[poem=font="Arial,6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
حان الفراق وحان وقت الوداعي =والدمع من عيني على الخد صبّاب
ساعه وصول اهل البيوت الرفاعي =استر قلبي والقمر فوقنا غاب
حييت ياراعي العيون الوساعي= سحرتني والسحر من طول لهداب
الذيب يعوي وان عوى قلت جاعي =واذا سكت يقحط بناب ٍ على ناب
ان قام حظي اشترالي وباعي =واذا انكسر حظي مع الناس ما صاب
مسكين يا قلبي من البين لاعي = لاعه زمانه والسّهم مننا خاب
بدلت راسك ياريش العين راعي =راعي الجديله يحسب الهرج بحساب
من بيت عز ٍ ضرغمي ٍ اسباعي =ماهوب ببيت ٍ ساكنه بوم وغراب
صادق صدوق ٍ والجمايل طباعي =ماهوب مثلك فيه كذب ٍ ونصاب
نجم السما يبكي من الفرق قاعي =فرق ٍ كبير ٍ يعرفه كل نسّاب
ياللي تخون العهد والعهد ضاعي =محد ٍ يحط ايديه في ايدين كذاب
كنت احسب ٍ آبوه بارك وباعي =اثره ضعيف ٍ صاغر ٍ به تذبذاب
شوره مع نوره ولافيه داعي =اكشف عيوبه يقطع العرق وماجاب
مادام حظي مع هل الخير ساعي =مالي ومال اهل الردى دار نهّاب
يا حسرتي يابنت يابنت راعي =يرعى دجاج ومجلسه مابه اصحاب
بقولها بعيدها كل ساعي = ياحسرتي يالحظه الفكر واعجاب
حان الفراق وحان وقت الوداعي = والدمع من عيني على الخد صباب
بن حيان [/poem]
رد مع اقتباس
