حظ الليالي خذتك وخاطري مدمي
واغبن جرحٍ يحوم الطير من فوقه
كن الهقاوي ثمنها مرخص ومرمي
من يد تجهل وش الحرمان وفروقه
ويالعنبو صرف وقتٍ شطّح بعزمي
قلبٍ خبرته جميل عزومه تسوقه
لكن يبقى عن خلوف الوعد محمي
ذمّته ماله وحشمة صاحبه سوقه
عارف دروبي مثل ما عارفٍ اسمي
ماحيد عنها عشان علوم مطفوقه
وان كانني حدت قلّي ياكبر وهمي
أو قوم خيّط كبير الجرح وفتوقه
الله عليها نفوس البعض تستعمي
حدٍ يرد الجميل وحدٍ يبوقه
واحدٍ ردوده أفسرها حسب فهمي
مثل التعابير يوم تكون مسروقه
هذاك عينه تكذّب بارق الوسمي
وهذا عيونه طماها المزن وبروقه
جيتك مودّع ولكن من ورا خشمي
عندي كريمٍ رفض يسكت عن حقوقه
ومن كان ظنّه من الفرقا انكسر رقمي
رقمي ضميري يفوق ارقام مرموقه
أحمد المقبالي