[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
قصيده كتبتها في جدي رحمه الله (راشد ابن شهلان) اتمنى ان تنال على اعجابكم
هاض الضمير وبيح القلب باحساس =والفكر يبدع والقوافي جديده
لازم تطيعه وان عصى قاف ينداس =شاعر وفي نظم القوافي وليده
من اول اسمع بالفقايد على الناس =واليوم عرفت ياناس معنى الفقيده
ياكبرها ياعظمها مير لاباس =حكم الولي يريد مالا نريده
راح الفقيد اللي كما حر قرناس =سيد المراجل والمراجل عبيده
عقب المراقب كفن ابيض الالباس =جاني خبر موته في ديره بعيده
حسيت كنه ضارب القلب بالفاس =والدم توقف مامشى في وريده
وقفت ماني بصاحي والحال منحاس =منهار جسمي والمصيبه شديده
عبرات حلقي وقفت بين الانفاس =لاهي طلعت لاهي في صدري وقيده
يالله ياللي خالق الناس باجناس =ياللي خلقت الموت سنه اكيده
تفرج لجدي يوم الارياق يباس =وتجعل حياته وسط قبره سعيده
تسكنه في جنات وتلبسه الالماس =ويشرب من الانهار في جنه رغيده
وجدي على جدي كما وجد ابودباس =عاف الحياة ويبغى شوفت وحيده
او وجد منهو يشرب السم في الكاس =يبغى يموت ولا يقابل عضيده
او وجد منهو طول افوسط الاحباس =من طول سجنه شلت رجله مع أيده
كثر التوجد يوجع القلب والراس =واللي توفى ماترده قصيده
هاض الضمير وبيح القلب باحساس =شاعر وفي نظم القوافي وليده[/poem]
رد مع اقتباس
[
المشاركة الأصلية كتبت بواسطة عبدالرحمن الجبابرة
