[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
حماس ولاّ فتح اعني فلسطين=تحت اللواء موحدين الرعيّه
تبرعوا شعب وحكومة ملبين=قبل الرواتب بالدماء الزكيّه
ماغِيّبت ذكراك ياشيخ ياسين=ولاّ أبو عمّار يوم المنيّه
آيات ،والدرّه 0وركب الشهيدين=في ذاكرة الاسلام واليعربيّه
حنا انتصرنا في بلاد الحرمين =بالشرع والمنهج وسنة نبيّه
شعارنا نخله تقاطع بسيفين=في الداخليّه ثبت والخارجيّه
الدين الاسلامي الحنيفي لنا دين=من اولًا وحنا رجال الحميّه
مابعنا شبر من ارضنا بالملايين=نفدي الوطن وملوكنا الوائليّه
قبل النفط يوم الفقر والمعادين=المملكه بالله 0وهلها غنيّه
قبل التطور والتقدم عزيزين=مامُدت يدينا ندور عطيّه
من قبل ماكنا شريفين لي لحين=وحنا على عادتنا الأوليّه
فلسطين لو شُلت بها يدين ويدين=مازالوا اقوى شعب في هالبريّه
الله يوحد صفهم في فلسطين=ويحفظ لهم حماسهم الوفيّه[/poem]
رد مع اقتباس
-new.gif)
