حياك الله ياناصر

بداية احب اقول لك صح لساانك ولاهنت ابيات جميله

لكن عندي شوي ملاحظات ممكن تكون اخطاء املائيه وممكن تكون اختلاف لهجات

مجرد وجهة نظر لاتقلل من شاعريتك لكن اتمنى تتقبلها برحابة صدر



*ياناشدن عن الحال من عبر جوال =صار الرجا عقب اللقا باتصالك


اتوقع النون مالها داعي في كلمة ياناشد مسويه خلل لو تركتها ياناشد عن الحال مافيها شي




*تدري أبشرح قصتي وأشهب اللال =وأنت بعدها أشرح إذا جا مجالك


كلمة انت هنا ماتمشي لازم تنطق انته بالهاء اذا كنت تنطقها كذا اكتبها بنفس الطريقه عشان اللي يقرا مايقول البيت به خلل


*ياليت أبويه عم ياليته الخال =حتى عليه يكون سهلن منالك


*لكن مايربط أبويه بك وصال =فلاهوب لا عمك ولاهوب خالك


البيت الاول احس كلمة عليه مالها داعي انت اللي ترغب المنال مو ابوك المفروض تقول ( حتى علي يكون )


والبيت الثاني الفاء في كلمة فلا زايده بدونها البيت كامل



*ولأن الغلا باقي من أول ولازال
*لأني وربي باني في وصلك آمال =ولأن الغناة في شي يعني وصالك



كلمة لأن في كل الابيات لازم تنطق ( لن ) لو قريتها بالهمزه ماتمشي عشان كذا اقول لك ياليت تكتب الكلام مثل ماتنطقه حتى يتسنى للقارئ الاستمتاع بالابيات
وكلمة في ايضا لازم تكتب فاء فقط ( فوصلك + فشي )

*ولأنك وربي الربح واصول الأموال


البيت هذا فيه ثقل ينطق مع اللحن بصعوبه كله من ياء كلمة وربي والهمزه في كلمة اصول يعني لوقلت


لنك حلاة الربح ياراس الاموال


ايضا كلمة لأن تنطق لن




*والا اتركيني اجر للهجر موال

هنا اتوقع انك تنطق الكلمه بنهاية النون بدون ياء لان الياء تسبب ثقل




مثل ماسبق مجرد ملاحظات واتمنى قبولها

وانت شاعر مبدع اتمنى تنتبه للاملاء وانت تكتب حتى لاتشوه ابداعك

تحيتي لك