صح لسانك ياراكانالمشاركة الأصلية كتبت بواسطة راكان محمد[align=center]
جديد وخفيف للتواصل
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تحسبنّي في هوى لابس الطوق=يا صاحبي أرضى أكوّن علاقه
مالي على اللي مشيها داخل السوق=تفتح على العشاق للشوق طاقه
مطفوقةٍ تلقى مع الخلق مطفوق=اللي يحب مجمركات البطاقه
أنا هواي وسلوتي فالبشر شوق=غيره أبد مالي عليهم شفاقه
هافي حشا أدعج غنج مبسمه ذوق=صافي خفا طابع هروجه لباقه
اللي مكانه داخل القلب مرموق=وحده بقلبي ما يلاقي رفاقه
افرش له بصدري مع الشيح زملوق=وأحدّد بروحي وقلبي نطاقه
دم الغلا فالقلب للروح مدفوق=والقلب زايد من عناه اشتياقه
قدره على راسي رقا وأعتلا فوق=زودٍ على حبه ملكني صداقه
والله ما غيره من الخلق مخلوق=أعشق وصاله وأرتشف من مذاقه
هذاك حبه حط في قلبي حروق=محدٍ أبد غيره عشقته عشاقه
غيره يجي ويروح ما رف له موق=عيني لغيره لو تناظر حماقه
ما نيب ألوّح في هوى كل غرنوق=يكفي من البستان فالورد باقه
نظمت أنا ذوقي على كم طاروق=غيره فلا أبغى لو يزود احتراقه
لاتحسبني في هوى لابس الطوق=أرضى أكوّن يا رفيقي علاقه[/poem]
أخوكم / راكان محمد
"[/align]
بيض الله وجهك
رايع رايع