عزيزي العضو عزيزتي العضوة الموقرة
انقل لكم هذه القصه التاريخيه اللي وش طعمها
طعييييمه ابقوووه
وأحداث القصه تحكي عن نفسها<<<أحسبوه عن ولد جيرانهم
بس أتمنى ويفضل من الكل قبل يقرأ الموضوع انوه يراعي الشروط:
1-اللي متزوج بأكثر من حرمـة او له نيه يتزوج الثانيه .. يطس برى<<< هع
2-اللي متزوج بوحدة يجيب حرمته تقرا الموضوع معــه<<<خخخ ونااسه
<< ناويتها مووت وخراب ديار ياحزززنكم
3-العــزاب يااااوييلكم ياسواد ليلكم تتزوجوون وتغثون البنات بشركم
ترى العزوبيه اريـح وازين وانفه بعد
4-اللي بيرد على الموضوع يرد بالمصرقع انقلش لانقويج
يعني باللهجة العنقلينزيه المصرقعه عشان تتوافق مـع أجواااء القصــة
:
:
:
يحكى انه في القرن الخامس عشر ميلادي عاش ملكون يقال له / هنري السابع
هنري السابع عنده ولدين
1- الأمير آآآآرثر ( بتسر امه وأبوه )<<< ت+س=تس وتس حولها ك يعني يصير الناتج النهااائي(بكر)>> لا ياشييخه
2- هنري الثامن ( هذا الثاني ) <<<<< هذا بطل القوووصة او الحتسايه<<زي ماقلنا قبل شوي تس= ك عاد انتم افهموه موهب لازم ادرسكم كل نوبه
وتوفى ارثر الولد الكبير قبل لا يخلف ابوه بالحكم واصبح ولي العهد هو :
هنري الثامن بن هنري السابع << لعنبوهم قظت اللأسامي ؟؟
وجا الملك هنري السابع لولده هنري الثامن وقال له :
يو مست تعرس من أخوك آرثر وايف
هنري الثامن : يعني معقوله اول وحده اتزوجها تكون مرة أخوي ؟؟
الملك : يامالا الهديك اقطع واخص لسن تومي كيرفلي ياوليدي
ماهو من سلومنا ان ارمله اخوك تروح لواحدن غيريك << امحق عادات مثل حقتنااااا
هنري السابع : اتز اوكي يابيّي شورك وهداية الله
ويوم درت الاميرة ((كراميل )) ارملة آرثر باللي يبي يصير راحت للملك وقالت :
يور ماجستي وراه تبي اتزوجن هنري الثامن ؟؟
الملك وقد وضع الريشه التي كان يكتب بها : شوفي وانا يور فاذر
هذا اخو رجلتس و بيحافظ عليتس
وبيربون ورعان اخوه قدامه وتحتا ناظريه وبموت وانا متطمن عليكم
واعرس هنري الثامن غصبن عنوه من الاميرة (( كراميل )) ارمله اخوه ارثر من هنا
وفطس الملك هنري السابع من هناك<<< فطس يعني مات
واصبح الملك الرسمي لانجلترا هو :
هنري الثامن بن هنري السابع
..
....
......
بناتي بسميهن كرستينا الثانيه؛؛ وكرستينا الثالثه والرابعه
والخامسه ......... لا هنابجيب ولد اخاف يطلقني الرجال ؛؛ وبعدين كرستينا السادسه
<<هذي الكلمات الي كانت تهذريبه كراميل
وبعد مده اقاموا احتفال كبييييير بهذه المناسبه !!
وقاموا يعرضون العرضه الانجليزية :
وناااااحمد الللله جت على ماااااا نتمنى
من هنري الثامن جزل الوهاااااااااااااايب
ياهنري الثامن سمعن وطاااااااعه
وياهنري الثامن سمعن وطااااااااااعه
انجبت الملكه (( كراميل )) من هنري الثامن الكثير من الورعان لكن لم يكن ينجو احد منهم
ولم يعيش الا بنت صغيرونه اسمها (( ماري )) وهو كان يمووت
عشان يجيه ولد وقرر انه يتخلص منها بالطلاق لكن الكنيسه الكاثيوليكيه تحرم الطلاق
لان هذه الكنيسه لاتمتثل لاوامر الملك بل تمتثل لاوامر البابا حقهم
وقال هنري الثامن:انا بطلع كنيسه جديده اسمها الكنيسه (( الأنجيلية ))
وكنيستي انا بكون رئيسها وتنفصل عن البابا و تمتثل لاوامر الملك << واحد من الادلّه على ان دينهم ماعندك احد خربط بربط وخري مري بعد
وكل هذا التحريف عشان يخترع الطلاق لكن شاء القدر
و توفت الملكه (( كراميـــــل)) موته طبيعيه
اكيد فرح هنري الثامن بهالخبر لانه عزززززز الطلب
كراميل احمدي ربتس متي قبل لا تطلقين
الزوجة الثانيه:
وتزوج هنري الثامن الزوجه الثانيـــــــه :
وكان اسمها ((اليشمـك)) اعجب فيها وتزوجها وجاب منها بنت اسمها (( اليزابيث ))
وجاب ولد بس ماااااات << سبحان الله ربي عارف نيته ودارين وش وراوه
وفي يومن من الايام كان هنري واقفا
امام نافذه غرفته وهو متوتر ودخلت عليه الملكه ((اليشمك)) وقالت : جود مورننج طال عمرك
هنري الثامن : يامال المورننج المنور يابعدي
اليشمك : لا تحاول يا هنرورتي << تدلعه
لاتحاول ترقع سوالفك انا عرفت باللي صار
هنري الثامن : اصلا انتي ماجبتي لي ولي العهد
وانا اسوي اللي يعجبني انا الكنغ هناااااا
وانتم ماعليكم الا طاعتي
قالت : بس انت ماي هازبند لازم تحترم وجودي
القصر كله يحتسي عن خرابيطك
قال : انا اصلا بطلقك من زماااااااااان لكن الكنيسه ماتعترف بالطلاق
قالت : ههههههههههاااااااي
ئال يطلقني ئال .... على قلللللبك
انت بتعيش معي مؤبد !!
هههههـــع ـع ـع وطلعت من الغرفه <<<< ماشالله عليه ماهيب هينه بعدي والله يا اليشمك
هنري الثامن : بأه تسذا ؟؟
هيـــــــــن
انا بدفعتس الثمن غاااالي ياحراااااااااااااس
ارسلوها للبرج واقطعوا راسها بتهمه الخيانه العظمى
وغداً عرسي على الثالثه <<< امحق رجاجيل
حسبي الله عليه المره ماسوت شي صدز ان الرجايل مالهم خاتمه بلا
الزوجه الثالثه :
تزوج من ((بريئه والله)) وقيل انه اكثر زوجاته كان يحبهااا
ولكن تأتي الرياح بما لايشتهي هنري الثامن
توفيت (( بريئه والله )) وهي تلد ولي العهــــــد(( ادورد )) المعوّق
و حزن هنري الثامن على موت بريئة
الزوجه الرابعه :
جلس هنري عده سنوات من غير زواج ماهانت عليه بريئه
واخيراً تزوج من ((دارك أنجل ))
مره من المرات ارسلوا صورة اميرة زي الأمر ويوم سأل هنري الثمن عن صاحبه الصورة ؟؟
قالوا له هذي ((دارك أنجل )) قال : ابي اتزوجهاااااااا
ويوم جا العرس وهو ماعمره شافها كل اللي حببها فيه صورتها
المهم جا العرس وشافها هنري الثامن وقال لوزيره: هذي مي زي اللي بالصورة
هذي وحده تخرررررررررررررع
الوزير : طال عمرك انت اللي تزوجتها محد سطرك على يدك وقال لك تزوجهاااا
هنري الثامن : لازم تروح لحقين الكنيسه وتقول لهم هنري الثامن يقول لكم لازم تمتثلون لاوامري
الوزير : اسف طال عمرك الا الكنيسه
اخرج هنري الثامن حكم باختراع (( الكنيسه الانجيلية ))
اللي فيها طلاااق وقطع راس الوزير وطلــّــق ((دارك أنجل ))
ونصيحه دارك انجــل :
لاعاد تحطين صورك عند الخطابه مارغريتا الدوسري
تراها منحوسه
الزوجه الخامسة :
يوم كان هنري الثامن يراجع بالوزارة علشان حكم الطلاق
كان فيه وحده اسمها (( هيــام )) وهي اللي ساعدته باخراج الحكم
قال لها هنري الثامن :شوفي يابنت الناس انا بتزوجتس ان طلقت دارك انجل
هيـــام : طال عمرك انا مخطوبه لولد عمي شليويح آل جيمس
هنري الثامن : انا هنري الثامن اخذتس يعني اخذتس
وتزوج هنري الثامن هيام في مراسم عرس ملكيه كئيبه
والكل ينظر الى هيام وكأنه يعلم بمصيرها الدموي
:
:
واستمر الزواج اقل من عامين وفي يوم من الايام جا ولد عم هيام للقصر
ومعه كيلوين فصفص يحبهم قلب بنت عمـه عشان تتوسط له بوظيفه بالبلاط الملكي
ولد عمها : افتحوا باب القصر انا بنت عمي الملكه (هيــام)
ويوم قابل هيــام قالت له : ياهلا ومسهلا وشلونك يالشييين وش الدنيا بك ووه مير محنب نشوفك يادافع البلا؟؟
قال : والله ابد جايبن لتس حب ( يقصد الفصفص) يحبه قلبتس
قالت : اقول هات من الاخر شكلك تبي شي , قال : اي والله اني جايبن معروض
ابيتس تسجليني بالبلاط الملكي << تراه زي الحرس الوطني عندنا
( ياحول ياولد عمها اقصى همه البلاط الملكي )
قالت: ابشر ومهنا الا الخير يا خدم سو شاااااااااهي وقهوة
ودخل هنري الثامن والملكه (( هيـــام )) تفصفص مع ولد عمها
وردة فعل هنري الثامن هي كالتالي :
قولي قســـم ؟؟؟؟ ولد عمك بقصري بعد ؟؟
انتي متهمه بتهمه الخيانه العظمىىى<<ياهالخيانه العضمىى وشو حلا هو
ياحراااس خذوها للبرج واقطعوا راسها هي وولد عمها
هيـــام : هو كان يبي وظيفه بس
هنري الثمن مقاطعاً : اوووصصصص ولا كلمه هاتي الفصفص من ايدتس
وروحي مع الحرس يقطعون راستس
تسنوه يقول لهـا روحي معهم واحلبي البقر << الله من زين التشبيه بعد
الزوجه السادسه :
اراد هنري الاولاد يخلفوه دوماً وهو ماعنده الا (ادوارد المعاق)
قال لازم اتزوج واجيب ولد سليم عشان يصير ولي العهد
وتزوج من ((مــرمــر)) وكان كل ماجاب منها اطفال يموتون <<شفتوا كيف الظالم؟هذا ربي امتحنه
وتوفي هنري الثامن قبل لا يقتل مــرمــر << قدره
ولكن قيل في مابعد ان مــرمــر هربت من القصر الكئيب الى مكان مجهول
وانتهت القصه
اشكر كل من القائمات على الأدوار التاليه:
كراميل : كاترين من أراجون
اليشمك: آن بوليين
بريئه والله : جين سيمور
دارك انجــل : آن
هيـــام : كاترين هيوارد
مــرمــر: كاترين بارر
واتمنى لكم حياة هانئه في كنف بعولتكن وفال الله ولا فالي
ترى القصه صدزيه فــ يابنات انتبهو من الرجال ترى مالهم خاتمه
كلللللل ابو امهم نسخه محسنه من هنري الثامن
مع التشحيه
جووويلتي جوولااا
مسروق وليس منقول<<<قولي قاا