أحبتي ..
هذه المصافحة الأولى لأرواحكم الندية ..
وهي إهداء ..إلى صديقي ...// ياتاعبني ..
صفف حروفك يالوجع ..واسكن ديار الغايبين
وانثر على وجه الشقا بعضي .. وبعضي يسمعك
كم قلت لك ياسيدي .. كم قلت لي .. لاتستهين
وراحت تباريح الكلام بصدر فعلك ..موجعك..!!
لاجيت أجفف خاطري .. روحي تسوق بدمعتين
وحده لذكرى غاليه .. والثانية لجلي معك
كل الخطاوي مهمله .. تمشي ولا أدري لوين؟؟
زفة عذاب آعيشها .. والحفل غصبن يزرعك
رغباتنا ماهي لنا ..أدري ولا فيك أستعين
لكن من آداب الوجع .. تقطع رجا من دلعك
ملعون ابو جد الفرح ..ماشاف ترتيب الحنين
كل الفضا لجلك رضا ..بعيون روحي وزعك
لاغبت عنك ..أجيك فيك .. آحسني كلي أنين
ولا صحيت بهمّ جرحك .. غبت فيك آجمعك
الذاكرة صوت السهر .. والصمت صوت الصابرين
يخرب بيوتك يالجفا .. قلي من اللي شرعك
ياسدرة أحروف الوجع .. ياروح صدر الغايبين
تعالي بآخر وفا .. قولي نويت أودعك...!!!!!
لكم كل الحب ..
عبدالله بن زنان ..
والله يديمك يامطر ..