الســ عليكم ورحمة الله وبركاته ـــــــــــــلام
كنا نقول إذا تقابلنا السلام عليكم والحين هاااااي هاوز افري ثنق
كنا نقول فمان الله والله يحفظك والحين نقول تشااااو وتيك كير
كنا نقول هلا حياك الله أقلط والحين نقول اتصل على قبل لا تجي
كنا نتفاخر عندنا جد وجده بالبيت و الحين صار فيه دار للعجزه والمسنين
كنا نقول تفضلوا للعشاء انتم والأهل والحين نقول ممنوع اصطحاب الأطفال
كنا نفرح اذا تعشينا من برى البيت والحين نفرح اذا تعشينا من البيت
كنا نفطر ونتغدى ونتعشى جميع والحين زين اجتمعوا اثنين
كنا ناكل مرقوق وجريش والحين مكرونه اسبقتي أو بالباشميل
كان طموحنا ندرس في الجامعه العربيه والحين طموحنا ندرس بالجامعه بس مو العربيه
كنا ندرس كل طالبين بطاوله والحين كل طالب له طاولتين
كان طموحنا نصير طيارين والحين طموحنا وظيفة توكل خبز
كنا نفرح اذا نزل البردي والمطر نشرب منه ونستعذب والحين ننحاش لايوصخ ملابسنا
كنا نفرح اذا قالوا لنا قربت الاجازه والحين نص عيالنا وبناتنا بإجازه على طول
كان في زماننا تهرّب الزقاير تهريب والحين أعتدنا إدارة مكافحة المخدرات
نأتي للسؤال هل الزمن له دور في تغيرنا أم نحّن من تغير؟؟
موضوع يستحق المناقشة على كل عضو أن يدلو بدلوه في هذا الموضوع
تحياتي لكم