بسم الله الرحمن الرحيم
لا تحتاج الى مقدمه .
[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
طالع من الشر يا بعـد كـل مخلـوق=فينـي و لا تسهـر عيونـك ثـوانـي
قلبي على دربك يسوق القـدم سـوق=و يحداه لمصافحـك شـوق و حنانـي
من محجر عيوني غداء النوم مسـروق=يومي نويـت النـوم طيفـك دعانـي
ادري مقصر يا حياتـي لـك حقـوق=معذور لو قلتـي مـا شفتـه وجانـي
نوباً وسيع الكون في عينـي يضـوق=رغـم ان قلبـي بالحـيـاة متفـانـي
يشهد علي من ميـز النـاس بفـروق=غصبً علي يـا بنـت مانـي بأنانـي
و حلفت لك بمنزل الغيث مـن فـوق=انتـي حيـاة الـروح وانتـي كيانـي
مبغى زعلكم ياهل الحسـن و الـذوق=و في خاطرك لا تقول زايـد نسانـي
يغيب قلبـي عـن حياتـه ثـم يفـوق=ويشكي على ضلوعه بوقتي عصانـي
وبانت على خدي مسارات و طـروق=من دمعي الي مـن عيونـي جفانـي
خلاص ابترك ثوب الافراح مشقـوق=و اترك طريـقً مـن حياتـي يعانـي
داخل حنايا الجوف يحرقنـي الشـوق=من بعدكم يـا زيـن شوقـي كوانـي
الحب ماهـوا سلعـةً داخـل السـوق=يبيعـه المخلـوق مـثـل الاوانــي
الحب حس و نشـوةً داخـل عـروق=عجزوا لـه العالـم بوضـع المعانـي
وكم هم ضحايا الحب عاشق و معشوق=و كم ترجـم العشـاق لحنـه اغانـي
احداً بحبه طفـل طايـش و مطفـوق=ما ينتشي لو صـاح صـوت الكمانـي
واحداً ضحك و بعبرتـه دوم مخنـوق=من صرخته يهتـز صمـت المبانـي
و احداً يصور عزف الاوتار و يتـوق=يلقى بهـا المجـروح حكـي للسانـي
يطرب لها الخافق على العزف و يروق=و يصـوره قصـه لسيـد الغـوانـي
يرجي بها من بعـد هالعتمـه شـروق=يمكـن يـداوي جـرح عـوداً ليانـي
انام واصحى وغير حبك وش نـذوق؟=واجمع شتات الجرح وسـط المحانـي
يا ليت عندي قطعة ( الشال و الطوق)=واشـم عطـره كـود يحيـا مكانـي
صار الامل من جاير الوقـت مفتـوق=اطالعـه فـرحـه ولـكـن بكـانـي
اخايلـه غيـثً علـى بعـده بـروق=جالس واطالع نـوض برقـه غشانـي
حلفت لك منت بعلى القلـب مسبـوق=ملكـت قلـبً منّـه الجسـم فـانـي
دايم وراع الحب يـا نـاس محقـوق=لو يخلص بحبه حكـوا عنـه خانـي[/poem]
وسلامتكم