أهليــــــــــــن وسهلين
ومرررررررررررحبتين:واو:
بعد التحية و قبل كل شي الي اشتراكه بالساعات يفصله منشان انو احنا مطولين شوي
في الحقيقه والواقع .. والتيس الفاقع .. والآنسات لابسات البراقع .. والبحر ملئ بالقواقع .. والرز الناقع ...
في صبيحة اثنين جميل وانا قايمه الساعه11 ونفسي بخشمي
قمت اتزهب للجامعه وكانت عندي محاضره بعد ساعه مدتها ساعه<<شفتو كيف نظاميه انا بكل شي
المحاضرة ذي مو من عادتي احضرها لان دايم البنات ما يقصرون يوقعون عني
لكن الدكتوره السودانية صايرة الايام هذي تعد الاسماء وبما اني نزل لي انذار فلازم نحضر
المهم اني قلت وش لك يابنت الحلال تتكشخي وتتعبين روحك.. انتي مزيونه من غير متزينينحتى اليسا عجرم ماتجي غسول يدينك
واصلا محد شايفك فانتي نفس الروتين تدخلين محدن يدري عنك وترصين روحك باخر القاعه..
وانا رايحه ساعه يعني مايمدين افصخ العبايه الا لبستها
8
8
8
كل هالحديث بيني وبين نفسي عشان اقنعها :icon_mrgr
المهم مسكت الشوشه اللي ما مشطتها من يومين
ولبستلي ذاك اللبس اللي مدري كيف تناسق :icon_roll
واروح بامان الرب للجامعه
وعاد طايحتلي هاليومين اتشطر بالدكتورة
المهم اني دخلت المحاضره ومتحمسه واكتب معها واسأل واستفسر
الا الدكتوره يجي اعجاب منها بي مدري وش تبي :مدري:
وتعطينا تمرين والناس تحل الا انا وصديقتي قاعدين نسولف
الا شوي تقول الدكتوره بعد شوي بتطلعين تحلين بالسبوره
انا ناظرتها مذهله مثل هالوجه>>
ثم تغير بعد الصدمه لهذا الوجه>>
قلت لها منهي انا؟؟ دئلت
سهتني هالهبله
قالت صديقتي يالله ونسينا شوي ع السبوره
وابتلشت مدري شسوي اعدل الشعر والا احط الجلوس والا اعدل لبسي والا احل المسألة قبل ما اطلع
المهم استقريت اني اعدل اللبس وصديقاتي وحده تعدل الشعر والثانيه تحل لي<<حسيت بجد بشعور العروس
وتقول يالله اطلعي..قلت متأكده يستاذه انا يمكن وحده ثانيه وغلطانه بالعنوان تأكدي واللي يرحم والديك قبل ماتوهق
المهم قالت الا انتي :زعلان:
واطلع وامشي بين الطالبات <<<<<كنت حاسه اني عروس انزف من كثر التوتر اللي فيني :icon_redf
واقف منصبة الظهر عند السبوره<<<<< تخيلو اول مره اقف هالوقفه من اولى ثانويه بعد ما كرفوني المدرسات
بالاناشيد لاني كنت مخفه عندهم اهملت دروسي فيها واخر وقفه كان لها ذكرى سيئة:واء:
ومن شدة الربشة ماسكه القلم بالمقلوب وملى ام امي ابن اللذين
المهم اني خلاص جتني حالة زار او شبيه له مادليت اعرف راسي من ساسي
تقولي جيبي الفعل "الماضي" اجيب "المضارع"
تقولي وش "القاعده" اقولها وش "الكلمه "
وهي تقول انا عارفه انك شاطره وبتجاوبين <<<<<<ناقصه أنا ..تحطيم+تشجيع=انفجار
المهم انها تقول (يقراء) وش الماضي واقولها ( يقراء) ماله ماضي<<ام اللحسه اظن لو تقول وش اسمك اقول هاغي بوتر
عاد يأست مني والبنات جاوبن
ولسه لســـه
ع الطااااااااااااااامة الكبرى
فان ظهري وانا بالسبوره يكون قدام البنات مثل منتو عارفين
وكنت حاطه لزقة ظهر(اللي تنحط للمصوع) واللبس فتحته كبيره<<بالله شفتو ادلخ مني بالدنيا بذي
وبعدها قلت لا للدفاره لا للشطاره نعم للنوم في المحاضره
مع تمنياتي لكم المزيد من الهبال والصرقعه
أطيــــــــــــــاف
رد مع اقتباس
