتها ...حاولت تطنش واللي الله كاتبه بيصير بس ماقدرت ...وزاد عليها كلام سمر اللي فجر الاولي والتالي من يصدق انها مخبيه كل هالالم والحزن و الاسى داخلها الكل متوقع انها نست وتأقلمت بس .....
كان ملاذها الوحيد هالدموع الدموع سلاحها يوم تفقد الامان والثقه....
شكت لربها عجزها وهوانها بكت بدموع احر من الشظايا طلعت في البلكونه اليوم امطرت بغزاره على الرياض و وقفت تطالع السما والغيوم تشوف ابداع ذو الجبروت في الوان الطيف اللي تشق سما الرياض وابتسمت...خالطت حبات المطر دموعها عانقت وجنتيها لتزيل همومها وقفت على شفتيها لتخبرها الفرق بين طعم الدمع وطعم الغدير لتضرب لها اروع مثال في هذه الحياه التي يأست منها وانه مع الصبر و الإراده تحق ماتطمح إليه
[*****="00008b ff6347 800080 4b0082"]
===============
=================
(أنزل يامطر واغسل همومي والأحزان..واروي الضلوع اليابسه من ضماها عطني الفرح مبطي له القلب غرقان..ليت العمر وقف على هاك الازمان..وليت الطفوله ماعطتني قفاها فات العمر ياشوق والوقت خوان..ورمل الصحاري حارقتني لظاها واليوم انا من عقب ضحگـي بحرمان..دنيا ردية حظ منهو سلاها)
=================
===============[/*****]
°°°°°°°°°°°°°°°°°°
...لبس ملابسه ومر احمد يصحيه ونزل يفطر قبل لا يطلع لدوامه دخل عند امه حصل سمر وريماس فارشين على الأرض فراش عشان ينامون عليه شافوا حاتم يدخل وقاموا
له وجلسوا عند جدتهم لان حاتم يفطر بغرفه امه ويجلس معها قبل لايطلع دخلت هند معها الفطور وشافت البنات و استغربت للحين صاحين بس ام حاتم قالت انهم نايمين بدري وقومتهم يصلون ومن بعدها ماناموا...
ام حاتم/وراك متأخر اليوم ماعندك دوام؟
حاتم/إلا بس برى الشركه عندي جوله..
وصبت ريماس الشاهي و افطروا...
حاتم صد لهند /هند تبغين اودك لاخوك اجهزي لارجعت اوصلك تراني بطلع العصر معزوم بالثمامه ويمكن ماارجع إلا على11في ليل...
هند/ومن يرجعنا!
حاتم مستغرب/من انتم؟
هند/انا ونواف حرام محبوس !
الجده/اي والله الله يجزاك خير محبوس تقول بنت حتى جيراننا ماعندهم عيال مغير مطيح عند ذا البلا اللي معمي عيونه ....
طالع سمر/ هذا وانا موصيك مايطول عليه.
/شسوي مايسمع الكلام!
حاتم/ريمو انتبهي له!!
/على هالعوج...
..على فكره خالها كلمها وقال انها حره إذا تبيه أو لا وانه ماراح يجبرها لانه مايقدر يستغني عنها وانه مو متخيل البيت بدونها فرحت بكلامه و بقى الموضوع معلق مع انهم كملوا اسبوعين بعد الخطبه و حاتم مادق لهم ينتظر قرار بنته وفرحان إن اهل بندر مابعد دقوا لانه مايبي يستعجل ريماس...
םםםםםםםםםםםם
الساعــ9ــه..طلع من الشركه وهو يحس بالنار في قلبه مابغى تروح عليه له فتره يفكر فيها بجديه الكل يمدحها والكل يتمناها له حتى بدر قاله لو مكانك آخذ وحده من لحمي ودمي اضمن ...تشجع خصوصا ان ريماس تغيرت عليه وكل يوم لها حال ...بس الحق انه غار ان بنت خالته ياخذها الغريب وهو يطالع يمكن مايصونها ولا يسعدها.... لحقه معتز متعجب من صدمته اصلا يوم قاله عنها قال له كاسالفه عاديه يحسبه داري عنها وغير كذا هو متأكد ان ريماس ماتهمه ورفضها ليه عصبيته هذي...ركب معه وسأله وش فيه..بس مازن عصب/ ليه خالي ماشاورني؟
بغيظ من تقلب مازن/ليه ولي امرها!
مازن/لا ولد خالتها وأولى من الغريب..
معتز/وش تقول انت مو بغيت تنجلط يوم ابوك شاورك؟
بعصبيه/ولو المفروض يقول لي.
معتز/غلت عندك الحين..و بعدين وينها عنودك؟
مازن/مدري بس بنت خالتي ماراح اعطيها للغريب لو وافقت هي بنفسها...
معتز/انت انهبلت!!
بتحدي/اللي سمعته!!
ـ ــ ـــ ـ ــ ـــ ـ ــ ـــ ـ ــ
مر 4ايـــام على غياب مازن ..
محد يدري عنه حتى بدر و جواله مغلق وسيارته تاركها في المزرعه....اشغل بال الكل بس اللي مطمنهم انه كبير وفاهم...
كان مسافر يغير جو حبيبته لها حول اسبوعين ماترد عليه ولا حتى ترسل عجز معها... يوم قرر يكلم اهله ويخطب بنت خالته بعد مافقد الامل في عنوده طلع متأخر ومتأخر كثير تنهد وانسدح خذ جواله و فتحه مع ان العاده مايفتحه إلا قبل الفجر عشان يشوف إذا حبه ردت له ويضمن محد يدق له...
فتحه بعد صلاه العشا وجاه مسجات من الكل يسأل وينه نزل السهم يدور اسمها بين المسجات طار من الفرح و فتحه بس ثواني وماتت الابتسامه على شفاته اغتيلت فرحته كانت مرسله/
(انتهينا اقولها بقهر الظروف كانت ضدنا انا انخطبت واهلي موافقين.... وبسبب اهمالك ومماطلتك خسرنا بعض اكيد الحين فرحان بس الله يسامحك مدري كيف هنت عليك...وبحق الصداقه والحب والاخوه اللي ربطتنا تروح بحال سبيلك و تنساني والله يوفقك ...وبحاول احقق جزء من احلام رسمنا نحققها سوا بس ربك ماأراد)
كان منسدح قام وجلس يحس بضيق في التنفس يحس بهوا الغرفه انتهى .. وقام يفتح الشباك ووقف عنده ....
===============
=================
كنت أقول إن ضاقــت الدنيا توســع وأتساءل ليه ضااااقت في عيوني هالوسيــعه لين شفت الخافــق اللي حب من جدو تولـع يحرقه وقته وصارت أيامــه حزينه منحرف حظي وأعرفه طــول عمره ماتسنع
من عرفت الشــوق قااااسي والهوى هذا صنيعــه ياحياتي حط يدك فوق هاالقلب وتسمع
بس لاتسأل دخيلــك ليه دقاته سريعــه يوم شفتك داخل عيوني نماحــب وتربع يوم شفتك والحياه القاسيــه صارت بديعــه كيف أعيــش وبعدك أنفاسي بها موتــي تمتع
كيف وأحلامــي غدت دونك كوابيس شنيعــه والحزن آآآه الحزن فيني به الخــافق تشبع ليه حملنــي تناهيد و حمل ما أستطيعــه آآآه من قلبي وأنا أشوفه مع الوقت يتقطــع يامر
عيوني تهل الدمع وعيونــي تطيعه أنت حبــك غيركل الحب لوربعه توزع كل واحد ماعشق قلبه يبي يصبح صريعــه عاد تدري لو هوى كل الخلايــق لك تجمــع ما يجي ذره من إحساســي مدام إنك شفيعه
يازماني دامــني ماأقوى على عنادك تشجع وأرسم جروحي وأنابشكي على رب الشريعه
ياالله إني طالبــك من قلب صادق ويتضــرع لايجي بيني وبينه كــره وأحــزان وقطيعــه
ياالله إني طالبك وإن ضاقــت الدنيا توســع لين تفرج والحياه تصير بوجــوده وسيعــه
=================
===============
...آه ياقلبي خلاص كل واحد له طريق له عالمه الخاص وشريك جديد خلاص ماراح اسمع صوتك معقوله بتصيرين لحد غيري يدللك ويجلس معك وياخذ راحته ويمكن تحبينه مع الوقت !!
فتح انشاء رساله وكتب لها/
(كانـك على قولك تمنى لي الخير ساعدنـي انسى حبك اللي خذاني ـ خلى حياتـي كلها تنقلب غيــر وانسى الحبايب و الزمن و المكــاني ـ حبي لك ابلغ من جميع الأساطيــر ماله بقاموس الهوى وصــف ثاني ـ لاشك انا أشعــربالنهايه وش تصير و احسب حساب فــراقنا بالثوانــي ـ بيني وبينك واقــع الحال تحذيــر وعند المــوادع ماتفيد الأمانــي ـ عندك خبر مثلــي بحكم المقادير على هوانــا صادر الحكم فاني ـ كرهنــي بنفسك ولو بذنب صغيــر القى بها عذري وعــود لزماني ـ المشكــله انه مابدر منك تقصيــر هذا يزود واقعك في كيانــي)
ارسلها وقام يجمع اغراضه ويسلم المفتاح دامه خسرها مايبي يخسر دمه لازم يرجع ويطلبها من خاله اكيد ماراح يرده...رجع لرياض ودق لبدر وهو في الطريق يقابله في المزرعه بس مايخبر احد...
=============
================
صدقني ماهي في صالح قلبك الفرقى صدقني انك بتتعب لو تفارقني جرب وابعد وانا اللي بنتظر وابقى عشان إذا قلت لك كلمه تصدقني
================
=============
المـــزرعــــــه...
...رجع لرياض الساعه 11 م
وقف عند بوابه المزرعه ونزل يمشي على مايطلع اسماعيل(عامل المزرعه)يفتح له...كانت الدنيا ظلام لان انوار المزرعه طافيه ومشى على نور سيارته وابعد شوي عن المزرعه وجلس على مكان شوي مرتفع وتنهد بحسره وده يبكي يطلع الضيقه اللي فيه انسدح بتعب وقام يطالع السما والنجوم و القمر و سمع عوى الذياب الجائعه من بعيد تنهد وقال/...
(ياذيب جرالعوى وازعجه وين
وين العوى ياذيب صوتك عشقناه
جره وانابهديك من القلب بيتين
نذكربها ياذيب قاف بديناه
ابذكر الخافي وماشافت العين
واللي جرى للقلب من جور دنياه
واجاوبك بالحال حزن وعناوين
لين الدموع تفيض والهم ونجلاه
الذيب لو يشكي شكى هم ثنتين
اما بلاه الجوع أوقارص(ن) جاه
لاوا هنيه يوم يرقى الجبل لين
ياصل طويل ويزعج الصوت بعواه
مير البلا منهو همومه ملايين
لو ينجلي مليون ملايين تتلاه
الهم في صدري كتب له دواوين
وان ماكتب يصعب على القلب ينساه
لوينشكى همي لقاضي المساجين
برى الجميع ومأبد السجن نجاه
حتى الرضيع اللي على الوقت يومين
يشب راسه خايف الدور ياطاه
و ياويل من حده زمانه على شيئين
حظ ردي وإلاعضيد تناساه
صارت حياته تجتول بين نارين
نار الامل مع نار علم تحراه
عهد علي والعهد في وقتنا دين
لهزم صليب الراس ومافات بنساه
واشيل انا حظي فوق الذراعين
و اصيح انا بالصوت يارب انساه)
... بعد ¼ ساعه دق جواله حصله بدر وقاله يدخل ...
رجع لسيارته ودخلها وسلم على بدر اللي تعجب من شكله محيوس وشعره مو مرتب حتى ملامحه ذبلانه دخلوا المجلس وجاب اسماعيل القهوه والشاهي وتقهووا ثم طلعوا يتمشون في المزرعه.....
بشفقه/مزون...
صد له من دون يتـكلمـ
بــدر/كيفك الحين؟
صد وتنهد/بدر من جيت وانا اتصدد عن هالسؤال لاتضيق صدري!!
بــدر/وليه ناديتيني مهوب عشان تنسى وترتاح...هي خلاص صفحه وانطوت انساها وعيش حياتك من البدايه قلت لك خذ قريبتك اضمن...
بضيق/و ماادراك قريبتي مخطوبه وخالي يقول وافقت...
بدهشه/اوف...
مــازن/وجهي نحس!!
ضحك/مو لهالدرجه... انت رجال ونعم فيك والله لو عندي اخت غير ام حسام لحط يدها بيدك مجهزه خالصه!!
ابتسم/ياليت....
بــدر/طيب مو لازم بنت خالتك خل امك او خواتك يدورون لك!!
مــازن/حظي ماش يوم بديت اقتنع في بنت خالتي وبدت تشغلني انسجنت ويوم طلعت حصلتها انخطبت بس والله حسيت اني بسعد معها واسعدها اقلها كنت شايل لها مشاعر واحنا صغار حتى تربيه برا ماخربتها بالعكس تمسكت باخلاقها على كلام الكل..
بــدر/...............
مــازن/مستحيل اخلي غيري ياخذها باخذها غصب عن خالي وعن بنته حتى لو كانت تبيه !
/لاتعاند يامازن خالك طيب وحبوب اصلا ماتوقع يعطيها الغريب انت اولى بس يمكن نرفزته...
نزل راسـه /شسوي يابدر لو كنت بمكاني وانهدمت احلامك فجأه ماراح تحاول تشبث بشي بسيط احسن من تخسر كل شي!!
بــدر/احمد ربك وارضى بأرادته لاخسرتهم على الاقل عندك اهلك حاطينك على روسهم يحبونك ويهتمون لك اهل تسند عليهم لاحتجت تلجأ لهم لاحسيت بضيق وبعدين عندك اخو صدق اخو لو بغيت عيونه عطاك وخال وعيال عمك بصراحه لو منت صاحبي حسدتك ...ياخي من شاف مصايب الناس هانت عنده مصيبته وزواجها مو اخر الدنيا...ابسط مثال عندك انا(تنهد)شف حالتي لاأم ولاابو مثل الناس واختي سافرت مع زوجها لو منت في حياتي مدري كيف كنت بعيش بس الحمد لله ربك لاسلب منك نعمه عوضك بغيرها...إذا بتاخذ شوري لاتضايق وتزعل عشان شي تافه لان ماراح يتعب إلا انت ويمكن تتهور و تسوي شي يهدم الرابط العائلي بينكم وبيحملك الكل المسأوليه بكذا بتندم صح..خلها تزوج وتفرح وتعيش حياته دامها مقتنعه حرام عليك هذي ابسط حقوقها يكفي انها يتيمه لاتكسر نفسها..انا لو مكانها و وافقت وبعدين طلعت وخربت علي اقلها بدعي عليك....
قاطعه/خلاص بدر تكفى كرهت نفسي ماابغى اسمع شي..
بــدر/اجل خلنا نرجع نتعشا وإلا يجيب لنا طباخكم تصبيره تراني ميت جوع!!
مــازن/ومن سمعك...
دخلوا وحصلوا العشا جاهز....
=============
================
* لو ينال المرء إدراگـ المطالب بالتمني گـان جل هموم قلبي تنتهي لو قلت ليت *
================
=============
؛¦؛¦؛¦؛¦؛¦؛¦؛¦؛¦؛¦؛¦؛¦؛
...صحى شاف المكان اللي فيه تذكر انه نام هنا مع بدر على طاري بدر وينه اتوقع انه بالدوام خصوصا ان الساعه 9
طلع لشركه بعد ماشرب شاهي وتوجه لمكتب خاله اللي طار من الفرح يوم شافه بس مازن ماعطاه وجه وعصب عليه لان خاله رفض يعطيه بنته بحجه ان مازن رفضها قدام الكل بس رحمه يوم شاف شكله كان باين الارهاق على ملامحه ومتوتر
حاتم باهتمام/حبيبي تعبان!
باكبريا/لامافيني شي بس لعلمك بنتك لي وماراح اسمح لحد يقرب منها لو تعنس ببيتك!
عطاه ظهره وطلع يحس باهموم كبر الجبال على كتوفه
محتاج لاحد يواسيه يطبطب عليه يحضنه بس وينه هالاحد مافيه إلا هيثم وفي الشركه ومعتز صعب يشكي له خصوصا ان اخته طرف في الموضوع بقى هي هي اللي احتاجها هي اللي تفهمني و تحس فيني طلع جواله ودق لها يطلعها يتمشون بس ماردت اكيد نايمه ..
دخل بيتهم كاره نفسه خاسر كل شي حصل امه في الصاله من كثر ماكان شايش نسى يسلم عليها وقال ان بنت خاله له وانه بياخذها غصب عن خالها وطلع لغرفته استغربت بس اللي متأكده منه انه كان رافضها بس شكت انه شايف على خطيبها شي وإلا ماعصب كذا.. دقت لاخواها وعلمها بالي صار مع مازن وانه يبيها بس اكيد ماراح توافق وهو مايقدر يجبرها لانها عرفت برفضه لها من قبل...
سكرت من اخوها وطلعت لمازن طقت بابه بس ماتكلم وفوق هذا قافل الباب راحت لميهاف تصحيها تروح له بحكم قربها منه لكن هو نام على غصه نام والالم يحسه بروحه وقلبه نام وهو مو مرتاح لالقراره ولالقرار خاله ولالقرار عنوده نام على امل غدا افضــل
... صحصح على صوت الباب يطق قام بكسل وفتح لقا ابوه بس كان مفول(معصب على الآخر) تقدم يسلم بس ابوه دفه و طالعه بحتقار/انت ماتقولي ليه كلمت خالك كذا وليه تكلمت عن بنته بهالطريقه إذا متوقع انك باسلوبك هذا بتجبر خالها فانت غلطان انت بكذا خسرتها وبعدين وش معنى بغيتها بهالوقت تفكر الناس بكيفك ...شوف مازن انا ماراح اسمح لك توقف بطريقها يوم الكل يتمناك لها شفت حالك عليها وبزيت بنفسك ويوم جالها نصيبها تبي توقف بدربها بس انا اول واحد بيرفض ويردك ...وش هالنذاله فيك تبغــ.....
يقاطعه/بس انا من جد ابيها واحق بها من الغريب انا كنت....
قاطعه كان بيقول ناوي اخطبها قبل السجن بس ربك مااراد/شوف عاد لو ضايقتهم لاانا ابوك ولا انت ولدي!!!
طلع وتركه بحيرته ياناس افهموني والله ابيها وكنت بخطبها بس هذي اراده الله
سكر الباب بقوه وصوته رجعه للواقع وان ابواب الحلم تسكرت بوجهه حتى ابواب الواقع صفى بدون خاله و لامعتز حتى هيثم وينه ....
جلس على الكنب ونزل راسه على يدينه بكى مثل الطفل عنده احساس انه مايقدر يرجع كل شي مثل ماكان...
جلس قرابه ثلث ساعه على هالحاله...
===============
==================
حلفت انا مشكي علي الناس همي إلاعلي رب البشر جآلي الهم:وعندي خبرصفو الزمن مايتم لويستمر سنين وشهور ماتم:حظ مقرود ودنياتفرق ماتلم شرها يعم وخيرهاخص ماعم:شبت ياخوك منهاوارتفع ظغط دمي حتي نحلت وصرت عظم بلا دم
==================
================
حس باليد الحانيه على كتفه طاحت دمعته... مثل عوايدها تجي مثل الملاك بوقت حاجته لها اكثر من اي وقت ...
وهمست/استهد بالله..
(وعسى ان تكرهوا شي وهو خيرا لكم)
لما طاحت دمعته على كفه ماكان منها إلا رفعت يدها لراسه ومسحت عليه رفع راسه وحضنها بحرقه قلب حضنها بضيقه/تعبا ا ا ا ن ياميهاف ..
مررت يدها على ظهره برقه جلس ثواني بحضنها حس بالراحه وتنهد ماقدرت تقاوم دموعها وبكت رفعت راسه/الله يخليك مازن قوم غسل ماحب اشوفك بهالضعف والانكسار ..
دخل بهدؤ وسمع الحوار فرح من قلبه يوم قالت له امه ان اخوه رجع بس يوم شاف هيئته كسير غارق تايه لا حول له ولا قوه ضاق صدره دخل وسكر الباب وقرب منه جلس على الطاوله قدامه ويوم انتبه له مازن نزل راسه بأسى...
/شوف مازن خالي رفضك وانت عارف ليه مارضى لبنته الأهانه وانت رافضها قدام الكل يوم جا نصيبها توقف بوجهها ..حبيبي لو تهورت و سويت شي مو زين لها تعرف وش بيسوي اقلها بيخطب لاحمد بنت خاله خصوصا ان خال احمد مو بس لمح جابها له بصريح العباره ان بنته تنتظره ......
يقاطعه/وش دخل هذي بهذي احمد قال انه مايبي الابشاير !
هيثم/ومن قال وش دخل لاتنسى هاللي بتخرب زواجها اخته وغاليه عليه هذا شي والثاني لاتنسى وقفت خوال احمد مع خالي يوم سالفه قصاص اللي قتل خاله عمد(خال حاتم اخو امه) وقتها مالنا كلمه عليهم مازن اختك بنت مالها إلا سمعتها لو تركها احمد مستحيــل احد يتقدم لها لكن انت تقدر تتركها خصوصا انك كنت رافضها وبعدين ما تدري خاف ربي يسهلك مع عنودك...
نزل راسه بين يدينه وقال بكل قهر /وإذا عنودي تملكت.....
نزلت دموعه بنسيابيه...
تملـــ ـــ ــكت
تملــ ــ ـكت
تملـ ـ ـكت
بقى صدى هالكلمه يصدح بأذن هيثم وميهاف حبه راح اللي يحلم فيها تركته اللي حارب عشانها بتاخذ غيره طالع اخوه يستشف من نظراته وش يدور في باله بس شاف الضعف....
===============
[*****="00008B 808080 008000 4B0082"]==================
تبي تشـــوف الـذل بــصورته صح.... شـف دمعـــه الفرقا على خـد رجـــال....
==================[/*****]
===============
قام وجلس جنبه من الجهه الثانيه وضمه بحب وحنان وشفقه لحاله...
سحبه من حضنه ومسكه من كتوفه ورفع راسها ناظره بنظره اخرقته لداخل وصلت قلبه ووقف ووقفه معه بشموخ وطلعوا للبلكونه وقف وسند ايدينه على السياج اما مازن سند ظهره على الجدار ورافع رجل وصفطها وساندها على الجدار ومنزل راسه يطالع الارض بانكسار ...
قام يطالع للحديقه بتأمل كانه اول مره يشوفها لكنه سرحان كيف ممكن يزيح غيوم النكد والهم من سما اخوه قال من دون يصد له/شوف مازن الدنيا كبيره وكلن له شي مقدر له من صغره "صد له"مازن لو تضعف وتندب حظك ماخاسر إلا انت هي خلاص انتهيت بالنسبه لها دام دخل حياتها غيرك حتى لو ماكانت تبيه
وتبيك انت ...انتهى كل شي و المفروض تفهم هالشي هذي قسمة ربك وإذا تحبها وتعزها انساها وريح راسك لانها لو تقدر اكيد بتقول سامحني و باللي كان بيننا انساني تدري ليه لانها تحبك وماتبي تضرك ....مازن عشانها و عشاني وعشان ابوي وعشان بنت خالتك هالمسكينه اللي ما شافت من الدنيا خير كافيها مافيها
يا مازن انساها وانسى عنودك لاتقنط من رحمه ربك الله قادر يرزقك الاحسن منهم وإذا لك نصيب مع وحده منهم والله لاتاخذها غصب عن الكل بتنفذ اراده ربك لو بعد 100سنه
"مسك يده برقه"انت مو صغير لفيت العالم وعشت برا و عندك خبره مايستهان فيها لو وقفت هنا وقمت تطالع الماضي بتتعب و ماراح تعيش الذكريات الصعبه دايم نسعى لنسيانها لانها بتدمرنا .. شوف الجاي شوف نفسك تفائل بالخير تلقاه صدقني الحياه اكبر من انا ناقف على الاطلال وننتظر ناس راحوا حاول إنك تتخطى هالمرحله ولعلمك يوم تركتنا قالي معتز كل شي وادري انكم ماخذين موقف من بعض بس انا عندي لك راي لو مانفعك ماراح يضرك"حط يده على كتفه" روح تسامح من خالي وطيب خاطر معتز والاهم ابوي تراه ضايق للآخر من كلامك على خالي وبنته مازن لاتخسر عشان وحده اهلك وناسك وممكن ماتكون لك قول لهم انك سويت كذا ماتبيها تطلع برا للغريب و دامكم راضين الله يوفقها...و الله يامازن بعد هوشتك مع خالي قبل تسافر انه قال ما تمنيت لها إلا هو بس هو اللي رفضها... شوف ياقلبي انزل الحين وستسمح من ابوي ونطلع لمعتز وناخذه و ندخل لخالي وطيح بحضنه و حب راسه والله خالي طيب و مايشيل بقلبه وانت تعرف انت بالذات وش تعني له صدقني ماراح تندم لو سويت اللي قلته...
كان طول الوقت صاد بعيونه عن عيون هيثم قال بضعف/بس انا حطيتها في بالي من قبل السجن بس الظروف هي سبب تأخري....
سند راسه على الجدار وعقد يدينه على صدره وتنهد
قرب منه هيثم /ادري صعب عليك بس حاول تشيلها من بالك على الاقل عشانك بالله شفت نفسك بالمرايه شوف كيف شاحب وجهك وكيف ذبلانه عيونك...
قرب منه ومسح على راسه مو زين لك هالضيقه عشان وحده تعرفها بالاسم بس ....
/آآآآآآآآآآه
بحب/سلامتك من الآه ياخوي..
حضنه ومسح على كتفه بحنان وبعده عنه/انا بنزل عند ابوي لاتتأخر...
ابتسم بحب وشكر لأخوه/مدري من دونكم كيف بعيش...
رد له الابتسامه بابتسامه اعذب/
خلك مثل ماعرفك قوي و ماتهزك ريح...
/O.k بدخل اخذ شور وانزل.
/ايه هه هذا مازن اللي اعرفه "طقه على كتفه" لاتتأخر.
/ان شاء الله...
مشي بس التفت يوم تذكر/
مدري يحق لي اسأل وين كنت!
ابتسم/كنت بالشرقيه وصلت البارح ونمت مع بدر في المزرعه....
طلع وراح لميهاف لقاها جالسه سرحانه بغرفتها طمنها على اخوهم ونزل تحت..
؛¦؛¦؛¦؛¦؛¦؛¦؛¦؛¦؛¦؛¦؛¦؛
وقف مع نفسه ودوزن الحكي براسه لقى اخوه صادق و الحق معه بكل كلمه قالها صح يحب عنوده ويتمناه لرمق الاخير بس هذي اراده الله و مافي يده شي حتى بنت خاله من كلام اللي حوله عنها ارتاح لها حلم لوقت بسيط فيها بس طلعت مو من نصيبه تعوذ من ابليس واقنع نفسه تتأقلم وتحاول تنسى لتعيش وتحب من جديد...تنهد بألم مهما حاول ينساها بيذكرها و مهما دفن ذكراها ماراح يموت لانه يصرخ جواه بكل لحظه ...
آه ياريماس من كان يتصور هالنهايه الحزينه لحب حقيقي من يتصور ان كل واحد بيعيش بعيد عن الثاني تحكمه حياه خاصه وظروف مختلفه وانسان مبهم انسان ما يعرفه ولا يعرف حقيقه مشاعره من يصدق انا خلاص انتهينا لارسايل ولامكالمات حتى الاشياء اللي رسمناها معا اصبح محضور علينا التفكير في تحقيقها زفر بضيق وش يسوي عشان يخمد براكين احرقت قلبه....
================
===================
لك وعد مني وأنا إنسان
وا ا ا في.. تبقى لي اعز الناس إن جيت وإن رحت..
===================
================
¼ ونزل بحله جديده لابس ثوب وشماغ وكاشخ ومتعطر والاجمل من هذا ابتسامه مشرقه على وجهه طمن وحب راس ابوه وخشمه ثم امه قام هيثم وجلس مازن مكانه جنب ابوه وخذا يده و باسها/سامحني يالغالي فشلتكم عند خالي وغلطت عليه بس كان قصدي انها ماتطلع برا بس دامنها موافقه وخالي راضي الله يوفقها
و بروح لخالي واستسمح منه..
مسكه ابوه /الله يكملك بعقلك ياولدي بس دام البنيه وخالها موافقين ماعليك انت منت احرص من خالها ...
... طلع مع هيثم ودق هيثم لمعتز...
/هلا ابو تركي.
/هلا ابو ندى..شخبارك؟
/الحمد لله...."استغرب الصوت"مازن!!
/يعني ماعرفتني ..بذمتك مادق قلبك لصوت...ههههه
/لامادق ..
/افااااا من قلبك
/وش رايك...توقف بوجه اختي وتبيني ارضى مازن ما شفت خالي بعد ماطلعت و رحت له شفت انسان عمره 60 سنه منزل راسه هموم العالم على كتوفه ليه يامازن وإلا لانك عارف انه يحبك و مايرد لك طلب تجرحه تصارخ عليه تحداه وتسب بنته شوف لو كان يبي يخسرك كان رد من اول مانخطبت لك ورديتها كان يقدر يوقفك عند حدك بس لانه مايبي يسبب شرخ في العائله بلعها وفوت لك كثير.....
/............
/تدري يوم وصلته لبيته
وش قال ..يقول شكله تعبان وكاتم بقلبه ماحبيت اخذ و اعطي معه وهو كذا...
هالكلمات مست وتر حساس بقلب مازن هو اكثر واحد يعرف خاله وكل اللي قالوه جزء بسيط عن نوع علاقه خاله معه بس بلحظه غضب كان بيدمر كل شي لكن لخبره خاله واتزانه سايسه و رضى بأقل الخساير السب و الشتم وش يجي مقابل تفرقه وخلاف وانقطاع كان بيكون بينهم تمنى ان خاله عنده بهالحظه عشان يطمن يبوس رجلينه ويدينه
/وين رحت
انتبه على سكوت معتز/معك حبيبي انا داق عشان اقولك اطلع ترانا وصلنا ونبغاك تتوسط لي عند خالي..
بفرح/صدددددق
/اي والله وهذا حنا وقفنا اخلص...
/هــوى
......
.........
................
..........
......
..طلع لهم بعد دقايق شاف مازن على الدرج جالس ينتظره ووقف له وسلم وحضنوا بعض ثم انسحبوا ورجعوا وحضنوا بعض من جديد مو مصدقين..
جالس يطالعهم بفرح بس مثل الطفش قدامهم/ترا مالي خلق فلم مكسيكي هالحزه...
معتز/هههه يالله مشينا وركب ورا مع مازن..
هيثم بقهر/ورا محد يركب معي قدام احس نفسي سواق شيوخ!
مازن/هذي هي..
معتز ومازن/ههههههه
معتز/روق يابن عمي عادي
هيثم/عادي في عينك..
وصلوا ونزلوا دقوا لاحمد بس حصلوه مقفل دق معتز تليفون المطبخ وطلعت الخادمه تفتح ودخلوا للمجلس ومعتز دخل داخل شاف خاله جالس وحاط راسه على ايدينه بطريقه تكسر الخاطر وشاف ريماس عنده اشر لها ودخلوا المطبخ سألته وش فيه خالها قال/ سالفه بينه وبين الشباب اطلعي فوق وهم بيدخلون له.
طلع لشباب وناداهم اول ماشاف مازن خاله عض على شفايفه عز عليه يكون سبب ضيقه انسان غالي عليه جلس قدامه بين رجلينه وسحب يدينه قال بندم واسف /اسف ياطويل العمر ماكنت عارف ان اللي سويته بيجرحك والله ندمان من قلب ..وبوس يدينه سحبه خاله وقومه معه وحضنه بتملك وده يدفنه بصدره هذا الغالي ومهما سوا معه بيظل غالي
حاتم/كنت بنجن من الكلام اللي قلته اليوم قلت مو مازن اللي يسوي كذا وفعلا اثبتت هالشي...
ابتسم بفرح/المهم لايضيق صدرك على شي مايسوى ..
حاتم/من اللي مايسوى انت ولاريماس والله اثنينكم عينين براس..ماقلت لها اللي صار خفت تعقدها من الزواج
بعد ماانزاح همه/ياالله مشينا انا عازمكم على الغدا انت زعلان وابو ندى زعلان...
قاطعه معتز/والله مازعلت إلا وانا عارف معدنك وعارف انك بترجع ولد عمي اللي اعرفه
هيثم/الحمد لله "يطالع مازن" خلك تاخذ درس من اللي صار..
حاتم/يالله يابو الشباب انا جوعان وبسبتك انحرمت من الغدا..
معتز/اجل انا تغديت ادري مهون على المزيون كنت حاس انه بيصلح غلطته ..
طلع حاتم يبدل ملابسه لقى ريماس عند هند في الغرفه و استانست يوم شافت خالها مروق واستاذنت وطلعت كانت بتروح للغرفه وتذكرت سمر نايمه مابغت تزعجها ورجعت لغرفه نواف بس جا في بالها تطل بشويش على الصاله ودها تشوف مازن بس خافت يكرشها خالها(يكرشها=يكشفها ويعصب عليها)
و دخلت عند نواف.......
♥♥♥♥♥♥♥♥♥♥♥♥
بعـد3 ايــام من صـلح مازن
الخميـــس 6 المغرب...
===========
حدد ملاك ريماس بعد اسبوع رغم ان خالها عقب ضيقتها ذيك قال ان القرار لك وانتي حره بس هي قالت راضيه فكرت بعقل لقت نفسها بلا اب ولا حبيب قالت يمكن الله يعوضها به عن الكل.... ومن بعدها تحاول تشغل نفسها في المطبخ او عند هند او تجلس معهم تحت كرهت التفكير وطيوف مازن اللي تداهمها بخلوتها حتى مافكرت تتسوق للملكه وقالت ان عندها فساتين سهره جديده رغم اصرار هند وسمر يجهزون لها بس ماغيرت رايها
______________
..دخل غرفته الساعه 12 ونسدح على سريره بتعب من بعدها وهو يتظاهر قدام الكل انه بخير بس هو مهموم متضايق يعيش لحظات صعبه وصعبه جدا..
تذكر يوم ارسل لها العصر مسج يقولها تمر تاخذ امانه لها بمحل الهدايا..
والرساله الثانيه ...
(اكبر قهر ليشفت محبوبك مع الغيــــر...يعطيه مثل ما كان يعطيك...لا تقدر ترده ولا معك تدبير...وعندك خبر عقب الغلا ما يدانيك !!)
وقام لميهاف وعطاها عقد الماس لريماس بنت خالته
=====
ارسلت ريماس السواق العصر وجاب امانة مازن كانت صندوق مخملي حجمه وسط لونه اسود بلون الايام اللي اتركته فيها جواه ورد مجفف بوسطها دفترها اللي اهدته في المطار "نزلت دموعها خلاص مازن بدأ يتأهب لنسيان يتوقع بيوم بنساه ابتسمت من بين دموعها بمراره يوم شافت دبدوبها اللي اهدته له يوم سفرها لروما ضمته لصدرها" وساعه فخمه
مرصعه بالماس وطقم الماس روعه
وكرت احمر فتحته برقه ...
(الحب ليس مجرد أن تقول لشخص ما انا احبك الحب هو الحب وان لم تقل ذلك الحب تضحيه تعني ان تبقى صامتا من اجل البعض فالحب ليس حب الملكيه بل هو ان تضحي بسعادتك من اجل سعادة الآخرين....)
بكت بقهر يوم فتحته وشمت عطره فيه.... كل شي انتهى كان عندها احساس بهالشي بس تكتمه ..عندها احساس انه لها بس اليوم من بعد الحوار اللي دار بينها وبين خالها تعمدت تقتل هالاحساس لان مازن انهى كل شي قبل وصول خالها المغرب لكذا وافقت برضى أو بالاصح بغصــه !!...
[*****="8B0000 FF6347 008000 4B0082"]
================
-وش توقعاتكم في مازن هل ممكن يتــنازل عن حبه او يصارع من جديد ام فات الاوآن؟
-ريماس هل بيجي وقت و تشكر ظروف اللي جمعتها مع بنــدر ؟
-بشور لمتى بتكتم الصرخه بقلبها وتبلع القهر بصمت؟
- "مــلح الحــياة"
ميهاف ومعتز متى يفرحون قلوبنا وينزفون؟
================[/*****]