المشاركة الأصلية كتبت بواسطة (قلب طاهر)
السلام عليكم ورحمة الله وبركاته
صدمتوني بالردود
هلق يمكن البيئة بتختلف ... انتوا الخليجية الكم جوكم ونحن لبنانية النا جوّ تاني ...
بس على حد علمي دينا واحد ...
كيف بتقبل اي بنت فيكم تتزوج او تكتب كتابها (عقد الزواج) قبل ما تتعرف على شخصية يلي بدها ترتبط فيه ...؟؟؟؟
انا بعرف بديننا حرام تقعد البنت والشاب لوحدهم ... بس المفروض يقعدوا ويكون معهم محرم...
بعدين هيدا زواج يعني تأسيس عيلة ... لازم يشوفوا الطرفين (الجنسين) اذا اهدافهم وحدة للحياة المستقبلية ... طموحهم ... تفكيرهم ... شخصيتهم فيها نوع من التطابق ....
الزواج مش خبط لزق ... يعني اذا تقدم لخطبتكم عريس وشوفوه اهلكم انه منيح (متديّن متعلم .. صاحب مسؤولية ... ناضح .. قادر يفتح بيت ...الخ) ... مش بالضرورة توافقوا عليه .. لأنه ممكن ما تتوافق شخصيتكم بشخصيته...
ولازم تكون فترة الخطبة قبل عقد الزواج (كتب لكتاب) فيه نوع من الصراحة ... اظهار كل طرف جوانب شخصيته الاجابية والسلبية (شو بتحب/ي شو بتكره/ي..الخ)
وبعد كتب لكتاب بصير فيه بعض التبادل بالكلام الغزلي والحب وتعديل بشخصيتكم لحتى يتم التوافق ...
وبعد الزواج بحقلكمتحكوا لبدكم ياه ...
بس مش متل قلتوا يقضيها العريس يبعتلكم هدايا ...
اذا الشاب يلي بدي ارتبط فيه بس قضاها يهديني هدايا من دون ما يحكيني عن شخصيته ... بعتبره عم يضحك عليي ..
يعني قيمتي بقيمة لهدية .. بس مش معتبرني كأنسانة رح بتكون رفيقة عمره
لازم يكون فيه وفق ونضج من الطرفين ... مش كله تشبيع للغرائز
اظهار كل طرف عن شخصيته(قبل كتب لكتاب) .. تفاهم وتعديل بالشخصية (قبل وبعد كتب لكتاب)... نوع من الغزل والحب (بعد كتب لكتاب وبعد الزواج )
بعتذر عن الاطالة ... بس حبيت وضّح فكرتي