قصيدة في خادم الحرمين الشريفين الملك عبدالله بن عبدالعزيز ال سعود حفظه الله ورعاه وابقاه
ذخرا للاسلام والمسلمين
[poem=font="Simplified Arabic,7,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
صقر العروبه [/poem]
[poem=font="Simplified Arabic,5,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
تباشري بالخير يادار الاخيار = الشعب ينعم والحكومه رشيده
تفاخري يادارنا سر وجهار= منبع وحي واللي يحكمك وليده
خيره على شعبه مثل وبل الامطار= يمناااا كريمه والشجاعه رصيده
زعيم مامثله حكم بين الاقطار = يفخر بشعبه وامنياته بعيده
صقرالعروبه مبهرِ كل الانظار = في كل يوم ومكرماته جديده
الطف على شعبه من الوالد البار = الجودقمه وابومتعب حفيده
حبه لشعبه ماسمع فيه بوار = يجري بمجرااا الدم داخل وريده
من راس ابوتركي ومن طلع سنجار = رمز الشجاعه والكرم سيد سيده
يادار غنيله وفاااا عشق يادار = غني فبومتعب تزين القصيده
يادار في عينه تباهي بالانوار= زيدي لبومتعب عسى الله يزيده
صميدعِ ماخلق مثله ولاصار = تسامحه عم النفوس الحقيده
عطفه شمل من خططوله بالاشرار = حتى عداه من العفو مستفيده
وان كبرت القولات بيمين ويسار = الكايده والمعضله ماتكيده
حكمه -- وقوه -- والشجاعه لها ادوار = يقود شعبه وابوخالد عضيده
ولي عهد المملكه واف الاشبار = سلطان لاقام الضديد لضديده
يعرف بوقفاته معى فزعة الجار = يوم الكويت مذيرِ من حديده
وقف وشال الحمل قنطار قنطار = رجل الشدايد فالسنين الشديده
والعذر منكم ياطويلين الاعمار = وفاكم اكبر من بيوت القصيده
انتم هل الطولات وانتم هل الكار = واهل الفعول الثابتات الاكيده
من دون طيبه والحرم درع واسوار = باالعروة الوثقى سيوفِ حديده
شبه الجزيره تنعم بخير الاخيار = عمار يادار الشرف والعقيده
وامجار ياللي مكرمِ شعبك مجار = الله يمتعك الحياة السعيده
والله يحفظك عن صواديف الاقدار = وعسى حياتك يابو متعب مديده
امين يامولاي علام الاسرار = تحفظ ملكنا والقياده رشيده[/poem]
عبدالله بن راجس