الجوّ جوّ إن كان بعض العرب جوّ
............. وإن كان ما جوني فلا زان جوّي
والأرض خضرا والسماء كلها نوّ
............... والعشب في وسط الفياض متروّي
يا محلا عقب المطر شبّة الضوّ
.................. فنجال بن ٍ ينعش اللي مسوّي
في حضرة اللي بالمراجل تربوّ
............... صغيرهم بالطيب ما هو ينوّي
درب المراجل ما يبي ليت مع لوّ
.............. ولا يبي رجل ٍ لوجهه يلوّي
ما سووا الأصحاب يا صاحبي سوّ
.............. ولا كل من تبغى المخاوى يخوّي
هذا حصان وقيل عن ذاك يا بوّ
............... هذا بنى بيته وهذا يطوّي
يا عاشق الأولى بعزمك لها قوّ
.............. عشانها خلك لعزمك مقوّي
واللي عن الماضي بلحظة تناسوّ
........... في جوّهم وأنا بغلوي في جوّي
عبدالله مناحي السبيعي