مساء الخيرات والليرات
اشتقتولي يالشيون
نشله موضوع رفع ضغطي
سابقا ولاحقا
وهو المطلوب اثباته
البديهي أحيانا تتحملينه اذا كانت أعصابك باردة ...
بس اذا كان دمك حامي راح تعصبين ويرتفع ضغطك ,,
خلـونـــا نشــوف أمثلة مثــلا :
# أنتي بغرفتك منسدحه بالسرير ومطفيه النور ومتلحفه بالبطانيه >> أحيه يالبرد ...
تجي وحدة من خواتك وتفتح الباب عليك وتقول : تبين تنامين !!!
(( لا أبرقص على وحده ونص ,, أكيد أبنام ))
# أنتم معزومين عند ناس ورحتو لبيتهم وأول ما فتحوا الباب لكم : قالت بنتهم" جيتــوا " !!!!!
(( لا رحنـــا ,, أكيد جينا وأنت وش تشوفين ))
# والعكس : أنتي لابسه العباية وماشيه بالبيت متجه لباب الشارع ,, يجي أحد من أهلك وينادي بصوت عالي : هاه تبين تطلعين !!!!
(( لا أبدخل ,, أيه أبطلع ))
أنتي بالكليه وقمتي من الطاولة عقب ألف سالفه وسلافه يتخللها الحش والضحك والغشمرة ورحتي عند الباب تلبسين عبايتك ...
تجي وحده ملقوفه من البنات وتقولك :فلانه مشيتي تبين تطلعين للبيت !!!!
(( لا أبطلع برا أشم هواء,, أكيد أبروح لـ بيتنا من زين الكليه ))
# مثلا ماسكه سماعه التلفون وقاعده تضغط بالارقام يجي أحد من أهلك ويقولك : تبين تكلمين بالتليفون !!!!
(( لا أبتفرج عليه ,, أكيد أبكلم ))
# مثلا : ماسكه مذكرة أو كتاب وقاعده تحفظين ومتحمسه .. جاء أحد وقالك : قاعده تذاكرين !!!
(( لا أطالع التلفزيون ,,, أيه أذاكر ))
ولا تعالــو شوفو قنواتنا واسئلتهم البديهيه البايخه ..,,
# برنامج اهداءات يتصل واحد يطلب أغنيه ؟
ترد عليه المذيعه بكل سخافه : أنتا بتحب هي الغنيّة !!!
(( لا ما أحبها بس طالبها أستهبل ,, ايه أحبها ليش أجل متصل ))
# أو مثلا بالعيد جايين يقابلون مع الناس شوفو حوارتهم :
المذيع : مرحبا عرفنا على اسمك ؟
المواطن : فلان الفلاني .
المذيع : وش تقول لأهلك بالعيد ؟!!!
المواطن : أقولهم كل عام وأنتم بخير ..
(( أكيد يبي يقولهم هالعباره أجل وش تبونه يقول بهالمناسبه ))
والأسخف من هالبديهيات اللي تضيع وقتنا اذا قابلو مع بزارينا ,,,
يقول المذيع للبزر : أنت تحب ماما وبابا !!!
(( أيه يحبهم أجل تبي يقول لا ))
المذيع : ايش تسوي بالعيد أكيد تروح لأهلك تسلم عليهم وتقولهم كل سنه وانتو طيبين !!!!
(( لا أبروح أكفخهم وأسوي هوشه ,,, أكيد أبعايدهم ))
& مدري البديهيات تملا الفراغ ولا سالفة لنا نقولها علشان نغث اللي عندنا &
تششششششششششششاااااااااااا ااااوووووووووو
رد مع اقتباس
انا كلي لجل عينـــك 
