ديوانية ألامهات !!! الله يحييكم

[المملوووحة]

احم
باكـ أنااااا

السلام عليكم ورحمة الله وبركاته
أسعد الله اوقتاكم بكل خير وسعاده

شخباركم

ماااااااشاء الله طلع عندنا امهات واجد ربي يحفظلهم ويحفظلنا

الله يجعل لنا من ذرارينا الصلاح وقرة الاعين يارب ياكريم

احم

انا عندي بنت وولد

البكر بنت عمرها الآن اربع سنوات اسمها 0كادي):اموه:

ولدتها عمليه :( واخذت من الشهر العاشر اسبوع << كانت شقاء ذالبنت ربي يخليها

كان وزنها 2.90 كلغ اول ماولدتها

الحين وزنها باسم الله عليها مناسب وحلو << موقايله تنضلونها خخخخخخخ:هاها:

مشت وعمرها سنه وشوي وكان لسانها ثقيل لكنها انطلقت مره وحده بعد 3 سنوات

مبهذلتني بالاكل وامي مخربتها علي لانها اول حفيده فصايره دلوعه الكل

احاول اني اغريها عشان تشرب العصيرات وتقلل من الشاكليت بس الله يصلحها عنيده والي اصلحه من جهه يخبربونه اهلي من الجهه الثانيه
:زعلان:
لبسها

من زرارا ونكست وايكس واوكايدي واحيانا مذر كير بس الحين كبرت و و الخ يعين اي شي حلو يناسبها اشتريه

لها كم شهر صاير تتحكم باللبس وابي هذا ومابي هذاك

الله يصلحها

الترم هذا دخلتها روضه قلت تتعرف عالناس وتكسب مهارات والحمدلله ماشيه ومره مبسوطه فيها
تحب الرسم كثير لان اختي الصغيره تحب الرسم فيرسمون سوا ويلعبون مع بعض واحايانا لبسهم يصير نفس بعض رغم الفارق السني بينهم 3سنوات
وه تعبت

نتكلم عن عبودي لاحقا خخخخخخخخخ
:mf_popean

::

[بنت الريف]

هلالالالا بك يالمملوحة وهلا بعيالك

اسم كادي حلو انا عندي بنت اسمها جوري كلهم من مشتقات الورود والزهور :واو:

وين ام اصايل انا جالسة استناها تكمل وكذلك الأخت نور

ولميا الديوان وينها ياعالم ؟؟؟

لان عندي اشياء مهمة ابي اتشيركم ونستفيد من بعض

لكم اجمل تحية

[الهيمـــانـــه]

يا هلا وغلا باحلى امهات بالمنتدى

شلونكم كلكم عساكم بخير...دعواتي لـ نور حياتي اللي جمعتنا

بهالموضوع الجميل..

تصحيح اختي نور لمعلومه فهمتيهت يمكن غلط بكريتي بنت اسمها اصايل مو ولد اسمه اصيل...

والله يسمع منك ويجي الولد باذن الله..

الحين بتكلم ان شاء الله عن بنتي الثانيه..ولا عرفتكم على بناتي الثلاث بجاوب على اسئلة الغاليه لمياء الديوان...

((بنت الريف& المملوحه))..الله يخلييلكم اطفالكم وتعيشون وتشوفونهم عرايس وعرسان...

بسم الله..

ســـــااره <<< بنتي الوسطى

عمرها9سنوات

بالصف الرابع الابتدائي..متفوقه في دراستها ولله الحمد


من هواياتها السباحه والرسم والقاء الاشعار والخط << ما شاء الله خطها احلى من خطي خخخخخخ

تحب تلعب مع اختها ضيوف وحركات وبنفس الوقت القيم بوي مجننها..


مواعيد نومها الحمد لله منتظمه تنام الساعه 7 المغرب وتصحى نشيطه ما شاء الله ..

بالنسبه لوزنها مره ضعيفه مو مثل خواتها تقريبا 25 مع ان الطبيب يقولي تمام بس احسها ضعيفه..

اما الاكل يا حبها للشوكلاتات والايس كريمات ومن احاول اجيبلها اكل البيت تلوع نفسها مره متعبتني في اكلها..

ملابسها تتركلي حرية الاختيار وطبعا دايم اخذلها نفس ملابس اختها الكبيره زارا << وشلتهم هههههههههه..

لبقه في الكلام وبعد فصيحه اسم الله عليها ((على فكره يا جماعه الاحظ البنات دايم يجون فصيحات حتى وان تاخروا في الكلام))..

والسلام ختام وبكره ان شاء الله اسولف عن الصغنطوطه القلبس حق امهاااا سوار...

امنياتي ..

[نور حياتي]

المملوووحة

ياهلا وسهلا فيك..

مشكوره حبيبتي على المشاركه الحلوه..

اسعدني وجودكِ معنا..

الله يخلي لك كادي وعبودي


تحياتي


نور

[نور حياتي]

وين ام اصايل انا جالسة استناها تكمل وكذلك الأخت نور

ولميا الديوان وينها ياعالم ؟؟؟

لان عندي اشياء مهمة ابي اتشيركم ونستفيد من بعض

لكم اجمل تحية

هلا والله بك....


انا هنا..


يالله قولي ويش عندك..

انا ولمياء الديون وباقي الامهات معكِ


تحياتي لكِ

نور

[لمياء الديوان]

السلام عليكم ورحمة الله وبركاته


الى جميع الامهات الي دخلوا الديوانيه والاتي لم يدخلوها اهلا ومرحبا بكم ...........


.أكيد نور جالسة في الديوانيه ترحب بكم


صحيح انها ما ضيفتنا لافي شاهي ولا قهوة زي ديوانية البنات ايش نعمل مظطرين ننتظر

نور تضيفنا واكيد ما تقصر يا امهات بس يمكن مشغولة تعرفون مسؤولة ومشرفة


على منتدى المراة والطفل


اعذروها ((احمل اخاك على سبع وسبعين محمل )) شفتي يانور انا دافعت عنك يلا ننتظر ضيافتك


تحياتي لكم وساكمل معكم حديثي كوني معي






لمياء الديوان

[لمياء الديوان]

بنت الريف ......انت وينك جالسين ننتظر نور وانا وام اصايل


والعالم كله ينتظرك سولفي ايش عندك نحن صاغين لسماعك


اما عني فكما وعدتكم هذي مجموعة ثانية من الاسئلة


1- ابنك الاول يشبه من يشبهك وله الاب او الجد او .....
2- ابنك الاول اقل حركة ولعب من الطفل الثاني ......
3- يميل الى اللعب مع الاطفال ام وحداني لايحب العب الجماعي
4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل
6- هل طفلك عدائي يضرب اي طفل غريب او يضرب اخوته


هذه اسئلة اليوم ولي عوده لكم والان مع السلامه

باستئذنكم اروح الجامعة وان رجعت اكيد على طول ادخل الديوانية

مع السلامه


لمياء الديوان

[الهيمـــانـــه]

يا هلا بـ لمياء الديوان منورتنا ومونستنا والله..

اسمعي يا وخيتي هذا الشاهي والقهوه

وانتي عليكي التمر والكيك ههههههههههههه..

اسئلتك اختي مره روعه..وبجاوب عليها والمره الجايه بسولفلكم عن بنتي الصغنطوطه...

**************
1- ابنك الاول يشبه من يشبهك وله الاب او الجد او .....

بنتي الكبيره تاخذ مني ومن ابوها ((قسمت حق ))هههههههههه..

**********************
2- ابنك الاول اقل حركة ولعب من الطفل الثاني ......

تقريباً نفس الشي لكنها اجتماعيه اكثر من الثانيه..
*******************************
3- يميل الى اللعب مع الاطفال ام وحداني لايحب العب الجماعي

تحب اللعب مع الاطفال وتجمعهم في اغلب الاوقات وتكون القائده لهم ..
****************************
4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل

تكون أهدأ واحيان بطبيعتها ..لكن هي بالاساس في البيت تلعب بهدوء ما تحب الصوت العالي او الازعاج الا اذا صاروا مجموعه كبيره
*****************************
6- هل طفلك عدائي يضرب اي طفل غريب او يضرب اخوته

لا الحمد لله ..

************

مشكوره اختي وننتظر المزيد منكـ باذن الله..

أمنيـــــاااتي..

[نور حياتي]

تصحيح اختي نور لمعلومه فهمتيهت يمكن غلط بكريتي بنت اسمها اصايل مو ولد اسمه اصيل...

والله يسمع منك ويجي الولد باذن الله.. ..

هلا بك يالغلا..

سوري .....أختي بس انا كنت فاكره انك تتكلمين عن ولد

الله يرزقك ان شاء الله وانا معك..

>>>>ميته على بنت:زعلان:


تحياتي لكِ

[نور حياتي]

لمياء الديوان

اسعدني وجودك..



اعذروني يا بنات والله انشغلت بالزينه والحركات والترحيب بكم ونسيت الشاهي والقهوه

بس ابشري شاهي.. وقهوه...
لا وحلـــــــــى بعد ...

تراكم تستاهلون كل خير.........


تحيتي لكم


نور

[نور حياتي]

هلا فيك لمياء الديون

انا راح ارد على الاسئله

- ابنك الاول يشبه من يشبهك وله الاب او الجد او .....؟
الاب

2- ابنك الاول اقل حركة ولعب من الطفل الثاني ......؟

نعم
3- يميل الى اللعب مع الاطفال ام وحداني لايحب العب الجماعي ؟

يحب العب الجماعي

4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل؟

اسم الله عليه عبودي هادي

6- هل طفلك عدائي يضرب اي طفل غريب او يضرب اخوته

غريب لا _اخو اي


هذا بالنسبه الى عبودي ..

ويوسف في الحلقات القادمه...


تحياتي الى جميع الأمهات..

ام عبودي

[بنت الريف]

هلالالا بكم يا عزيزاتي
اسفة على التأخير ...
تعرفون الويكند و ضيوف داخله وطالعه هههههههههههه
زين تفضلوا هالحلى ان شاء يعجب ام اصايل ونور حياتي ولمياء والسكره المملوحة هههههههههههههههههههههه
بجاوب على اسئلة الاخت العزيزة لمياء الديون
--------------------------

1- ابنك الاول يشبه من يشبهك وله الاب او الجد او .....
تشبه ابوها الخالق الناطق قولي استنساخ ههههههههههههههههه

2- ابنك الاول اقل حركة ولعب من الطفل الثاني ......
بكثيررررررررر

3- يميل الى اللعب مع الاطفال ام وحداني لايحب العب الجماعي
جماعي

4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل
كثيرة الحركة

6- هل طفلك عدائي يضرب اي طفل غريب او يضرب اخوته
لله الحمد عمرهم ماطقوا احد دائما هم اللي ينطقون

--------------------------------------------------------------------------------------------------
بالنسبة لي عند توأم بنت ولد الان سنة اولى

انولدو في نهاية الشهر السابع وزن كلامنهما 2 كيلو وجلسوا بغرفة الخدج والعناية الفائقة شهر
طبعا بعد ماطلعوا للبيت عانيت كثير بس الحمد الله عدا كل شيء على خير
السيرة الذاتيه لكل منهما :كلوش:
كنت اتوقع ان البنت دلخة ماراح تمشي بالمدرسة لانها ايام الروضة تحب
اللعب والسوالف وماتميل للكتابة او القراءة ..
لما دخلتها المدرسة كنت جدا متخوفة لكن فاجئتني بمستواها الدراسي يمكن أفضل طالبة بالفصل
يا سبحان الله
اما ابني للأسف دقيق الملاحظة كثير الأسئلة والمقاطعة كثير اللعب والكلام بصوت عالي (مزعج )
يضرب ضرب عشوائي ليس بقصده الضرب احس ان يدينها تتحرك غصب عنه ...

لعبه بصوت عاااااااااالي
دراسيا ممتاز
لكن احس انه اجتماعيا يفتقد الى تكوين علاقات مع اصدقائه
اكتشفت انه يعاني من فرط النشاط الزائد ....
ذهبت به الى عدة اخصائيين وصنف انه بحدود المتوسط وليس بالصورة اللي قد تؤثر عليه دراسيا
وفي حال عدم تركيزه دراسيا بصورة واضحة سيصرف له علاج خاص به
بصراحة انا احاول اعدل من سلوكياته ..
ومتابعته بصورة واضحة للدرجة تركت الوظيفة ( معلمة )علشان اتابعه واجعله يعتمد على نفسه بدون الخدم
لانهم يفتقدون لبعض المهارات ويمتازون بالاتكاليه
الان يلبس بنفسه ياكل بنفسه وكل لقمه ياكلها يتبطح وينسدح على الارض وهكذا حنا وياه ...
ادعو ربي دوما ان يمنحني الصبر وسعة الصدر علشان اقدر اتعامل معه ووفر له افضل السبل
والطرق ليجتاز هذه المرحة حيث ان هناك نسبة من المصابين يقل عندهم النشاط عندما يبلغون
سن 15 سنة ...ومشاعري معه احبه كثير ونفس الوقت ارحمه لان قلبه جدا طيب
لما يطلع اي مكان مايدخل الا معه ورده لما اجي اصلي يسرع ويفرش لي السجاده
لما اغيب فترة عن البيت يقعد يدورني ويبكي ( متعلق فيني )

طبعا الان يروح للمدرسة ودخله ابوه الكرتيه يروح مع ابوه دائما للمسجد بدينا نحاول قدر الامكان ندمجه مع الاخرين

سؤالي من لديها طفل يعاني من فرط النشاط الزائد
وكيف التعامل معه؟
وهل تحسن ؟

تحياتي لكن جميعا

[المملوووحة]

^
^
يابعد قلبي الله يحفظلك وان شاء الله تقر عينك بصلاحه وصلاح اخوته

واظن ان فرط النشاط ماهو مرض يعني ان شاء الله انه بسيط والعلاج متيسر


1- ابنك الاول يشبه من يشبهك وله الاب او الجد او .....

بنت --- وتشبه امي وشوي مني لكن ماتشبه ابوها ولا اهله << من كثر ماهوجشت بامي بالغربه ههههههه
2- ابنك الاول اقل حركة ولعب من الطفل الثاني ......
لا ماألاحظ كل واحد فيهم له شقاوته وحركته
3- يميل الى اللعب مع الاطفال ام وحداني لايحب العب الجماعي
الحمدلله كلهم اجتماعيين الا اذا كانو تعبانين او فيهم النوم او لقو طفل شقي يحبون يلعبون بعيد عن الاطفال<< من خاف سلم خخخخخخخخخخخخخخخخخخخخخخ
4-لو اصطحبتي ابنك معك الى السوق او لزيارة الاقارب والاصدقاء
هل يكون اهدء من طبعه في البيت ام يكون مشاكس ويعمل مشاكل
والله البنت على حسب احيانا تحرجني بشقاوتها وغالبا تكون طبيعيه الولد فديت قلبه مؤدب ودايما فاق الكشره
6- هل طفلك عدائي يضرب اي طفل غريب او يضرب اخوته
لا ولله الحمد

____________

كل الشكر للاخت لمياء الديون واعذريني فيه اسئله بالصفحه الاولى احسها تصدع الراس وعميقه لذلك اعتذر حاليا عن الاجابه عليها


دمتم بخير

[الهيمـــانـــه]

بنت الريف**

الله يكون بعونك ويقويك على تربيتهم ويجعلهم صالحين هداة مهتدين

يارب العالمين..

اما سالفة ان عيالك ما يضربون دوم ينضربون ..مت من الضحك ..تدرين ليش؟؟
لاني حسيت بقمة القهر اللي بداخلك لاني امر احيان بهالموقف

وعندي بنات ياااي لا شافوا احد يجري هجوا من الغرفه خوافات مره لكن باللسان ياخذون حقهم المهم شي يبرد قلبي

لاننا الكبار صعب ندخل في امور الاطفال عاد قمة القهر تشوفين عيالك ينضربون من الغير وهم متنحين ما يسون شي :زعلان: ..

اما النشاط الزايد اشوفه عند عيال واحد من اخواني ياربي الم شي مو طبيعي اسلوبهم وحركاتهم..ما شاء الله

لكن الطريقه الوحيده اللي اشوفها فادته وبدا يتغير اسلوبهم ((الحرمان)) يحرمهم من اشيا يحبونها كم يوم لين يعرفون ان الله حق

وينعدل حالهم مثلاً اذا الطفل متعلق بالبلاي ستيشن يحرمه منه ويخفيه لين يتادب واذا كانوا طالعين ينحرم الطفل من الطلعه يوديه بيت امي مثلا ويوم يحس ان الكل راح يتمشى وهو لا يبطل يكرر غلطته وهكذا وان شاء الله اكون افدتكـ

********************

المملوحه &لمياء&نور حياتي

شخباركم جميع وحشتوني ...وشولون بزرانكم وابهاتهم عساكم جميع بخير..

[نور حياتي]

بنت الريف

مشكووووووووووووره على الحلى


والله يخلي لك التوائم..



اسعدني تواجدك الكريم...


تحياتي لكِ