اخواني وأخواتي أعضاء وزوار منتديات غرابيل ..تحية طيبة ..
أقدم لكم هذه القصيدة المتواضعة وأتمنى أن تنال إعجابكم..
[poem=font="Simplified Arabic,6,white,bold,italic" bkcolor="black" bkimage="" border="double,6,black" type=2 line=0 align=center use=ex num="0,black"]
راكب اللي بأحدث الصنع صنعه الخبير= في يدين مصنعينه تحت رأي خبرا
دخلوا به ياي قدام للخط الغزير =والرِّيَش سبعٍ عددها تحت شاصي ورا
والغمارة صب ما فيه مسمارٍ قصير = لا تسمّع فيه وزة ولا عينٍِ ترا
قوة بلوف المكينة يترجمها الصفير = صوت ندراءً ماطر العام تلحقه الثرا
إن نطحته من على البعد زوله زول طير = وإن سنح لك سنحة الذيب لامنه سرا
وإن ثخثع في المسايل بدال الزير زير = وإن رقى روس الغراميل كنه عنترا
واحدٍ ما يشتري الشاص بمراحه فقير = لو شرى له طايرة ميج كنه ما شرا
شَفّ بال معذب القلب مجروح الضمير = من تذوق مر الأيام يبطي ما برا
ينعش القلب المشقّى ليا روّح عصير = ترفع الشمس بشمالك ويدرقها الذرا
في طلب وضحى مع البدو ما جاها البعير = حقةٍ كبرالعشاير ولاهيب عشرا
صّيفت مع لمت الطرش بأطراف الجرير = يم ضلعان الذنايب وهذيك الحرا
بكرةٍ فيها من الزين والأوصاف غير = من يشوف الفرق بين الثريا والثرا
وأجنبت في ظل قومٍ يروون الشطير = يستظل بظلهم من شكى ضيم العرا
عزوةٍ ريف المسير وريفٍ للقصير = ليتنا ولينّا مع هل البوش قصرا
والله إني مصلي صلاة المستخير = مير أثر راع المغاتير ما معه خشرا
عبدالله خاتم مرزوق العضياني[/poem]