مسيتم بالخير انا ضيفه جديده فيذا المنتدى
وان شاء الله اكون غصبا عليكم خفيفة ظل
المهم مااطول عليكم بالسالفه واهي قصتي انا واسطار اكاديمي
اترككم تابعونها وان شاء الله تعجبكم
^
^
بينما كنـت أتبطـح أمام التلفاز في عصر أحد القـوايل وأتفرج على قنوات وأمامي قـدح من القهوة
والحلى وأتفـرج على مسلسل لبناني وأنواع سعابيل تقوطر على هالطخوم
إلا يجي إعلان عن برنامج ستار أكاديمي وبما انه الفراغ ذبحني والتناحه
وراثـة بالعائلة
اشتغلت الوسواس والأفكار براسـي وجاني شوشو يركض<<<<<<دلع
إبليس
ويحاول فينـي أقدم عليهم وعلشان اقبل قعد يهمزني >>>>>>من زود
النصب
وفجاءه اقـشعر بدني وقلت لا أبوي يذبحني السالفة فيها قبائل
>>>>>امحق
إلا ويشيش إبليـس وقام يزعق الحين أنا يابنت الذين تركن لي رجل وحرمته
يتمعطون بالشوش
وبيتطلقـون وجاين مسرع أول ماوصل لي ام ام اس حقس
قلـت ول أسرع من اتصالاتنا >>>>ماتدق أبدن
قلت طيب جـوالك وشو ....... مادريت إلا صكني بغضـاره على جبهتي
وبعد ماصحيت من اثر الصدمة رحت لامـي أقولها
وكانت أمـي تاخذ حمام شمس بالحـوش ولا هند رستم
أنا: يمه ودي أشـارك بستار أكاديمي
أمي: وش ذا سـطار أكاديمي عسـى مهوب محل لابو ريالين>>>>>>قمة
طموح أمي
أنا: لا يمه ذي جـامعه تخرج طلبه وطالبات وتوظفهم على طول >>>>>
ماتدق علـى ديوان الخدمة
أمي: اصبـري لين يجي أبوس من الـصيد
أنا: يمه وش اصبر أبـوي يبي له شـهر على مايجي من رحله صيد الأسود
بالسودان
ثمن تضيع على الفرصة وما عـاد يقبلوني وتـرى الجائزة كبيره مليون دولار وسيارة
أمي :اجل خلاص الفـلوس بنزوج إخـوانس فيها والسيارة لنا
أنا: يمه انتم راضـعين مع يهـود تسرقوني عيني عينس
ماحسيت إلا شـي طاير ومـلزقني بجدار جنـب البرصي
رحت السوق مع أمي بعـد مارسلت لهم أوراقي وصـوره من بطاقة العائلة
وصوري بعرس خالـي
واشتريت أنواع الفسـاتين ودرعات وجبت لـرولا كم جلابية وللاستاذه
والأستاذات معمول دواسر
وأنواع المـونه لي من كراتين سنكرز وجالكسي وعـلوك
ويوم رحنا المطار صممت أمي إلا يروح معي اخوي الصـغير محرم
>>>>>>> عمره 16
قلت معصي تبينـهم يطردوني
وركبت الطيارة ورحت لبنان ومهنا احد بطيـاره ماعلمتهم إني مقدمه على
ستـار أكاديمي
بالأخير الطيار بغى يتهور ويرميني مع دريشـتها
ويوم وصلـت المطار لقيت رولا مسويتن لي استقـبال وجايبه معها عايده
ومـيري وبنت مقلل
وقعدت تزغرط قسـم ماش حسـيتها فشلتني >>>>> أبوك يالنصب
وقعدت تزغرط وتقول:: آوياها ومـتزهويه اجت لعندنا . آوياها ومتزهويه نورتنا
آوياها قالـوا مارح تجي
اجت وكادت العـزال كلهم لوووووووووووووووووووووووو وولويش
ورحنا الفندق وتعرفـت على البنات والعيال بس ماش حسيتهم مهوب من
ستـايلي
وبعدماتعرفت علي كم مغربيه وسـوريه تحالفت معهم انى نطلع أول شي
العيال >>>نذله
وجات رولا وقشت عفشـي كله وأنا ابتسي واصراخ
امبيه أبي أمي أبي أبوي أبي أهلي أبي علوكي
وفرضت علي رجيم نمله
ومن الزعل جلست سهرانه للصبح ومانمت إلا الساعة 8 وتوني بنام
مالقيت إلا سطل مويه منكب علي
ووحـده تقولي صادوه صادوه وأقوم بصكها بمخدة إلا وتطلع رولا
>>>>>أثرها خبله
وأقوم بطق ومطقاق وبعد ماصحصحت قلت أروح افطر ولا وش يطلع
فطورهم
^
^
^
^
^
^
^
^
^
^
^
^
^
ربع زيتونه وخمـس خبزه ونقطه مربي >>>>>>> عسى ماتكلفتوا بس
وأروح لقـاعه الرياضة عند اليسار مقلل علشان نتدرب لحفل الإفتتاح والرقص
وبما انه أنا أول مره أتدرب مع عيال استحيت ورحت ورى
وحنا نتدرب انصرعت من ريحتـهم
هاوو مايسمعون بشي اسمه تروش ولا يحطون معمول ولا عطر
قلت مهنا إلا أتلطم بشماغ أبوي >>>>>حنونه البنت
وحنا نتدرب ماش ماعجبني رقص اليسار أحسه بارد>>>>>>خبيرة رقص
وأروح أنحاش لغرفتي وأجيب أشرطه طقاقات وزيتها عن عقرب رمل رولا
واشغلها لهم وأفل الشعر واردح لهم
وارقص نقازي واتنكس
وأمسك تونسيه وأقولها الفحي زي
بعدها رحنا لدرس الغناء وامدحتني مدام ميري نفيخه اعجبت فيني وبموهبتي
وقالت صوتس أوبرا... وعالي قلت صز أبوي دايما يقولي قصري حسس لأقص لسانس
اثري موهبة ومحدن جايب خبري
وصممت إني اهتم بموهبتي واغني زي باقاروتي وعائشه المرطه
وبعد ماحفظت الاغنيه حقتي
بعد كم يوم تجهزنا لحفله الافتتاح
وجاتني رولا تبي تلبسني فستان قلت شوفي حنا مانلبس مزلط إلا بزواجات الحريم
معصي البس عاري ولا قصير قدام ملايين الخلق تبين أهلي يذبحوني>>>>>أصيله البنت
وتصمم إلا البس فستان قصير مره حتى بنت عمرها 4 مايجي قدها
وانقهرت وصممت إلا انتقم من رولا وتوزيت وماطلعت إلا قبل بداية البث بثانيه
ودخلنا كلنا نغني أغنيه الافتتاحيه وكنت لبسه
^
^
^
^
^
^
^
^
^
^
^
^
^
^
^
^
^
^
^
^
لبسه الفستان وتحته بنطلون جنيز
رولا طيرت عيونها وبغت تنجلط وهي قاعدة تأشر لي بذبحس وتبي تغولني
ثمن تدخل هيلدا وهي لبستن فستان
يهبل مادري من وين شاريته>>>ودها تسألها عن المشغل
وقعدت تقول
هالسنه عندنا مفجاءه حلوه كتير لحبايبنا المخفات بالسعودية وهي ظهور أول مشتركه
سعوديه معنا وهي بنت ائابيل (قبائل) ومعروفه واسمها متزهويه وبدنا منكم
يا اهل السعودية تصوتوا بدنا نسرق مصاريكم صوتوا يبعد العربان كلهم
وأنا عيوني ترقرق بدموع وودي أصيح وأحظن هيلدا وانزل واحي الجماهير الغفيره
ثمن التفت هيلدا وغمزت لرولا وقالت
متزهويه إحنا عملنا لك مفا جاءه حلوه كتير
ونطلب من مفا جاءه إنها تطلع للجمهور
وفجاءه عم الصمت أرجاء المكان والتفت وطار شعري الناعم عن كتفي
الإ والقي أبوي وعمي وأخواني
وجتني أم الركب وبغيت أنجلط
ياويلي وش السوات
وأول مابدا البريك الإعلاني
وأروح أنط من مكاني وارمي الكعب وأنحاش
وأبوي لحقني بعقال
وعمي يحاول بهيلدا تطلق ويتزوجها
وأبوي يقول لأخواني حدوها حدوها
وأنا لاحول ولاقوه
واصرخ
ياقوم إلى أين المفر
أبوي من وراي
وإخواني من أمامي
مادريت بعمري إلا وأنا نطتن عند الجمهور ثمن نحشت
وهات ركض بشوارع لبنان الين ماصادني أبوي
وقتلني وعلق راسي مع مجموعة الأسود حقته
وراسي ثالث راس جنب الأسود والفهود والهنود
وكانت تلك حكايتي
the end
ملاحظه:
طفوا أجهزتكم واقروا بكيفكم لأنها طويله موب تقولون خسرتنا هاللحجيه >>>ماقلتها إلا بالأخير
تشاااااااااااااااااااو
رد مع اقتباس
انا كلي لجل عينـــك 
