[poem=font="Simplified Arabic,5,,bold,normal" bkcolor="transparent" bkimage="" border="none,4,black" type=2 line=0 align=center use=ex num="0,black"]
شويتني كني على جال مجهار=وتمر قدامي وتحمس وتشوي
وعذبتني تعذيب غاطس وبحار=وأنا معك ماشفت حبلي ودلوي
بالهون يامخلوق يامنوّر الدار=بالهون لاتجرح وتحرق وتكوي
أنا دخيل ربوعك حماية الجار=خليت قلبي بين لضلاع مزوي
يافاتنة روفي على قلب مسفار=على الفصاحة وفي المهمات نحوي
ماكنت متوقع من الناس لخيار=وأثر الشقى مابين ضامي ومروي
ولبس الدلع ماكبرت كل مقدار=ولبس ٍ بليا عز لو طال مطوي
ولبيه كلمة حب للصاحب البار=وأنا أعتبرتك بالوفاء عند هقوي
وتذكار ماتكفي عن الشوف تذكار=لابد من لقياء لها الروح تدوي
ياطيب حظ اللي حفظ طيب لسرار=ويصونها عن ريح صيفي وشتوي
وأنا على ماشفت مكتوم لعذار=مالي جدى غير الشعر فيه نجوي
أقولها ياصاح لك سر وإجهار=وخطر ٍ على قلبي من الرمش يهوي[/poem]
رد مع اقتباس
المشاركة الأصلية كتبت بواسطة ناصر الجعيدي
