إهداء للشاعرة العنود
[poem=font="Simplified Arabic,5,blue,normal,normal" bkcolor="transparent" bkimage="http://www.sfsaleh.com/vb/images/toolbox/backgrounds/16.gif" border="none,4," type=1 line=0 align=center use=ex num="0,black"]
العنود اللي لها في القلب عز ومقدريه
ماعلي لاشفتها زلتها ويسكني غلاها
من غلاها لو تسوق النفس في حوض المنيه
قلت ياحظ النفوس اللي توردها مناها
ومن غلاها سقت نفسي في القسى للجاذبيه
سوقت اللي للعطايا مايحسب في جزاها
ومن غلاها تعبت قلبي على روحه وجيه
والتعب لعيونها حاظر ويلزمني رضاها
ومن غلاها حافي الرجلين في وادي الحنيه
اعتلي راس الرفيعه واعشق الديرة وماها
ومن غلاها صار فكري بالشعر تكتب يديه
وآتعنى في القصايد ياعسى تلقى صداها
المهم ان حبها يلويني بمليون ليه
ان درت وإلا مصير الحب يدرك جفاها
الحياة تمر والدنيا بلاويها خفيه
وان تخلت عن هواها الله يجازي هواها
غربلتني بالقصيد ومنها الكلمة قويه
وان تثنت للسوالف شرقت باللي معاها
واعذابي يوم قالت في غروب الشمس ليه
كلمة ٍ لو قلتها ماشافت عيوني وراها
شرقت بعد الوداع وتركها يصعب عليه
وان تثنت عقبها والا خطاها ماخطاها
ولعتني واتركتني والبلا منها وفيه
سامح الله كل زلتها ويرحم من بزاها
وطعتنتي والطعن عن جد في الميت قضيه
لين ماخلت مكانه في الجسم تسمع عزاها
سامح الله طعنها والخوف والنفس الزريه
وسامح الله يوم تتعبني وانا كلي فداها
ياعسى من لامني يبكي على فرقى خويه
في الصحاري منقطع ويسوقه القيض وحماها
ليه ترحل ماعطتني من غلاها لو شويه
او تشوف النفس واللي من سبايبها وطاها
ذكروها لاتخلوها على الصدة جرئيه
وذكروها في جروحي وانشدوها وش بلاها
وذكروها لاتكون بكبريها مفتريه
الكبر لله والصده تجي من كبرياها
وخبروها ان لها في القلب عز ومقدريه
لو حصل مهما حصل منها يتزايد غلاها
ناصر الجعيدي[/poem]