روّح جاي

[جابر غازي]

الله الله الله


ما عليك زود يا مرزوق



حنـّا مع اللعب يا مرزوق نقطف كل غالي ثمين
...................................... والنفس حسناتها تدفع خطاياها وسيـّاتها

الله يبارك لنا فالطيـّب اللي يعرف الطيـّبين
...................................... لكن رجليك يا مرزوق لا تقصر بخطواتها


,,,,

[جابر غازي]

يا مرحبا باللي معانا بالصفحه


وكل ٍ بأسمه


والسبيعي ,, عن قبيله طال عمرك : )

ويا مرحبا ومسهلا

[سلطان الشيباني]

جابر غازي ,, مرزوق الغنامي



وطاروق ولا أروع



واصلووا



فديت خششكم








تحاياي

[أبوعبدالرحمن]

صحت قلوبكم

ومازلت متابع معكم

وينك يامرزوق

[مرزوق الغنامي]

ياسلام عليك

عندك

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياجابر اليا دحمنا القوم ندحهم بجمب متين=وام الكباير نبا ناطا عقاربها و حيّاتها
الحمد لله حنّا كاسبين المدح دنيا و دين=والا انت بقعى توّخر لك يابو غازي بصكّاتها[/poem]

[مرزوق الغنامي]

ابو عبدالرحمن ارحب و صح بدنك وعاني جيت :)

سلطان الشيباني الروعه في حضورك لكن حدد الصف لاهنت :)

[سلطان الشيباني]

احدد الصف ؟؟



ياعيب الشووم بس ..!!



جل لاحدزك شكّه من انا في صفّه؟؟




وابك الصف غنّامي منّا لااان يوم الدين



الليل الليل

[جابر غازي]

الله الله الله عليك


استلم يالغنامي


الظاهر انك من اللي يشهدون الزور في كل حين
.................................... يا راعي البندق اللي دوبها ثارت بمخباتها

لا تنزوي بالنثايل كان عندك علم يا بآالحصين
.................................... حيث ان دكتورها يعرف يداوي كل عــّلاتها


,,,,,,

[مرزوق الغنامي]

الله الله

استلم لا عدمتك

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لابارك الله في اللي يالمطيري يظلم المسلمين=امطير حمر النواظر ما نكبها غير نظراتها
لا تحرثين السبب مدفون تحت الارض يا ام القرين=ترى المقابر تضم اللي يموت و ما اكثر امواتها[/poem]

[مرزوق الغنامي]

ابن مشيب

هلا و غلا مالاحقني شك بس قلت اتوكّد .. وخلك مطرفّ ٍ دقّة محيسن :)

لاخليت منك

[عايض الفقيعي]

لا تحرثين السبب مدفون تحت الارض يا ام القرين



ابداع مابعده

[محمد الجبريني]

[mark=0000FF]الله:::::::::: الله

شعار رااااااااائعين لاهنتو جميع متابع
للجميع [/mark]


[mark=FF0000]وفي صف خنذف بالتحديد ولا يهونون شباااااااااابه

الذياااااااااااابه [/mark]
[mark=CC3366]تقبلو فائق احترامي [/mark]

[أبوعبدالرحمن]

متواجد ومتابع


صحت قلوبكم

[جابر غازي]

يا سلام يا سلام


استلم يا مرزوق



خايف تثور المدافع ثم تبرك يالحوار السمين
................................ اعتيبه اصحابنا نعرف مساعيها وغاياتها

يا بيت ياللي يشيلـّنك مراكيزك وحصنك حصين
.............................. ما ودّنا فالركايز عقب ماتت نظهر ارفاتها


,,,,,,

[جابر غازي]

الطيار

محمد الجبريني


ابو عبدالرحمن




يا هلا ومسهلا تو ما زانت بعد متابعتكم


الله يعطيكم العافيه