السلام عليكم[poem=font="Simplified Arabic,5,black,normal,italic" bkcolor="transparent" bkimage="" border="none,4," type=1 line=1 align=center use=ex num="0,black"]
فقدناكم واشتقنا لكم والله
مع بالغ اعتذاري
لقلوبكم جميعاً
وين رايح
ياخفوقي لا تناظر للفضا لا تحتريه=دامه اقفى يا خفوقي إنت وش ترجي وراه
ادري انك يا خفوقي تعشقه وتموت فيه= وانا مثلك يعلم الله أعشقه وأعشق ثراه
والله اني ما نسيته حتى انا ودي أجيه= لكن انت البور تدري ماربح به من شراه
انت تذكر يوم يقفي كيف كنا نرتجيه= وكيف كان الشوق عنده أصدقه كذب افتراه
/
\
/
\
وين رايح يا خفوقي وين رايح هيه هيه=وين رايح انت صادق ؟منت لاصق في غراه
ادري انك عاشق ٍ له وادري انك مشتهيه=لكن الله في سماه ان رحت تبطي في حراه
راح له قلب ٍ عصاني ما يبي صدري يبيه= يدفعه شوق ٍ سرابه يتبعه خوف اعتراه
إيه .. كيف اليوم قلبي ما يبيني ... إيه إيه= حتى انا ما عدت ابيه ولا أبي عيني تراه
\
/
\
/
عاد دامه جاك قلبي الله الله عذبيه= وعلميه ان الخطايا ما تماري في زراه
بلغيه اني نويته بالعذاب وفهميه=اني ابطي ما ذكرته كود لا غيري طراه
كلها أعضائي تشرٌه يوم راح وتزدريه=شوفي اصغر شي فيني خنصري كيف ازدراه
افرحي وارضي غرورك بنتصارك واذبحيه=اذبحي قلب ٍ ذليل ٍ واكتسي ليل ٍ سراه[/poem]
.
.
.
وسلامة الجميع