يسعد صباحكم يالربع
اذكروالله
وصلو على النبي
والعنو بليس
[poem=font="Simplified Arabic,5,orangered,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
بسم الله الرحمن الرحيم
السلام عليكم ورحمة الله وبركاته
الصدر ضايق وعاد الدمع غرقني=والشوق هز الخفوق وقام ينخاني
قد قلت ياقلب ريحني وروقني=لكن اخبرك كذا دايم تحداني
الين صار العذاب المر يشنقني=وصارت دموعي تحير بوسط لجفاني
للجادل اللي غلاها دوم يلحقني=ياهشم كبدي على مدعوج لعياني
وياطر جيبي من اللي عاش سارقني=من بين ربعي وعماني وجداني
لا قلت له روح عن دربي وفارقني=كنه يقارب خطاويّه وينصاني
وأن غاب عن عيني الله لايوفقني=كن احمر الموت والقدره توطاني
وذات ليلا تذكرته فطوقني=((تطويق بوش وجيوشه بيت برزاني))
اسلاحه الرمش والخدين ترهقني=رمشه وخده سبايب كبوة أحصاني
واصبحت اسيره يغربني يشرقني=وصار يتأمر على كيفه وينهاني
ماني بساكت ولو حبه يمزقني=مادام بالشعر عنده ((يرطن الساني))
باخفف حمول متني عند بايقني=واسري على درب ياليحي وليحاني
مادام قلبي مع العشاق يدفقني=((وفي وسط راسي طناخة غمر حبصاني))
باذوّب عروق قلبك يامشوقني=واسقيك ماطاب من فكري وقيفاني
الين تصرخ تقول أفلان احرقني=وفي لحضه اغرقني بشعره وسراني
يابو رموشٍ لما سلهمت تقلقني=ويابو عيونٍ ملاذ المجرم الجاني
خذني معك ضيف في قلبك وسوقني=لبى عروقك ولبى بيض لوجاني
ولباك يالي هواك الذرب ماحقني=احس كني معك في عالمٍ ثاني
ولبى معاليق قلبك يامعلقني=ياللي منسيني الدنيا وخلاني
احس كنك معي دايم ترافقني=بالمختصر انت عنواني واوطاني
وان كان قلبك نوى يازين يعتقني=ماني بناسيك واحذر بس تنساني
ولا أنا باطلب الرحمان رازقني=في حبها يالله انك زود تبلاني
((أمطرتَ شعراً وليل الشعر أغدقني=مخمورَ شعراً كما نزار قباني))
اطورق الشعر لكن مايطورقني=العب على هيبته واهين عدواني
كله لجل عين ذكرك يامشوقني=وغيرك ترى يبشر بصدي وهجراني
وسلامتكم
الراوي[/poem]
رد مع اقتباس
